完整藏文原文 · 德格版页 当前仅加载第 3 函德格 183a 版页；藏文 NFD、目录标记与异常页序保留在来源切片中，重复版页行以稳定序号区分。
གང་ཞེ་ན། གཞི་མེད་པའི་བྱས་པས་གསོ་སྦྱོང་གཞག་པ་ནི་ཆོས་མ་ཡིན་པའི་གསོ་སྦྱོང་གཞག་པ་ཡིན་ནོ། །གཞི་དང་བཅས་པའི་བྱས་པས་གསོ་སྦྱོང་གཞག་པ་ནི་ཆོས་ཀྱི་གསོ་སྦྱོང་གཞག་པ་ཡིན་ཏེ། འདི་ནི་ཆོས་མ་ཡིན་པའི་གསོ་སྦྱོང་གཅིག་དང་། ཆོས་
D1.003.0183a01.01ཀྱི་གསོ་སྦྱོང་གཞག་པ་གཅིག་ཡིན་ནོ། །ཆོས་མ་ཡིན་པའི་གཉིས་དང་ཆོས་ཀྱི་གཉིས་ཀྱི་གསོ་སྦྱོང་གཞག་པ་གང་ཞེ་ན། གཞི་མེད་པའི་བྱས་པ་དང་གཞི་མེད་པའི་མ་བྱས་པས་གསོ་སྦྱོང་གཞག་པ་ནི་ཆོས་མ་ཡིན་པའི་གསོ་སྦྱོང་གཞག་པ་ཡིན་ནོ། །གཞི་དང་བཅས་པའི་བྱས་པ་དང་གཞི་དང་
D1.003.0183a02.01བཅས་པའི་མ་བྱས་པས་གསོ་སྦྱོང་གཞག་པ་ནི་ཆོས་ཀྱི་གསོ་སྦྱོང་གཞག་པ་ཡིན་ཏེ། འདི་ནི་ཆོས་མ་ཡིན་པའི་གཉིས་དང་ཆོས་ཀྱི་གཉིས་ཀྱི་གསོ་སྦྱོང་གཞག་པ་ཡིན་ནོ། །ཆོས་མ་ཡིན་པའི་གསུམ་དང་ཆོས་ཀྱི་གསུམ་གྱི་གསོ་སྦྱོང་གཞག་པ་གང་ཞེ་ན། གཞི་མེད་པའི་བྱས་པ་དང་། གཞི་མེད་པའི་
D1.003.0183a03.01མ་བྱས་པ་དང་། གཞི་མེད་པའི་བྱས་པ་དང་། མ་བྱས་པས་གསོ་སྦྱོང་གཞག་པ་ནི་ཆོས་མ་ཡིན་པའི་གསོ་སྦྱོང་གཞག་པ་ཡིན་ནོ། །གཞི་དང་བཅས་པའི་བྱས་པ་དང་། གཞི་དང་བཅས་པའི་མ་བྱས་པ་དང་། གཞི་དང་བཅས་པའི་བྱས་པ་དང་མ་བྱས་པས་གསོ་སྦྱོང་གཞག་པ་ནི་
D1.003.0183a04.01ཆོས་ཀྱི་གསོ་སྦྱོང་གཞག་པ་ཡིན་ཏེ། འདི་ནི་ཆོས་མ་ཡིན་པ་གསུམ་དང་ཆོས་ཀྱི་གསུམ་གྱི་གསོ་སྦྱོང་གཞག་པ་ཡིན་ནོ། །ཆོས་མ་ཡིན་པའི་བཞི་དང་ཆོས་ཀྱི་བཞིའི་གསོ་སྦྱོང་གཞག་པ་གང་ཞེ་ན། གཞི་མེད་པའི་ཚུལ་ཁྲིམས་ཉམས་པ་དང་། ལྟ་བ་ཉམས་པ་དང་། སྤྱོད་པ་ཉམས་པ་
D1.003.0183a05.01དང་། འཚོ་བ་ཉམས་པས་གསོ་སྦྱོང་གཞག་པ་ནི་ཆོས་མ་ཡིན་པའི་གསོ་སྦྱོང་གཞག་པ་ཡིན་ནོ། །གཞི་དང་བཅས་པའི་ཚུལ་ཁྲིམས་ཉམས་པ་དང་། ལྟ་བ་ཉམས་པ་དང་། སྤྱོད་པ་ཉམས་པ་དང་། འཚོ་བ་ཉམས་པས་གསོ་སྦྱོང་གཞག་པ་ནི་ཆོས་ཀྱི་གསོ་སྦྱོང་གཞག་པ་ཡིན་ཏེ། འདི་ནི་ཆོས་མ་ཡིན་
D1.003.0183a06.01པ་བཞི་དང་། ཆོས་ཀྱི་བཞིའི་གསོ་སྦྱོང་གཞག་པ་ཡིན་ནོ། །ཆོས་མ་ཡིན་པ་ལྔ་དང་ཆོས་ཀྱི་ལྔའི་གསོ་སྦྱོང་གཞག་པ་གང་ཞེ་ན། གཞི་མེད་པའི་ཕས་ཕམ་པ་དང་། དགེ་འདུན་ལྷག་མ་དང་། ལྟུང་བྱེད་དང་། སོ་སོར་བཤགས་པ་དང་། ཉེས་བྱས་ཀྱིས་གསོ་སྦྱོང་གཞག་པ་ནི་ཆོས་མ་ཡིན་
D1.003.0183a07.01