完整藏文原文 · 德格版页 当前仅加载第 3 函德格 110b 版页；藏文 NFD、目录标记与异常页序保留在来源切片中，重复版页行以稳定序号区分。
འོད་པ་བཞིན་དུ་ཉེ་བར་གནས་པ་གདོན་མི་ཟ་བར་གནས་པ་འབྱུང་བར་འགྱུར་བའི་ལས་དག་བྱས་ཤིང་བསགས་པས་འདི་གཉིས་ཉིད་ཀྱིས་ལས་བྱས་ཤིང་བསགས་པ་གཞན་སུ་ཞིག་གིས་སོ་སོར་མྱོང་བར་འགྱུར། དགེ་སློང་དག་ལས་བྱས་ཤིང་བསགས་པ་དག་ནི་ཕྱི་རོལ་གྱི་སའི་ཁམས་ལ་རྣམ་
D1.003.0110b01.01པར་སྨིན་པར་མི་འགྱུར། ཆུའི་ཁམས་ལ་མི་འགྱུར། མེའི་ཁམས་ལ་མི་འགྱུར། རླུང་གི་ཁམས་ལ་མི་འགྱུར་གྱི། འདི་ལྟར་ལས་དགེ་བ་དང་མི་དགེ་བ་བྱས་ཤིང་བསགས་པ་དག་ནི་ཟིན་པའི་ཕུང་པོ་དང་། ཁམས་དང་། སྐྱེ་མཆེད་རྣམས་ལ་རྣམ་པར་སྨིན་པར་འགྱུར་ཏེ། ལས་རྣམས་
D1.003.0110b02.01བསྐལ་པ་བརྒྱར་ཡང་ནི། །ཆུད་མི་ཟ་བའང་ཚོགས་དང་དུས། །རྙེད་ན་ལུས་ཅན་རྣམས་ལ་ནི། །འབྲས་བུ་དག་ཏུ་འགྱུར་བ་ཉིད། །དགེ་སློང་དག་སྔོན་བྱུང་བ་བཱ་རཱ་ཎ་སཱིའི་གྲོང་ཁྱེར་དུ་རྒྱལ་པོ་ཚངས་བྱིན་ཞེས་བྱ་བ་བྱུང་སྟེ། དེ་ལ་བུ་གཉིས་ཡོད་པ་ལས་ནུ་བོ་ཤོས་གང་ཡིན་པ་དེ་རྒྱལ་སྲིད་
D1.003.0110b03.01ལ་དགའ་བར་གྱུར་ཏོ། །མདུན་ན་འདོན་ལ་ཡང་བུ་གཉིས་ཡོད་པ་ལས་ནུ་བོ་ཤོས་གང་ཡིན་པ་དེ་མདུན་ན་འདོན་འདོད་པར་གྱུར་ཏེ། སེམས་ཅན་རྣམས་ནི་ཁམས་ཀྱི་སྒོ་ནས་ཤེད་འཕྲོད་པ་ཡིན་པས་དེ་གཉིས་ཕན་ཚུན་དུ་ཡིད་གཅུགས་པར་གྱུར་ནས་རྒྱལ་བུས་སྨྲས་པ། ཐབས་ཅི་ཞིག་བྱས་ན་
D1.003.0110b04.01དེས་ན་ང་རྒྱལ་པོར་འགྱུར། དེས་སྨྲས་པ། ཁྱོད་ཀྱིས་གལ་ཏེ་བདག་མདུན་ན་འདོན་དུ་གཞུག་ན་ནི་ཐབས་མཆིས་ཀྱིས་སྙན་དུ་གསོལ་བར་བགྱིའོ། །དེས་སྨྲས་པ། དེ་ལྟར་བྱ་སྟེ་གཞུག་གིས་སྨྲོས་ཤིག །དེས་སྨྲས་པ། བདག་གིས་ཁྱོད་ཀྱི་གཅེན་ཞ་བོར་བགྱིས་དང་ཁྱོད་རྒྱལ་
D1.003.0110b05.01པོར་འགྱུར་རོ། །དེས་རྗེས་སུ་ཡི་རང་ངོ་། །དེ་ནས་དེས་རྒྱལ་བུ་ཕུ་བོ་ཤོས་དེ་སྨན་མ་ཡིན་པ་བྱིན་ནས་ཞ་བོར་གྱུར་ཏོ། །དུས་གཞན་ཞིག་ན་རྒྱལ་པོ་ཤི་ནས་བློན་པོ་རྣམས་ཀྱིས་དེ་ནི་ཞ་བོར་གྱུར་ཏོ་སྙམ་ནས་ནུ་བོ་ཤོས་རྒྱལ་པོར་དབང་བསྐུར་ཏོ། །དེས་ཀྱང་མདུན་ན་འདོན་གྱི་ནུ་བོ་ཤོས་
D1.003.0110b06.01གང་ཡིན་པ་དེ་མདུན་ན་འདོན་དུ་བཅུག་གོ། །ཇི་ཙམ་དུས་གཞན་ཞིག་ན་རྒྱལ་པོ་མདུན་ན་འདོན་དང་ལྷན་ཅིག་ཏུ་བྲེ་མོ་གཏམ་སྨྲ་ཞིང་འདུག་པ་ལས་རྒྱལ་པོས་ཕུ་བོ་ཞ་བ་དེ་མཐོང་ངོ་། །དེས་དེ་མཐོང་ནས་འགྱོད་པར་གྱུར་ཏེ། བདག་གིས་རྒྱལ་པོའི་སྲིད་ཀྱི་ཕྱིར་ཕུ་བོ་ཞ་བར་བྱས་
D1.003.0110b07.01