完整藏文原文 · 德格版页 当前仅加载第 3 函德格 235b 版页；藏文 NFD、目录标记与异常页序保留在来源切片中，重复版页行以稳定序号区分。
ཅིག་གི་རྩོད་པ་རྣམས་འདི་ལྟ་སྟེ་མངོན་སུམ་དུ་འདུལ་བར་འོས་པའི་རྩོད་པ་ཞི་བར་བྱེད་པས་འདུལ་བ་དང་། ཞི་བ་དང་། ཉེ་བར་ཞི་བར་བྱེད་པ་ཡིན་ཞེ་ན། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བར་དབྱར་བཞུགས་
D1.003.0235b01.01པར་ཞལ་གྱིས་བཞེས་སོ། །དེའི་ཚེ་དགེ་སློང་རབ་ཏུ་མང་པོ་དག་ལྗོངས་ཤིག་ཏུ་དབྱར་གནས་པར་དམ་བཅས་པ་ལས་དེ་རྣམས་དབྱར་གྱི་ནང་ལོགས་སུ་འཐབ་པ་དང་། མཚང་འདྲུ་བ་དང་། འཐབ་མོ་དང་། འགྱེད་པ་བྱུང་ནས། དེ་རྣམས་ཀྱིས་རྩོད་པ་དེ་ཚེ་དང་ལྡན་པ་ཤཱ་རིའི་བུ་
D1.003.0235b02.01དང་། མཽད་གལ་གྱི་བུ་ལ་གཏད་པ་དང་། དེ་གཉིས་ཀྱིས་སྟོན་པའི་བསྟན་པའི་ཆོས་འདུལ་བས་རྩོད་པ་ཞི་བར་བྱས་སོ། །དེ་ནས་དགེ་སློང་རབ་ཏུ་མང་པོ་ལྗོངས་སུ་དབྱར་གནས་པའི་དབྱར་གྱི་ཟླ་བ་གསུམ་པོ་དག་འདས་པ་དང་། ཆོས་གོས་བྱས་པ་དང་ལྡན། ཆོས་གོས་
D1.003.0235b03.01ཟིན་པ་དང་ལྡན་ནས་ལྷུང་བཟེད་དང་ཆོས་གོས་བླངས་ཏེ་མཉན་ཡོད་གང་ན་བ་དེར་རྒྱུ་ཞིང་དོང་ནས། རིམ་གྱིས་རྒྱུ་ཞིང་དོང་བ་དང་མཉན་ཡོད་དུ་ཕྱིན་ཏོ། །དེ་ནས་དགེ་སློང་རབ་ཏུ་མང་པོས་ལྷུང་བཟེད་དང་ཆོས་གོས་མཁོས་སུ་ཕབ་ནས་རྐང་པ་བཀྲུས་ཏེ། བཅོམ་ལྡན་འདས་
D1.003.0235b04.01གང་ན་བ་དེར་དོང་ནས་ལྷགས་པ་དང་། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ། །ཆོས་ཉིད་ཀྱིས་སངས་རྒྱས་བཅོམ་ལྡན་འདས་རྣམས་ནི་བློ་བུར་པའི་དགེ་སློང་རྣམས་ལ་སོ་སོར་ཡང་དག་པར་དགའ་བར་མཛད་པ་འདིས་
D1.003.0235b05.01སོ་སོར་ཡང་དག་པར་དགའ་བར་མཛད་པ་ཡིན་པས། བཅོམ་ལྡན་འདས་ཀྱིས་སོ་སོར་ཡང་དག་པར་དགའ་བར་མཛད་པས་དགེ་སློང་རབ་ཏུ་མང་པོ་ལ་ཀྱེ་དགེ་སློང་དག་ཁྱེད་ཅག་གང་ནས་འདིར་འོངས། གང་དུ་ཁྱེད་ཅག་དབྱར་གནས། བཙུན་པ་བདག་ཅག་ནི་ལྗོངས་
D1.003.0235b06.01ཤིག་ནས་འདིར་མཆིས་ཏེ། ལྗོངས་ཤིག་ན་བདག་ཅག་དབྱར་གནས་ལགས་སོ། །དགེ་སློང་དག་ཁྱེད་ཅག་ཇི་ག་ལྗོངས་སུ་བདེ་བ་ལ་རེག་པར་དབྱར་གནས་སམ། ཁྱེད་བསོད་སྙོམས་ཀྱིས་ཕོངས་པར་མ་གྱུར་ཏམ། བཙུན་པ་མེད་པར་བདག་ཅག་ལྗོངས་སུ་བདེ་
D1.003.0235b07.01