完整藏文原文 · 德格版页 当前仅加载第 3 函德格 20b 版页；藏文 NFD、目录标记与异常页序保留在来源切片中，重复版页行以稳定序号区分。
པ། འཕགས་པ་ཅི་སྟེ་དེ་སྐད་གསུང་། གདན་མ་བཤམས་ཤིང་ཞལ་ཟས་རྣམས་ཀྱང་སྟ་གོན་མ་བྱས་པ་མཐོང་ངོ་། །འཕགས་པ་ཆབ་སྒོ་གང་ནས་ཞུགས་ནུབ་ནས་སོ། །འཕགས་པ་བྱང་ནས་ཞུགས་ཤིག །དེས་བྱང་ནས་ཞུགས་ན་ཇི་ཙམ་ན་ལྷའི་གདན་
D1.003.0020b01.01བཤམས་ཤིང་ལྷའི་ཞལ་ཟས་སྟ་གོན་བྱས་པ་མཐོང་ངོ་། །མཐོང་ནས་ཀྱང་ཤིན་ཏུ་ངོ་མཚར་སྐྱེས་པར་གྱུར་ཏོ། །དེ་ནས་ནོར་ཅན་གྱི་མནའ་མའི་སྤྱན་འདྲེན་གྱིས་བཅོམ་ལྡན་འདས་ལ་དུས་ཚོད་གསོལ་པ། བཙུན་པ་གདུགས་ཚོད་བཤམས་ལགས་ཤིང་མཆིས་ན་བཅོམ་
D1.003.0020b02.01ལྡན་འདས་ད་དེའི་དུས་ལ་བབ་པར་མཁྱེན་པར་མཛད་དུ་གསོལ་ཞེས་བྱ་བ་ནས་དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ་ཞེས་བྱ་བའི་བར་གོང་མ་བཞིན་དུའོ། །དེ་ནས་ཡངས་པ་ཅན་གྱི་བྲམ་ཟེ་དང་ཁྱིམ་བདག་ཐམས་ཅད་འདུས་ནས་ཁྱིམ་
D1.003.0020b03.01བདག་ནོར་ཅན་གྱི་སྒོ་ན་འདུག་གོ། །དེ་ནས་བཅོམ་ལྡན་འདས་ཀྱིས་ཁྱིམ་བདག་ནོར་ཅན་ལ་འདི་སྐད་ཅེས་བཀའ་སྩལ་ཏོ། །ཁྱིམ་བདག་ཡངས་པ་ཅན་གྱི་ཚོགས་རྔམ་ནས་སྒོ་ན་འདུག་སྟེ་དེ་དག་གིས་ཁྱེད་ཅག་ལ་གནོད་པ་བྱས་པར་འགྱུར་དུ་འོང་གིས་སོང་ལ་བཟོད་པར་གསོལ་
D1.003.0020b04.01ཅིག །དེ་ཕྱིར་བྱུང་ནས་བཟོད་པར་གསོལ་བར་བརྩམས་པ་དང་དེ་རྣམས་ཀྱིས་སྨྲས་པ། ཁྱིམ་བདག་ཅི་ཁྱོད་གཅིག་པུ་ལ་ནོར་ཡོད་དམ། གང་གི་ཕྱིར་ཁྱོད་ཀྱིས་ཉིན་རེ་ཞིང་སངས་རྒྱས་ལ་སོགས་པ་དགེ་སློང་གི་དགེ་འདུན་གདུགས་ཚོད་གསོལ་ཏེ་ཁོ་བོ་ཅག་གིས་སྐབས་མི་རྙེད་
D1.003.0020b05.01པར་བྱེད། དེས་སྨྲས་པ། ཤེས་ལྡན་དག་བདག་གིས་ཚོགས་ཀྱི་ཁྲིམས་སུ་བཅས་པ་མ་ཐོས་ཀྱིས། དེ་བས་ན་ཚོགས་ཀྱིས་བཟོད་པར་བྱ་བའི་རིགས་སོ། །གཞན་དག་གིས་སྨྲས་པ། ཤེས་ལྡན་དག་སྐྱེས་བུ་འདི་ནི་དམ་པ་ཡིན་པས་འདི་ལ་བཟོད་པར་བྱའོ་ཞེས་དེ་རྣམས་
D1.003.0020b06.01བཟོད་པར་གྱུར་པ་དང་། དེས་སྨྲས་པ། གལ་ཏེ་དེ་ལྟ་ན་ནང་དུ་ཞུགས་ཤིག་དེ་རྣམས་ཁྱིམ་དུ་ཞུགས་པ་དང་། གདན་བཟང་པོ་བཤམས་ཤིང་ཞལ་ཟས་བསོད་པ་སྟ་གོན་བྱས་པ་ཡང་མཐོང་ངོ་། །མཐོང་ནས་ཀྱང་ཤིན་ཏུ་ངོ་མཚར་སྐྱེས་པར་གྱུར་ནས་སྨྲས་པ། ཁྱིམ་བདག་
D1.003.0020b07.01