完整藏文原文 · 德格版页 当前仅加载第 3 函德格 274b 版页；藏文 NFD、目录标记与异常页序保留在来源切片中，重复版页行以稳定序号区分。
ཞེས་བྱ་བ་ནས་ཆེན་མོར་གྱུར་ཏོ་ཞེས་བྱ་བའི་བར་གོང་མ་བཞིན་དུའོ། །དེ་ལ་མཚན་མཁན་རྣམས་ཀྱིས་ལུང་བསྟན་པ་མཚན་ཕུན་སུམ་ཚོགས་པ་དུ་མ་དང་ལྡན་པའི་བུ་ཞིག་བཙའ་བར་འགྱུར་ཞིང་སྟོབས་ཀྱི་འཁོར་ལོས་སྒྱུར་བའི་རྒྱལ་པོར་འགྱུར་རོ་ཞེས་བསྟན་ཏོ། །ཡང་དེ་རྩེ་
D1.003.0274b01.01བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས་བུ་མོ་གཟུགས་བཟང་བ། བལྟ་ན་སྡུག་པ། མཛེས་པ། ཁ་དོག་བཟང་མོ་རྒྱས་པ་མཆོག་དང་ལྡན་པ་ཞིག་བཙས་སོ། །དེ་བཙས་པ་ན་གྲོང་ཁྱེར་དེ་དག་ཐམས་ཅད་སྣང་བ་རྒྱ་ཆེན་པོས་སྣང་བར་བྱས་ཏེ།
D1.003.0274b02.01སྒྱུ་འཕྲུལ་ལ་ཇི་ལྟ་བ་བཞིན་དུ་དེའི་གཟུགས་བཟང་བ་རྣམ་པ་ཐམས་ཅད་དུ་དཔྱད་པར་མི་ནུས་སོ། །དེའི་བཙས་པའི་བཙས་སྟོན་ཡང་རྒྱ་ཆེར་བྱས་ནས་བུ་མོ་འདིའི་མིང་ཅིར་གདགས་ཞེས་མིང་འདོགས་པར་བྱེད་དེ། །བློན་པོ་རྣམས་ཀྱིས་སྨྲས་པ། སྒྱུ་འཕྲུལ་པས་འདི་ལྷག་པར་
D1.003.0274b03.01གཟུགས་བཟང་བས་དེ་བས་ན་སྒྱུ་འཕྲུལ་ཆེན་མོ་ཞེས་བགྱི་བར་གདགས་སོ་ཞེས་བཏགས་སོ། །དེ་ཡང་བསྐྱེད་བསྲིངས་ནས་ཆེན་མོར་གྱུར་པ་དང་དེ་ལ་མཚན་མཁན་རྣམས་ཀྱིས་ལུང་བསྟན་པ། སྐྱེས་བུ་ཆེན་པོའི་མཚན་སུམ་བཅུ་རྩ་གཉིས་དང་ལྡན་པ་ཞིག་བཙའ་བར་འགྱུར་ཏེ།
D1.003.0274b04.01དེ་ནི་འཁོར་ལོས་སྒྱུར་བའི་རྒྱལ་པོར་འགྱུར་རོ་ཞེས་བསྟན་ཏོ། །རྒྱལ་པོ་ལེགས་པར་རབ་སད་ཀྱིས་རྒྱལ་པོ་སེང་གེའི་འགྲམ་ལ་ཕོ་ཉ་བཏང་སྟེ། བདག་ལ་བུ་མོ་གཉིས་ཤིག་བཙའ་བ་ནི་སྒྱུ་འཕྲུལ་དང་། སྒྱུ་འཕྲུལ་ཆེན་མོ་ལགས་ཏེ། དེ་ལ་གཅིག་ལ་ནི་མཚན་ཐམས་ཅད་ཕུན་སུམ་
D1.003.0274b05.01ཚོགས་པའི་བུ་ཞིག་བཙའ་བར་འགྱུར་ཞིང་དེ་ནི་སྟོབས་ཀྱི་འཁོར་ལོས་སྒྱུར་བའི་རྒྱལ་པོར་འགྱུར་རོ་ཞེས་ལུང་བསྟན་ཏོ། །ཅིག་ཤོས་ལ་ནི་སྐྱེས་བུ་ཆེན་པོའི་མཚན་སུམ་བཅུ་རྩ་གཉིས་ཀྱིས་བརྒྱན་པའི་བུ་ཞིག་བཙའ་བར་འགྱུར་ཞིང་དེ་ནི་འཁོར་ལོས་སྒྱུར་བའི་རྒྱལ་པོར་འགྱུར་རོ་
D1.003.0274b06.01ཞེས་ལུང་བསྟན་གྱིས། འདི་གཉིས་ལས་གང་བཞེད་པ་གཞོན་ནུ་ཟས་གཙང་གི་ཆུང་མར་སྣོམས་ཤིག་སེང་གེ་འགྲམ་གྱིས་སླར་སྤྲིང་བ། གཉིས་ཀ་ཡང་གཞོན་ནུ་ལ་དགོས་མོད་ཀྱི། འོན་ཀྱང་ཆུང་མ་འདྲ་བ་གཉིས་གཅིག་ལ་གཞག་པར་མི་བྱ་བས་གང་ལ་སྐྱེས་བུ་ཆེན་
D1.003.0274b07.01