完整藏文原文 · 德格版页 当前仅加载第 3 函德格 59b 版页；藏文 NFD、目录标记与异常页序保留在来源切片中，重复版页行以稳定序号区分。
ངས་བྱའོ། །རྒྱལ་པོས་དེ་ལ་ཕོ་ཉ་བཏང་བ། དེད་དཔོན་ང་ལ་རིན་པོ་ཆེ་ཆེ་གེ་མོ་དང་ཆེ་གེ་མོ་དག་ཅིག་དགོས་ཀྱིས་དེ་མེད་པར་ཁྱོད་འདིར་མ་འོངས་ཤིག །དེ་རིན་པོ་ཆེ་དེ་རྣམས་ཀྱི་ཕྱིར་ལམ་རིང་པོར་སོང་ངོ་། །དེ་ཡང་ཟླ་བ་དགུ་འདས་ནས་བཙས་པ་དང་ཁྱེའུ་གཟུགས་བཟང་བ་མཛེས་པ། བལྟ་
D1.003.0059b01.01ན་སྡུག་པ་ཞིག་བཙས་སོ། །མ་བསླབས་ཀྱང་བུད་མེད་ལ་ཤེས་ཉེན་ཡོད་པས་དེས་མར་དང་སྦྲང་རྩིས་དེ་འགྲངས་པར་བསྙོད་ནས་སོར་གདུབ་ཀྱི་རྒྱ་མགུལ་དུ་བཏགས་ཏེ་སེང་རས་ཀྱིས་བཀྲིས་ནས་སྒྲོམ་བུའི་ནང་དུ་བཅུག་སྟེ་བུ་མོ་མངག་གཞུག་མ་ལ་བསྒོ་བ། སོང་ལ་སྒྲོམ་བུ་འདི་ཁྱེར་ཏེ་
D1.003.0059b02.01རྒྱལ་པོའི་ཕོ་བྲང་གི་སྒོར་ཁྱོད་ཀྱི་དཀྱིལ་འཁོར་བྱོས་ལ་མེ་མར་བུས་ཏེ་ཕྱོགས་གཅིག་ཏུ་ཇི་སྲིད་འགའ་ཞིག་གིས་བླངས་ཀྱི་བར་དུ་སྡོད་ཅིག །དེས་དེ་བཞིན་བྱས་པ་དང་ཇི་ཙམ་ན་རྒྱལ་པོ་སྟེང་གི་ཁང་{བཟངས་ཀྱི་,བཟང་གི་}གཞིར་སོང་ནས་རྒྱལ་པོ་གཞོན་ནུ་འཇིགས་མེད་དང་ལྷན་ཅིག་འདུག་པ་ལས།
D1.003.0059b03.01དེས་རྒྱལ་པོའི་ཕོ་བྲང་གི་སྒོ་ན་མར་མེ་མཐོང་ངོ་། །དེ་ནས་ཞོ་ཤས་འཚོ་བ་རྣམས་ལ་བསྒོ་བ། ཤེས་ལྡན་དག་རྒྱལ་པོའི་ཕོ་བྲང་གི་སྒོ་ན་མར་མེ་འབར་བའོ་ནི་ཅི་ཡིན་ལྟོས་ཤིག །དེ་དག་གིས་བལྟས་ནས་སྨྲས་པ། ལྷ་སྒྲོམ་བུ་ཞིག་མཆིས་སོ། །དེས་སྨྲས་པ། ལོང་ཤིག །རྒྱལ་བུ་
D1.003.0059b04.01གཞོན་ནུ་འཇིགས་མེད་ཀྱིས་སྨྲས་པ། ལྷ་སྒྲོམ་བུ་དེ་ན་ཅི་མཆིས་པ་དེ་བདག་ལ་སྩལ་བར་ཅི་གནང་། རྒྱལ་པོས་དེ་བཞིན་བྱའོ་ཞེས་ཁས་བླངས་སོ། །ཇི་ཙམ་ན་སྒྲོམ་བུ་བླངས་ནས་རྒྱལ་པོ་ལ་ཕུལ་བ་དང་། རྒྱལ་པོས་སྨྲས་པ། ཁ་ཕྱེ་ཤིག །ཁ་ཕྱེ་བ་ལས་ཁྱེའུ་ཞིག་བྱུང་ངོ་། །རྒྱལ་
D1.003.0059b05.01པོས་སྨྲས་པ། འདི་ཅི་གསོན་ནམ། འོན་ཏེ་ཤི་བ་ཞིག །དེ་རྣམས་ཀྱིས་སྨྲས་པ། ལྷ་གསོན་ལགས་སོ། །དེ་ནས་རྒྱལ་པོས་སོར་གདུབ་ཀྱི་རྒྱ་དང་སེང་རས་ངོ་ཤེས་ནས་རྒྱལ་བུ་གཞོན་ནུ་འཇིགས་མེད་ལ་བྱིན་པ་དང་། དེས་དེ་བསྣུན་བསྙོད་བསྐྱེད་དེ་རྒྱལ་པོས་གསོན་ནམ་ཞེས་ཚིག་
D1.003.0059b06.01ཏུ་བྱུང་བ་དང་། རྒྱལ་བུ་གཞོན་ནུ་འཇིགས་མེད་ཀྱིས་གསོས་པས། འཚོ་བྱེད་གཞོན་ནུས་གསོལ་ཞེས་བྱ་བར་གྲགས་སོ། །ཇི་ཙམ་དུས་གཞན་ཞིག་ན་འཚོ་བྱེད་གཞོན་ནུས་གསོས་ཆེན་པོར་གྱུར་ཏོ། །དེ་འཇིགས་མེད་དང་ལྷན་ཅིག་བྲེ་མོ་གཏམ་ཟེར་ཞིང་འཁོད་པ། འཇིགས་མེད་
D1.003.0059b07.01