完整藏文原文 · 德格版页 当前仅加载第 3 函德格 262b 版页；藏文 NFD、目录标记与异常页序保留在来源切片中，重复版页行以稳定序号区分。
ཚུར་དྲངས་ནས། ཇི་ཙམ་ན་འཁོར་གྱི་ནང་དུ་ཡང་བྱུང་ནས་ཅིའི་ཕྱིར་སྤྱོ། །ཀྭའི་སེམས་ཅན་ཁྱོད་སོང་ལ་ཕྱིན་ཆད་དེ་ལྟར་མ་བྱེད་ཅིག །དེ་ནས་སེམས་ཅན་དེ་རྣམས་འདི་སྙམ་དུ་སེམས་ཏེ། ཤེས་ལྡན་དག་སཱ་ལུའི་ཕྱིར་ཕར་འདྲེན་ཚུར་འདྲེན་ཞིང་ཇི་ཙམ་ན་འཁོར་གྱི་ནང་དུ་
D1.003.0262b01.01སྤྱོ་བ་ཡང་སྣང་བས། མ་ལ་བདག་ཅག་ཚོགས་ཤིང་འདུས་ལ་བདག་ཅག་གི་ནང་ན་སེམས་ཅན་ལྷག་པར་གཟུགས་བཟང་བ། ལྷག་པར་བལྟ་ན་སྡུག་པ། ལྷག་པར་མཛེས་པ། ལྷག་པར་བསོད་ནམས་ཆེ་བར་གྲགས་པ་གང་ཡིན་པ་དེ་བདག་ཅག་གི་ཞིང་རྣམས་ཀྱི་
D1.003.0262b02.01བདག་པོར་བསྐོས་དང་། དེས་བདག་ཅག་ཆད་པས་གཅད་པར་བྱ་བ་རྣམས་ལ་ནི་ཆད་པས་གཅོད་པར་འགྱུར། ཕན་གདགས་པར་བྱ་བ་རྣམས་ལ་ནི་ཕན་འདོགས་པར་འགྱུར་ཏེ། བདག་ཅག་གི་ཞིང་དག་ལས་འཁྲུངས་པ་གང་ཡིན་པ་དེ་ལ་ཆོས་བཞིན་དུ་ཐོག་ཤེས་སྦྱིན་
D1.003.0262b03.01པར་བྱའོ་སྙམ་ནས། དེ་རྣམས་ཚོགས་ཤིང་འདུས་ཏེ་དེ་རྣམས་ཀྱི་ནང་ནས་སེམས་ཅན་ལྷག་པར་གཟུགས་བཟང་བ། ལྷག་པར་བལྟ་ན་སྡུག་པ། ལྷག་པར་མཛེས་པ། ལྷག་པར་བསོད་ནམས་ཆེ་བར་གྲགས་པ་གང་ཡིན་པ་དེ་ཞིང་རྣམས་ཀྱི་བདག་པོར་བསྐོས་ཏེ་འདི་སྐད་
D1.003.0262b04.01ཅེས་ཀྱེ་སེམས་ཅན་ཁྱོད་ཚུར་ཤོག །ཁོ་བོ་ཅག་ལ་ཆད་པས་གཅད་པར་བྱ་བ་རྣམས་ལ་ནི་ཆད་པས་ཆོད་ཅིག །ཕན་གདགས་པར་བྱ་བ་རྣམས་ལ་ནི་ཕན་ཐོགས་ཤིག །ཁོ་བོ་ཅག་གི་ཞིང་དག་ལས་འཁྲུངས་པ་གང་ཡིན་པ་དེ་ལས་ཁྱོད་ལ་ཁོ་བོ་ཅག་གིས་ཆོས་བཞིན་དུ་
D1.003.0262b05.01ཐོག་ཤས་སྦྱིན་ནོ། །དེ་དེ་རྣམས་ལ་ཆད་པས་གཅད་པར་བྱ་བ་རྣམས་ལ་ནི་ཆད་པས་གཅོད། ཕན་གདགས་པར་བྱ་བ་རྣམས་ལ་ཕན་འདོགས་པར་བྱེད་ཅིང་། དེ་ལ་དེ་རྣམས་ཀྱི་ཞིང་དག་ལས་འཁྲུངས་པ་གང་ཡིན་པ་དེ་ལས་ཆོས་བཞིན་དུ་ཐོག་ཤས་འབུལ་ཏེ། སྐྱེ་བོའི་ཚོགས་
D1.003.0262b06.01ཆེན་པོས་བཀུར་ཅིང་མང་པོས་བཀུར་བས་མང་པོས་བཀུར་བ་མང་པོས་བཀུར་བ་ཞེས་གྲགས་སོ། །ཞིང་རྣམས་ཀྱི་བདག་པོར་གྱུར་པ་ན་ཉམས་པ་ལས་སྐྱོབ་པར་བྱེད་པས་རྒྱལ་རིགས་རྒྱལ་རིགས་ཞེས་བྱ་བར་གྲགས་སོ། །ཆོས་ཀྱིས་སྐྱེ་དགུ་མགུ་བར་བྱེད་ཅིང་ཚུལ་
D1.003.0262b07.01