完整藏文原文 · 德格版页 当前仅加载第 3 函德格 277b 版页；藏文 NFD、目录标记与异常页序保留在来源切片中，重复版页行以稳定序号区分。
བདུད་རྩི་དོན་དུ་གཉེར་བ་དེ་ཕལ་ཆེར་ཡུལ་དབུས་ཀྱི་མི་རྣམས་སུ་ཉིང་མཚམས་སྦྱོར་བ་ལོངས་ཤིག །དེ་སྐད་ཅེས་བཀའ་སྩལ་པ་དང་། དགའ་ལྡན་གྱི་རིས་ཀྱི་ལྷ་རྣམས་ཀྱིས་བྱང་ཆུབ་སེམས་དཔའ་ལ་འདི་སྐད་ཅེས་གསོལ་ཏོ། །བྱང་ཆུབ་སེམས་དཔའ་མཁྱེན་པར་མཛོད་
D1.003.0277b01.01ཅིག །ད་ལྟར་འཇིག་རྟེན་ནི་སྡིག་པས་གོས་པ། སྐྱེ་དགུ་ནི་མ་རུངས་པའི་བསམ་པ་ཅན། འཛམ་བུའི་གླིང་རྟོག་གེ་པ་དྲུག་དང་། རྗེས་སུ་སྒྲོགས་པ་དྲུག་དང་། སྙོམས་པར་འཇུག་པ་དྲུག་གིས་དཀྲུགས་པ་ལགས་སོ། །དེ་ལ་རྟོག་གེ་པ་དྲུག་གང་ཞེ་ན། འདི་ལྟ་སྟེ།
D1.003.0277b02.01འོད་སྲུང་རྫོགས་བྱེད་དང་། ཀུན་དུ་རྒྱུ་གནག་ལྷས་ཀྱི་བུ་དང་། སྨྲ་འདོད་ཀྱི་བུ་མོའི་བུ་ཡང་དག་རྒྱལ་བ་ཅན་དང་། མི་འཕམ་སྐྲའི་ལ་བ་ཅན་དང་། ཀ་ཏྱའི་བུ་ནོག་ཅན་དང་། གཅེར་བུ་པ་གཉེན་གྱི་བུའོ། །རྗེས་སུ་སྒྲོགས་པ་དྲུག་གང་ཞེ་ན། འདི་ལྟ་སྟེ། བྲམ་ཟེ་རྒྱུས་
D1.003.0277b03.01རྒྱལ་དང་། བྲམ་ཟེ་གནས་རྡེག་དང་། བྲམ་ཟེ་བཟང་ལྡན་དང་། བྲམ་ཟེ་ཚངས་པའི་ཚེ་དང་། བྲམ་ཟེ་པད་མའི་སྙིང་པོ་དང་། བྲམ་ཟེ་དམར་པོའོ། །སྙོམས་པར་འཇུག་པ་དྲུག་གང་ཞེ་ན། འདི་ལྟ་སྟེ། རངས་བྱེད་ཀྱི་བུ་ལྷག་སྤྱོད་དང་། སྒྱུ་རྩལ་ཤེས་ཀྱི་བུ་རིང་དུ་འཕུར་
D1.003.0277b04.01དང་། ཀུན་དུ་རྒྱུ་ལེགས་བཟང་དང་། བྲམ་ཟེའི་ཁྱེའུ་ཀུན་རྒྱལ་དང་། དྲང་སྲོང་མ་བཅིངས་པ་དང་། ལྟེང་རྒྱས་འོད་སྲུང་རལ་བ་ཅན་ནོ། །འདིར་ནི་ཆོས་མཉན་པའི་སླད་དུ་བྱང་ཆུབ་སེམས་དཔའི་གདན་དཔག་ཚད་བཅུ་གཉིས་པ་བཤམ་པར་བགྱི་ཞིང་བདག་ཅག་འདི་
D1.003.0277b05.01སྙམ་དུ་བདག་ཅག་ལ་དགའ་ལྡན་གྱི་གནས་ན་བྱང་ཆུབ་སེམས་དཔའ་བཞུགས་པས་ཆོས་བཤད་དེ། ཆོས་དེ་བདག་ཅག་གིས་ཐོས་ནས་ཅི་ནས་ཀྱང་བདག་ཅག་གི་ཡུན་རིང་པོའི་དོན་དང་། སྨན་པ་དང་། བདེ་བར་འགྱུར་བ་དེ་ལྟ་དེ་ལྟར་བསྒྲུབ་པར་བགྱི་བར་སེམས་ལགས་སོ། །
D1.003.0277b06.01དེ་སྐད་ཅེས་སྨྲས་པ་དང་། བྱང་ཆུབ་སེམས་དཔས་དགའ་ལྡན་གྱི་རིས་ཀྱི་ལྷ་རྣམས་ལ་འདི་སྐད་ཅེས་སྨྲས་སོ། །གྲོགས་པོ་དག་དེའི་ཕྱིར་རོལ་མོའི་ཆ་བྱད་ཐམས་ཅད་རྡུངས་ཤིག །དགའ་ལྡན་གྱི་རིས་ཀྱི་ལྷ་རྣམས་ཀྱིས་རོལ་མོའི་ཆ་བྱད་ཐམས་ཅད་བརྡུངས་པ་དང་བྱང་
D1.003.0277b07.01