完整藏文原文 · 德格版页 当前仅加载第 3 函德格 200b 版页；藏文 NFD、目录标记与异常页序保留在来源切片中，重复版页行以稳定序号区分。
གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས་ཁྱིམ་བདག་མགོན་མེད་ཟས་སྦྱིན་གྱིས་ཚེ་དང་ལྡན་པ་ཤཱ་རིའི་བུ་ལ་འདི་སྐད་ཅེས་སྨྲས་སོ། །བཙུན་པ་ཤཱ་རིའི་བུ་མུ་སྟེགས་ཅན་རྣམས་འདི་སྐད་ཅེས། ཁྱིམ་བདག་ཁྱོད་འདོད་དགུར་བྱེད་དུ་མི་
D1.003.0200b01.01གཞུག་སྟེ། དགེ་སྦྱོང་གཽ་ཏ་མའི་ཉན་ཐོས་ཀྱི་མཆོག་འོངས་ནས་གལ་ཏེ་དེའི་ཤགས་ཀྱིས་ཁོ་བོ་ཅག་ཕམ་པར་གྱུར་ན་གཙུག་ལག་ཁང་རྩིགས་ཤིག་ཅེས་མཆི་ན། དེ་ལ་ཇི་ལྟར་བསྒྲུབ་པར་བགྱི། ཚེ་དང་ལྡན་པ་ཤཱ་རིའི་བུས་བསམས་པ། ཅི་འདི་རྣམས་ལ་དགེ་བའི་རྩ་བ་ཅུང་ཟད་ཡོད་དམ་
D1.003.0200b02.01འོན་ཏེ་མེད་ཅེས་བསམས་པ་ལས་ཡོད་པར་མཐོང་ངོ་། །སུ་ཞིག་ལ་རག་ལས་པར་འགྱུར་སྙམ་ན། བདག་ཁོ་ན་ལ་རག་ལས་པར་མཐོང་ངོ་། །ཡང་བསམས་པ། ཅི་འདི་སྙེད་ཅིག་ཁོ་ན་བདག་ལ་རག་ལས་པའི་ཚིག་གིས་འདུལ་བར་འགྱུར་རམ། འོན་ཏེ་གཞན་ཡང་ཚིག་གིས་འདུལ་བ་
D1.003.0200b03.01ཡོད་སྙམ་པ་ལས་ཡོད་པར་མཐོང་ངོ་། །དུས་ཇི་སྲིད་ཅིག་ན་ཚོགས་པར་འགྱུར་སྙམ་ན། ཞག་བདུན་ལོན་ནས་སོ་སྙམ་དུ་བསམས་ནས་སྨྲས་པ། ཁྱིམ་བདག་དེ་བཞིན་དུ་བྱ་སྟེ། འོན་ཀྱང་ཞག་བདུན་པའི་ཉིན་པར་བྱའོ། །དེ་ནས་ཁྱིམ་བདག་མགོན་མེད་ཟས་སྦྱིན་དགའ་བ་དང་མགུ་བ་སྐྱེས་
D1.003.0200b04.01ཏེ། མུ་སྟེགས་ཅན་རྣམས་གང་ན་བ་དེར་སོང་ནས་ཕྱིན་པ་དང་མུ་སྟེགས་ཅན་རྣམས་ལ་འདི་སྐད་ཅེས་སྨྲས་སོ། །ཤེས་ལྡན་དག་ཤཱ་རིའི་བུ་ན་རེ་རུང་གིས་དེ་བཞིན་དུ་བྱའོ། །འོན་ཀྱང་ཞག་བདུན་པའི་ཉིན་པར་བྱའོ་ཞེས་ཟེར་རོ། །དེ་རྣམས་ཀྱིས་བསམས་པ། འདི་ལ་ནི་རྒྱུ་གཉིས་ཡོད་
D1.003.0200b05.01པར་གྱུར་ཏེ། ཡང་ན་ནི་དེ་ནི་འབྲོས་འདོད་དོ། །ཡང་ན་ནི་དེ་ཕྱོགས་ཚོལ་འདོད་དོ། །དེ་མ་ཡིན་ན་དུས་དེར་གདབ་ཅི་དགོས་བདག་ཅག་ཀྱང་ཕྱོགས་བཙལ་ལོ་ཞེས་དེ་རྣམས་ཀྱིས་ཕྱོགས་བཙལ་བར་བརྩམས་ཏེ། དེ་རྣམས་ཀྱིས་ཕྱོགས་བཙལ་བ་དང་ཀུན་དུ་རྒྱུ་མིག་དམར་མཐོང་ནས་
D1.003.0200b06.01དེ་རྣམས་ཀྱིས་དེ་ལ་སྨྲས་པ། ཁྱོད་དང་བདག་ཅག་ནི་ཚངས་པ་མཚུངས་པར་སྤྱོད་པ་ཡིན་གྱིས། དགེ་སྦྱོང་གཽ་ཏ་མའི་ཉན་ཐོས་ཀྱི་མཆོག་བདག་ཅག་གིས་བརྩད་པའི་ཕྱིར་བཀུག་ན་དེ་ཕྱོགས་ཚོལ་གྱིས་ཁྱོད་ཀྱང་བདག་ཅག་གི་གྲོགས་གྱིས་ཤིག །དུས་ཇི་ཙམ་ཞིག་ན་འདི་ནས་
D1.003.0200b07.01