完整藏文原文 · 德格版页 当前仅加载第 3 函德格 196a 版页；藏文 NFD、目录标记与异常页序保留在来源切片中，重复版页行以稳定序号区分。
ངུར་སྨྲིག་བགོས་ནས་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་ནས། དེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་ཞིག་ཡོད་དེ། ཁྱིམ་བདག་དེ་ནི་སངས་རྒྱས་ཞེས་བྱའོ། །ཁྱིམ་བདག་དགེ་
D1.003.0196a01.01འདུན་ཞེས་བྱ་བ་འདི་སུ་ཡིན། ཁྱིམ་བདག་རྒྱལ་རིགས་ལས་ཀྱང་རིགས་ཀྱི་བུ་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་བགོས་ནས་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་བཅོམ་ལྡན་འདས་དེ་ཁོ་ན་རབ་ཏུ་བྱུང་བའི་རྗེས་སུ་རབ་ཏུ་བྱུང་བ་དག་ཡོད། བྲམ་ཟེའི་རིགས་དང་། རྗེའུ་
D1.003.0196a02.01རིགས་དང་། དམངས་རིགས་ལས་ཀྱང་རིགས་ཀྱི་བུ་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་བགོས་ནས་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་བཅོམ་ལྡན་འདས་དེ་ཁོ་ན་རབ་ཏུ་བྱུང་བའི་རྗེས་སུ་རབ་ཏུ་བྱུང་བ་དག་ཡོད་དེ། ཁྱིམ་བདག་འདི་ནི་དགེ་འདུན་ཞེས་བྱ་བ་ཡིན་ཏེ། སང་ཁོ་
D1.003.0196a03.01བོའི་ཁྱིམ་དུ་སངས་རྒྱས་ལ་སོགས་པ་དགེ་སློང་གི་དགེ་འདུན་དེ་གདུགས་ཚོད་ལ་སྤྱན་དྲངས་སོ། །ཁྱིམ་བདག་བཅོམ་ལྡན་འདས་དེ་ད་ལྟ་གང་ན་བཞུགས། རྒྱལ་པོའི་ཁབ་འདི་ཉིད་ཀྱི་དུར་ཁྲོད་ཀྱི་བསིལ་བའི་ཚལ་ན་བཞུགས་སོ། །ཁྱིམ་བདག་བཅོམ་ལྡན་འདས་དེ་བདག་ཅག་གིས་བལྟར་རུང་
D1.003.0196a04.01ངམ། དེས་འདི་སྐད་ཅེས་སྨྲས་སོ། །ཁྱིམ་བདག་ཁྱོད་རེ་ཞིག་སྡོད་ཅིག་དང་། གལ་ཏེ་འདི་ཉིད་དུ་གཤེགས་ནས་སང་མཐོང་བར་འགྱུར་བའི་གནས་དེ་ཡོད་དོ། །དེ་ནས་ཁྱིམ་བདག་མགོན་མེད་ཟས་སྦྱིན་དེའི་ནུབ་མོ་སངས་རྒྱས་ལ་དམིགས་པའི་དྲན་པས་གཉིད་ལོག་སྟེ། དེ་ནམ་མ་ལངས་
D1.003.0196a05.01པར་ནམ་ལངས་པའི་འདུ་ཤེས་ཀྱིས་ལྷོ་སྒོ་གང་ན་བ་དེར་སོང་བ་དང་། དེའི་ཚེ་ཕོ་ཉ་གློ་བུར་དུ་འོང་བ་དང་འགྲོ་བ་རྣམས་ཀྱིས་མི་ཐོགས་པར་བྱ་བའི་ཕྱིར་མཚན་མོའི་ཐུན་དང་པོ་དང་ཐ་མ་གཉིས་ལ་ལྷོ་སྒོ་ཕྱེ་སྟེ་འཇོག་གོ། །ཇི་ཙམ་ན་ལྷོ་སྒོ་ཕྱེ་བ་དང་སྣང་བས་གསལ་བར་གྱུར་པ་མཐོང་ནས་དེ་འདི་སྙམ་དུ་
D1.003.0196a06.01སེམས་ཏེ། འདི་ལྟར་ལྷོ་སྒོ་ཕྱེ་སྟེ་འདུག་པས་གདོན་མི་ཟ་བར་ནམ་ལངས་སོ་སྙམ་དུ་རིག་ནས་སྣང་བ་དེ་ཉིད་དུ་གྲོང་ཁྱེར་ནས་བྱུང་བ་དང་། དེ་བྱུང་མ་ཐག་ཏུ་སྣང་བ་གང་ཡིན་པ་དེ་མེད་ནས་སླར་ནམ་སྲོས་པར་གྱུར་ཏོ། །དེ་ཡང་འཇིགས་པར་གྱུར་བག་ཚ་བར་གྱུར་ཞིང་སྤུ་ཟིང་ཞེས་བྱེད་པར་གྱུར་
D1.003.0196a07.01