完整藏文原文 · 德格版页 当前仅加载第 3 函德格 284a 版页；藏文 NFD、目录标记与异常页序保留在来源切片中，重复版页行以稳定序号区分。
མཐིང་ལ་བའི་རྫི་མ་ལྟ་བུ་དང་། དབུ་གཙུག་ཏོར་དང་ལྡན་པ་དང་། སྨིན་མཚམས་ཀྱི་མཛོད་སྤུ་དུང་ལྟར་དཀར་ཞིང་གཡས་སུ་འཁྱིལ་བ་ལགས་ཏེ། ལྷ་འདི་ནི་གཞོན་ནུའི་སྐྱེས་བུ་ཆེན་པོའི་མཚན་ལགས་སོ། །ལྷ་འདི་དག་ནི་གང་དག་དང་ལྡན་པའི་
D1.003.0284a01.01འགྲོ་བ་གཉིས་སུ་འགྱུར་གྱི་གཞན་དུ་ནི་མ་ལགས་པ་ཞེས་བྱ་བ་ནས་སྔ་མ་བཞིན་དུ་འཇིག་རྟེན་དུ་སྒྲ་རྣམ་པར་གྲགས་པར་འགྱུར་རོ་ཞེས་བྱ་བའི་བར་གྱི་སྐྱེས་བུ་ཆེན་པོའི་མཚན་སུམ་བཅུ་རྩ་གཉིས་ལགས་སོ། །གལ་ཏེ་གཞོན་ནུ་རབ་ཏུ་མ་བྱུང་བར་གྱུར་ན་འཁོར་ལོས་སྒྱུར་བའི་
D1.003.0284a02.01རྒྱལ་པོར་འགྱུར་རོ་ཞེས་བྱ་བའི་བར་གོང་མ་བཞིན་དུའོ། །ཆོས་ཉིད་ཀྱིས་བྱང་ཆུབ་སེམས་དཔའ་ཤཱཀྱ་ཐུབ་པ་བལྟམ་ནས་ཞག་བདུན་ལོན་པ་དང་། དེ་བསྐྲུན་པའི་ཡུམ་ནོངས་པར་འགྱུར་ཏེ། ནོངས་མ་ཐག་ཏུ་སུམ་བཅུ་རྩ་གསུམ་པའི་ལྷའི་རིས་གྱ་ནོམ་པར་སྐྱེ་བར་འགྱུར་རོ། །
D1.003.0284a03.01ཆོས་ཉིད་ཀྱིས་བྱང་ཆུབ་སེམས་དཔའ་ཤཱཀྱ་ཐུབ་པ་ནི་གཟུགས་བཟང་བ། མཛེས་པ། བལྟ་ན་སྡུག་པ། མིའི་ཁ་དོག་ལས་འདས་ལ་ལྷའི་ཁ་དོག་མ་ཐོབ་པ་སྐྱེས་པ་དང་བུད་མེད་རྣམས་ཀྱིས་བལྟས་པ་ན་ངོམས་མི་ཤེས་ཤིང་དགའ་བ་འཐོབ་སྟེ། དཔེར་ན་འཛམ་བུ་ཆུ་བོའི་
D1.003.0284a04.01གསེར་ལས་མགར་བ་མཁས་པས་རྒྱན་བརྡུངས་པ་ལ་བ་དཀར་པོ་སར་བའི་སྟེང་དུ་བཞག་ན་ཤིན་ཏུ་གསལ་ཞིང་འབར་ལ་རྣམ་པར་འཚེར་བ་དེ་བཞིན་དུ་བྱང་ཆུབ་སེམས་དཔའ་ཤཱཀྱ་ཐུབ་པ་གཟུགས་བཟང་བ། མཛེས་པ། བལྟ་ན་སྡུག་པ། མིའི་ཁ་དོག་ལས་འདས་ཤིང་
D1.003.0284a05.01ལྷའི་ཁ་དོག་ནི་མ་ཐོབ་པ་ཡིན་ནོ། །ཆོས་ཉིད་ཀྱིས་བྱང་ཆུབ་སེམས་དཔའ་ཤཱཀྱ་ཐུབ་པ་སྐྱེ་བོའི་ཚོགས་ཆེན་པོའི་སྙིང་དུ་སྡུག་པ་དང་། ཡིད་དུ་འོང་བར་འགྱུར་ཏེ། སྐྱེ་བོའི་ཚོགས་ཆེན་པོས་དེ་ཕྲག་པ་ནས་ཕྲག་པར་སྦེད་པ་ནི་དཔེར་ན་སྟོན་ཀའི་པད་མ་ནི་སྐྱེ་བོའི་ཚོགས་ཆེན་པོའི་
D1.003.0284a06.01སྙིང་དུ་སྡུག་ཅིང་ཡིད་དུ་འོང་བས་སྐྱེ་བོའི་ཚོགས་ཆེན་པོས་དེ་ལག་པ་ནས་ལག་པར་བརྒྱུད་པར་བྱེད་པ་བཞིན་ཏེ་སྔ་མ་བཞིན་ནོ།། །།བར་སྡོམ་ལ། མིག་མི་འཛུམས་དང་རྣམ་སྨིན་དང་། །གསུང་སྙན་འཇེབས་པ་མཁས་པ་བསྡུས། །ཆོས་ཉིད་ཀྱིས་བྱང་ཆུབ་སེམས་
D1.003.0284a07.01