完整藏文原文 · 德格版页 当前仅加载第 3 函德格 74b 版页；藏文 NFD、目录标记与异常页序保留在来源切片中，重复版页行以稳定序号区分。
ཁྱིམ་དུ་བུ་མོ་ཉེ་དུའི་ཁྱིམ་དུའོ། །ཁྱོད་ཀྱིས་ཁང་པ་དེ་ཡིན་ནམ། འོན་ཏེ་འདི་ཡིན་འདི་ཡིན་ནོ། །བདག་ཀྱང་འདིར་སྐྱེས་ལ་དེར་བདག་གནས་པར་བསལ་འདུ་བ་མཆིས་ན་གདོན་མི་ཟ་བར་མཐར་འབྲལ་བར་འགྱུར་ན། བཤུམས་སུ་ཅི་མཆིས་ཅང་མ་གསུང་ཤིག །དེ་ནས་རི་
D1.003.0074b01.01དགས་འཛིན་ནི་ཐང་ལ་སོང་ངོ་། །ས་ག་མ་ནི་ཁྱིམ་ཐབ་དང་། རང་གི་ཁྱིམ་ནས་ཐོབ་པའི་འཁོར་གྱི་སྐྱེ་བོ་དང་ལྷན་ཅིག་ཏུ་གྲུར་དོང་བ་ལས་དེ་ན་རྟ་རྒོད་མ་རྟེའུ་སྨད་བྱུང་ནས་རིང་པོ་མ་ལོན་པ་ཞིག་གྲུར་གཞུག་པར་བྱས་པ་དང་། རྟེའུ་ཐང་ལ་མི་དགའོ་སྙམ་ནས་བསྒྲིམས་ཀྱང་འཇུག་ཏུ་མ་
D1.003.0074b02.01བཏུབ་པ་དང་ཀུ་ཅོ་བྱུང་བས་ས་ག་མས་ཐོས་ནས་དེས་སྨྲས་པ། ཅིའི་ཕྱིར་ཀུ་ཅོ་འདི་བྱུང་དེ་རྣམས་ཀྱིས་ཇི་ལྟར་གྱུར་པ་རྣམས་སྨྲས་པ་དང་། ས་ག་མས་སྨྲས་པ་རྟེའུ་སྔར་ཆུག་ཅིག་དང་རང་ཉིད་འཇུག་པར་འགྱུར་རོ། །དེ་རྣམས་ཀྱིས་དེ་བཞིན་བྱས་པ་དང་ཞུགས་སོ། །དེ་ནས་{རི་དགས་,རི་དྭགས་}
D1.003.0074b03.01འཛིན་གྱིས་དེ་རྣམས་ལ་དྲིས་པ། ཅིའི་ཕྱིར་ཁྱེད་ཅག་རིང་ཞིག་ལོན་ནས་འོངས། རྟ་རྒོད་མ་གྲུར་མཆོང་དུ་མ་བཏུབ་ལགས་སོ། །འོ་ན་ཇི་ལྟར་མཆོངས། ཙམ་པ་མོས་ཐབས་བཤམས་པ་ཞིག་བསྟན་ཏེ། རྟེའུ་སྔར་བཅུག་པས་སོ། །ཙམ་པ་མོ་ནི་མཁས་པ་ཡིན་ནོ། །ཇི་ཙམ་ན་
D1.003.0074b04.01འགྲོན་པ་རྣམས་ལམ་ཀར་ནུབ་མོ་འབྲང་བཏབ་སྟེ་གནས་པ་ལས་{རི་དགས་,རི་དྭགས་}འཛིན་གྱི་མལ་བྱ་སྐྱིབས་ཤིག་ཏུ་བཅས་པ་ས་ག་མས་མཐོང་ནས་དྲིས་པ། འདི་སུའི་མལ། {རི་དགས་,རི་དྭགས་}འཛིན་གྱིའོ། །སྤོས་ཤིག །ཅིའི་ཕྱིར་གལ་ཏེ་གཉིད་ཀྱིས་ལོག་པ་ལ་བྱ་སྐྱིབས་སྟེང་དུ་རྡིབ་ན་གདོན་མི་
D1.003.0074b05.01ཟ་བར་ནོན་པས་འཆི་བར་འགྱུར་ཏེ། བདག་ལ་གང་ཞིག་བླངས་ན་གྱོས་པོ་ཁྱིམ་དུ་མ་ཕྱིན་པར་ལམ་ཀར་ཤི་བ་འདི་ལྟ་བུའི་བུ་མོ་བག་མར་བླངས་ཞེས་ཇི་སྲིད་འཚོ་བའི་བར་དུ་མི་སྙན་པ་འབྱུང་བར་འགྱུར་རོ། །མལ་དེ་ཡང་སྤོས་པ་ལས་གད་པ་ཞིག་པ་དང་། སྐྱེ་བོའི་ཚོགས་ཆེན་པོས་
D1.003.0074b06.01ཁྱིམ་བདག་ནོན་ཏོ་ཞེས་ཀུན་བརྒྱུགས་པ་དང་ཁྱིམ་བདག་གིས་སྨྲས་པ། ཤེས་ལྡན་དག་བདག་འདི་ན་འདུག་གིས་མ་སྐྲག་པར་མལ་རྟོགས་ཤིག །མལ་སྤོས་སོ། །སུས། ས་ག་མས་སོ། །ཙམ་པ་མོ་ནི་མཁས་པ་ཡིན་ནོ། །ཡང་སྐྱེད་མོས་ཚལ་རྙིང་པ་ཞིག་ཏུ་ནུབ་མོ་འབྲང་
D1.003.0074b07.01