完整藏文原文 · 德格版页 当前仅加载第 3 函德格 216a 版页；藏文 NFD、目录标记与异常页序保留在来源切片中，重复版页行以稳定序号区分。
སྦྱོང་དང་བྲམ་ཟེ་གཞན་རྣམས་ཀྱི་སྤྱི་བོ་ན་འདུག་པ་ཡིན། དམ་པའི་ཆོས་གནས་པར་བྱ་བའི་ཕྱིར་དང་། བསླབ་པའི་ཆེད་ཀྱི་ཕྱིར་སྐྱེ་བོ་མང་པོ་ལ་ཕན་པ་དང་། སྐྱེ་བོ་མང་པོ་ལ་བདེ་བར་ཞུགས་པ་ཡིན་ནོ།། །།བར་སྡོམ་ནི། བདག་ཉིད་ཁྲིམས་
D1.003.0216a01.01ལྡན་མངོན་པར་བསུ། །འགྱོད་པ་དང་ནི་བག་ཚ་མེད། །ཆོས་དང་མཐུན་པས་བྱེད་པ་སྟེ། །ལྔ་ཚན་གཉིས་པ་ཡིན་པར་བཤད། །གཞན་ཡང་འདུལ་བ་འཛིན་པའི་གང་ཟག་ལ་ཕན་ཡོན་ལྔ་ཡོད་དེ། ལྔ་གང་ཞེ་ན། འདིའི་རང་གི་ཚུལ་ཁྲིམས་ཀྱི་ཕུང་པོས་ལེགས་
D1.003.0216a02.01པར་བསྲུང་ཞིང་ལེགས་པར་སྦས་པ་ཡིན། འཁོར་བཞིས་མངོན་སུམ་དུ་བསུ་བར་བྱ་བ་ཡིན། གང་ཟག་འགྱོད་པ་སྐྱེས་པ་རྣམས་ཀྱི་སྟོན་པར་གྱུར་པ་ཡིན། དགེ་འདུན་གྱི་ནང་ན་བག་ཚ་བ་མེད་པས་གནས་པ་ཡིན། ཆོས་དང་མཐུན་པས་ཕྱིར་རྒོལ་བ་ཚར་གཅོད་པ་
D1.003.0216a03.01ཡིན་ནོ།། །།བར་སྡོམ་ནི། མ་འདྲེས་དོན་དང་ངེས་པ་དང་། །བསླབ་པ་ཡི་ནི་གཞི་དག་དང་། །སྣང་བ་དག་ནི་གཉིས་པོ་ཉིད། །ལྔ་ཚན་དག་ནི་གསུམ་པ་ཡིན། །གཞན་ཡང་གང་ཟག་འདུལ་བ་འཛིན་པ་ལ་ཕན་ཡོན་ལྔ་ཡོད་དེ། ལྔ་གང་ཞེ་ན། དོན་མ་འདྲེས་པར་སེལ་བ་
D1.003.0216a04.01ཡིན། དོན་རྣམ་པར་གཏན་ལ་དབབ་པར་བྱ་བ་ལ་ཤིན་ཏུ་ངེས་པ་ཡིན། དེའི་བསླབ་པའི་གཞི་རྣམས་ལེགས་པར་བཟུང་བ་ཡིན། སེམས་ཀྱི་སྣང་བ་སྐྱེས་པས་མང་དུ་གནས་པ་ཡིན། སྐྱེ་བོ་ཕྱི་མ་རྣམས་ཀྱི་སྣང་བ་བྱེད་པ་ཡིན་ནོ།། །།སྡོམ་ནི། སྣང་བ་གསལ་བ་འོད་དང་ནི།
D1.003.0216a05.01སེམས་ལས་ཆུང་དང་མི་སྟོང་པའོ། །གཞན་ཡང་གང་ཟག་འདུལ་བ་འཛིན་པ་ལ་ཕན་ཡོན་ལྔ་ཡོད་དེ། ལྔ་གང་ཞེ་ན། ཕྱོགས་གང་ན་གང་ཟག་འདུལ་བ་འཛིན་པ་གནས་པའི་ཕྱོགས་དེ་ངས་སྣང་བ་སྐྱེས་པ་དང་། གསལ་བ་སྐྱེས་པ་དང་། འོད་སྐྱེས་པར་མཐོང་། ཕྱོགས་
D1.003.0216a06.01དེར་ང་ཐུགས་ཁྲལ་ཆུང་ངུར་གནས། ཕྱོགས་དེ་ངས་བསྟོད་པ་མ་ཡིན་པར་མཐོང་ངོ་།། །།སྡོམ་ནི། བྱུང་དང་དེ་ནས་བཅས་པ་དང་། །རྗེས་སུ་བཅས་དང་དེ་བཞིན་དུ། །བཀག་དང་རྗེས་སུ་གནང་བ་ནི། །ལྔ་ཚན་ལྔ་པར་བྱས་པའོ། །གཞན་ཡང་གང་ཟག་འདུལ་བ་འཛིན་
D1.003.0216a07.01