完整藏文原文 · 德格版页 当前仅加载第 3 函德格 166b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། ཟླ་བ་གཉིས་བཅབས་ཏེ། གཅིག་ནི་དགེ་སློང་རྣམས་ལ་སྨྲས། གཅིག་ནི་མ་སྨྲས་པ་དང་། དགེ་འདུན་གྱིས་དེ་ལ་ཟླ་བ་གཉིས་ཀྱི་སྤོ་བ་བྱིན་ཏེ། དེ་སྤོ་བ་བྱེད་པ་ན་ངོ་ཚ་བའི་ཆོས་སུ་གྱུར་པའི་སྐབས་དེ་དགེ་སློང་རྣམས་ལ་སྨྲས་པ། ཚེ་དང་ལྡན་པ་དག་བདག་ལ་དགེ་
D1.003.0166b01.01འདུན་ལྷག་མའི་ལྟུང་བ་གཉིས་བྱུང་སྟེ། བདག་གིས་ལྟུང་བ་དེ་གཉིས་ཟླ་བ་གཉིས་སུ་མ་ཤེས་ཏེ། ཟླ་བ་གཉིས་ལོན་ནས་ཤེས་པ་དང་། ཟླ་བ་གཉིས་བཅབས་ཏེ་གཅིག་ནི་དགེ་སློང་རྣམས་ལ་སྨྲས། གཅིག་ནི་མ་སྨྲས་པ་དང་། དགེ་འདུན་གྱིས་བདག་ལ་ཟླ་བ་གཉིས་ཀྱི་སྤོ་བ་སྩལ་
D1.003.0166b02.01ཏེ། བདག་སྤོ་བ་བགྱིད་པ་ན་ངོ་ཚ་བའི་ཆོས་སུ་གྱུར་ཏོ་ཞེས་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཁྱེད་ཀྱིས་གང་ཟག་དེའི་ལྟུང་བ་ཇི་ལྟར་བཅབས་པ་དེ་དང་། གཞན་ཡང་དེ་ལྟ་བུ་དང་མཐུན་པ་
D1.003.0166b03.01སུ་ཡང་རུང་བ་ལ་སྤོ་བ་བྱིན་ཏེ། ཇི་ལྟར་ཤེས་པ་དེ་བཞིན་དུ་དྲན་པར་འགྱུར་རོ། །ཡང་གང་ཟག་གཞན་ཞིག་དགེ་འདུན་ལྷག་མའི་ལྟུང་བ་བྱུང་བ་ལ་དེ་ཟླ་བ་ཕྱེད་ཅིང་སོ་སོར་ཐར་པའི་མདོ་གདོན་པ་འདོན་པ་ན་འདི་སྐད་ཅེས། ཚེ་དང་ལྡན་པ་དག་བདག་གིས་ཆོས་འདི་ཇི་ལྟར་མདོ་ལས་
D1.003.0166b04.01འབྱུང་ཞིང་མདོའི་ཁོངས་སུ་གཏོགས་པར་ད་གཟོད་ཤེས་སོ་ཞེས་སྨྲ་ན། གལ་ཏེ་དགེ་སློང་དག་གིས་ཚེ་དང་ལྡན་པ་འདི་སྔར་གསོ་སྦྱོང་གི་ལས་གཉིས་སམ་གསུམ་ལ་ནི་འདུས་ན། ལན་མང་དུ་ཡང་རེ་སྙམ་ཞེས་བྱ་བར་དེའི་རྒྱུས་ཤེས་ན། ཚེ་དང་ལྡན་པ་དེའི་མི་ཤེས་པས་ཐར་པ་མེད་པ་ཉིད་
D1.003.0166b05.01པས་དེ་ལྟུང་བ་བྱུང་བ་གང་ཡིན་པ་དེ་ཕྱིར་ཆོས་བཞིན་དུ་བྱེད་དུ་གཞུག་ཅིང་ཕྱིས་ཀྱང་འགྱོད་པ་བསྐྱེད་པར་བྱ་སྟེ། ཇི་ལྟར་ཤེས་པ་དེ་བཞིན་དུ་དྲན་པར་འགྱུར་རོ། །ཡང་གང་ཟག་གཞན་ཞིག་དགེ་འདུན་ལྷག་མའི་ལྟུང་བ་བྱུང་བ་ལ་དེ་སོ་སོར་ཐར་པའི་མདོ་གདོན་པ་འདོན་པ་ན་འདི་སྐད་ཅེས།
D1.003.0166b06.01ཚེ་དང་ལྡན་པ་དག་བདག་གིས་ཆོས་འདི་ཇི་ལྟར་མདོ་ལས་འབྱུང་ཞིང་མདོའི་ཁོངས་སུ་གཏོགས་པར་ད་གཟོད་ཤེས་སོ་ཞེས་སྨྲ་ན། གལ་ཏེ་དགེ་སློང་དག་གིས་ཚེ་དང་ལྡན་པ་འདི་སྔར་གསོ་སྦྱོང་གི་ལས་གཉིས་སམ་གསུམ་ལ་ནི་འདུས་ན། ལན་མང་དུ་ཡང་རེ་སྙམ་ཞེས་བྱ་བར་དེའི་རྒྱུས་
D1.003.0166b07.01