完整藏文原文 · 德格版页 当前仅加载第 3 函德格 26b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་རྣམས་ཀྱིས་ཁྱེར་ཏེ་དོང་ངོ་། །དོང་ནས་དེ་ཡང་ཟ་བར་འདོད་ན་འགྱོད་པས་མ་ཟོས་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེའི་ཕྱིར་རྗེས་སུ་གནང་སྟེ། མུ་གེའི་སྡུག་བསྔལ་དགོན་པ་འདི་ལྟ་
D1.003.0026b01.01བུར་འདི་དག་ནི་བྱིན་པ་ཡིན་ནོ་སྙམ་དུ་བསམས་ནས་བཟའ་བར་བྱ་སྟེ། འདི་ལ་འགྱོད་པར་མི་བྱའོ། །གླེང་གཞི་ནི་མཉན་ཡོད་ནའོ། །མུ་གེ་དང་བཅས་པའི་དུས་བྱུང་བ་ན་བྲམ་ཟེ་དང་ཁྱིམ་བདག་དད་པ་ཅན་རྣམས་ཀྱིས་དགེ་སློང་རྣམས་ཟས་ལ་མགྲོན་དུ་བོས་ཏེ། དེ་རྣམས་
D1.003.0026b02.01ཀྱིས་ཟོས་ནས་བཅའ་བ་ལ་སོགས་པ་ཅུང་ཟད་ཅིག་ལྷག་སྟེ། དགེ་སློང་རྣམས་དོང་བ་དང་བྲམ་ཟེ་དང་ཁྱིམ་བདག་རྣམས་ཀྱིས་སྨྲས་པ། འདི་ནི་བདག་ཅག་གིས་འཕགས་པ་དག་ཁོ་ན་ལ་ཡོངས་སུ་བཏང་བ་ལགས་ཏེ། འཚལ་ཏེ་མཆིས་ལ་ཁྱོད་ཁོ་ན་ལ་དབུལ་ལོ་ཞེས་དེ་རྣམས་
D1.003.0026b03.01ཀྱིས་ཁྱེར་ཏེ་འོངས་པ་དང་། དགེ་སློང་རྣམས་དེ་ལ་ཟ་བར་འདོད་ན་འགྱོད་པས་མ་ཟོས་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེའི་ཕྱིར་རྗེས་སུ་གནང་སྟེ། མུ་གེའི་དགོན་པ་སྡུག་བསྔལ་འདི་
D1.003.0026b04.01ལྟ་བུར་སྔར་ཡོངས་སུ་བཏང་བའོ་སྙམ་དུ་བསམས་ནས་བཟའ་བར་བྱ་སྟེ། འདི་ལ་འགྱོད་པར་མི་བྱའོ། །གླེང་གཞི་ནི་མཉན་ཡོད་ནའོ། །བྲམ་ཟེ་དང་ཁྱིམ་བདག་དད་པ་ཅན་རྣམས་ཀྱིས་ནུབ་ཕྱོགས་ཀྱི་ཚལ་ན་ཡོད་པའི་འབྲས་བུ་རྣམས་གྲུབ་ནས་དེ་རྣམས་ཀྱིས་བསམས་
D1.003.0026b05.01པ། འདི་དག་ནི་རྙེད་དཀའ་བ་ཡིན་པས་འཕགས་པ་རྣམས་ལ་འབུལ་ལོ་ཞེས་དེ་དག་གིས་དགེ་སློང་རྣམས་ཟས་ཟོས་ནས་སྤང་བ་བྱས་པ་རྣམས་ལ་དེ་དག་བྱིན་པ་དང་། དགེ་སློང་རྣམས་ཀྱིས་སྤང་བ་བྱས་ཟིན་ནོ་ཞེས་འགྱོད་པས་མ་ཟོས་པ་དང་། བྲམ་ཟེ་དང་ཁྱིམ་བདག་དད་
D1.003.0026b06.01པ་ཅན་རྣམས་ཀྱིས་སྨྲས་པ། འཕགས་པ་དག་གང་གི་ཚེ་བཅོམ་ལྡན་འདས་འཇིག་རྟེན་དུ་མ་བྱུང་བ་དེའི་ཚེ་མུ་སྟེགས་ཅན་རྣམས་ལ་ཡོན་གནས་བགྱིད་པ་ལས། ད་ནི་བཅོམ་ལྡན་འདས་འཇིག་རྟེན་དུ་བྱུང་ནས་ཁྱེད་རྣམས་ཀྱང་ད་ནི་ཡོན་གནས་སུ་གྱུར་པ་ལགས་ན། གལ་ཏེ་
D1.003.0026b07.01