完整藏文原文 · 德格版页 当前仅加载第 3 函德格 270a 版页；藏文 NFD、目录标记与异常页序保留在来源切片中，重复版页行以稳定序号区分。
བབ་པའི་མཆོག་ཡིན་པས་རུང་ན་འོན་ཀྱང་དམ་ཞིག་བཅའ་སྟེ། གལ་ཏེ་ངའི་བུ་མོ་ལ་ཁྱེའུ་ཞིག་ཡོད་པར་གྱུར་ན་དེ་གལ་ཏེ་རྒྱལ་སྲིད་ཀྱི་དབང་ཕྱུག་ལ་གཞག་པ་ལྟ་ན་སྦྱིན་ནོ། །ལྷ་བཀའ་བཞིན་འཚལ། མཆིས་ལ་ལྷ་ལ་སྙན་དུ་གདགས་པར་
D1.003.0270a01.01གསོལ་ལོ་ཞེས་དེ་རྣམས་དོང་ནས་རྒྱལ་པོ་བུ་རམ་ཤིང་པ་འཕགས་སྐྱེས་པོ་ལ་ཇི་ལྟར་གྱུར་པ་སྨྲས་པ་དང་རྒྱལ་པོས་སྨྲས་པ། ཤེས་ལྡན་དག་གཞོན་ནུ་ཆེས་ཕུ་བོར་གྱུར་པ་རྒྱལ་སྲིད་ལ་མངོན་པར་དགའ་བ་རྣམས་སྤངས་ཏེ། ནུ་བོ་རྒྱལ་སྲིད་ལ་འཇོག་པ་དེ་ནི་འོས་པ་མ་ཡིན་
D1.003.0270a02.01ནོ། །ལྷ་དོན་དེ་ལ་ངེས་པ་མ་མཆིས་ཏེ། རེ་ཞིག་བཙུན་མོ་བླངས་ལ་ལྷ་དེ་དང་ལྷན་ཅིག་རྩེད་མོ་དང་། དགྱེས་པ་དང་དགྱེས་དགུར་སྤྱོད་པར་མཛོད་ཅིག་དང་། དེ་ལ་ཁྱེའུ་བཙའ་བར་འགྱུར་རམ། འོན་ཏེ་བུ་མོར་འགྱུར་རམ། ཅི་མ་མཆིས་པར་འགྱུར་སུས་འཚལ། རྒྱལ་པོས་
D1.003.0270a03.01སྨྲས་པ། ཤེས་ལྡན་དག་གལ་ཏེ་དེ་ལྟ་ན་དེང་ལ་ལོང་ཤིག །དེ་རྣམས་དོང་ནས་བསུ་སྟེ། ཇི་ཙམ་ན་རྒྱལ་པོའི་དཔལ་གྱི་འབྱོར་པ་ཆེན་པོས་བླངས་ནས་དེ་ཡང་རྒྱལ་པོས་མངོན་པར་འདོད་པར་གྱུར་ཏེ། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་
D1.003.0270a04.01བྱེད་དོ། །དེ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས་དུས་གཞན་ཞིག་ན་བཙུན་མོ་སེམས་ཅན་དང་ལྡན་པར་གྱུར་ཏོ། །དེ་ཟླ་བ་བརྒྱད་དམ་དགུ་འདས་པ་དང་། ཁྱེའུ་གཟུགས་བཟང་བ། བལྟ་ན་སྡུག་པ། མཛེས་པ་ཞིག་བཙས་སོ། །
D1.003.0270a05.01བཙས་ནས་དེའི་བཙས་པའི་བཙས་སྟོན་རྒྱ་ཆེར་བྱས་ཏེ། ཁྱེའུ་འདིའི་མིང་ཅིར་གདགས་ཞེས་མིང་འདོགས་པར་བྱེད་དེ། བློན་པོ་རྣམས་ཀྱིས་སྨྲས་པ། ལྷ་འདི་ལྟར་མ་སྐྱེས་པ་ཉིད་ནས་རྒྱལ་སྲིད་ལ་མངོན་པར་དགའ་བས་དེའི་སླད་དུ་ཁྱེའུའི་མིང་རྒྱལ་སྲིད་དགའ་ཞེས་བྱ་
D1.003.0270a06.01བར་བཏགས་སོ། །ཁྱེའུ་རྒྱལ་སྲིད་དགའ་མ་མ་བརྒྱད་ལ་རྗེས་སུ་གཏད་དེ་ཞེས་བྱ་བ་ནས་རྫིང་ན་གནས་པའི་པད་མ་བཞིན་དུ་མྱུར་དུ་སྐྱེད་པར་བྱེད་དོ་ཞེས་བྱ་བའི་བར་གོང་མ་བཞིན་དུའོ། །དེ་རྒྱལ་ཚབ་ཀྱི་རྒྱལ་སྲིད་ལ་མ་བཞག་པ་དེ་དེའི་ཞང་པོ་རྒྱལ་པོས་ཐོས་ནས།
D1.003.0270a07.01