完整藏文原文 · 德格版页 当前仅加载第 3 函德格 218a 版页；藏文 NFD、目录标记与异常页序保留在来源切片中，重复版页行以稳定序号区分。
ནུབ་མོ་གནས་མལ་བསྐོ་བར་མི་བྱའོ། །གལ་ཏེ་ནུབ་མོ་ལྷགས་ན་འགྲོགས་བཤེས་ཅི་ལྟ་བ་བཞིན་དུ་སོ་སོར་ངལ་སོར་གཞུག་པར་བྱའོ། །ཡུལ་ཞིག་ནས་དགེ་སློང་མཆོད་རྟེན་ལ་ཕྱག་བྱེད་པ་ཞིག་མཉན་ཡོད་དུ་འོངས་ན་དེ་དེའི་སྤྱོད་ཡུལ་ལ་མི་མཁས་པས་ནང་པར་སྔར་
D1.003.0218a01.01ལངས་ཏེ་བཅོམ་ལྡན་འདས་ཀྱི་སྤྱན་སྔར་སོང་སྟེ། བཅོམ་ལྡན་འདས་དང་དགེ་སློང་གནས་བརྟན་གནས་བརྟན་རྣམས་ཀྱི་རྐང་པ་གཉིས་ལ་ཕྱག་བྱས་ནས་མཉན་ཡོད་དུ་བསོད་སྙོམས་ལ་ཞུགས་སོ། །དེ་བསོད་སྙོམས་སྤྱོད་པ་ན་དྲོ་བབ་ཏུ་ཉེ་ནས་དེ་ཉིད་དུ་ར་བ་ཞིག་གི་དྲུང་དུ་འདུག་ནས་ཟས་ཀྱི་བྱ་བ་
D1.003.0218a02.01བྱེད་པར་བརྩམས་སོ། །ཁྱིམ་བདག་མགོན་མེད་ཟས་སྦྱིན་ཡང་མཆོད་རྟེན་ལ་ཕྱག་འཚལ་ཞིང་ལམ་དེ་ནས་སོང་བ་ལས་དེས་དེ་མཐོང་ནས་སྨྲས་པ། འཕགས་པ་ཀུན་ནས་མཛེས་པའི་བསྟན་པ་ལ་རབ་ཏུ་བྱུང་བ་ཡིན་ན་མི་རིགས་པ་མཛད་དམ་ཅི། དེས་སྨྲས་པ། ཚེ་དང་ལྡན་པ་
D1.003.0218a03.01དྲོ་ལ་བབ་ཏུ་ཉེ་བ་མ་མཐོང་ངམ། འདི་ལ་མི་རིགས་པ་ཅི་ཞིག་ཡོད། དེས་སྨྲས་པ། ཁྱོད་ཅིའི་སླད་དུ་བདག་གི་ཁྱིམ་དུ་མི་བྱོན། ཁྱོད་ཀྱི་མིང་ཅི། མགོན་མེད་ཟས་སྦྱིན་ནོ། །ཁོ་བོས་མདོ་སྡེ་དེ་དང་དེ་རྣམས་ལས་ཁྱིམ་བདག་མགོན་མེད་ཟས་སྦྱིན་ཞེས་ཐོས་པ་ཞིག་ཡོད་ཀྱི།
D1.003.0218a04.01ཁྱོད་ཀྱང་མི་ཤེས་ལ། ཁྱིམ་ཡང་མི་ཤེས་སོ། །ཁྱིམ་བདག་མགོན་མེད་ཟས་སྦྱིན་གྱིས་བསམས་པ། དགེ་སློང་འདི་ནི་ལམ་རིང་པོ་ནས་འོངས་ན་རྒྱུས་མི་ཤེས་པ་ཞིག་ཡིན་ཏེ། གདོན་མི་ཟ་བར་བདག་ཀྱང་མི་ཤེས་ལ། བདག་གི་ཁྱིམ་ཡང་མི་ཤེས་ཀྱིས། འདི་ལྟ་བུ་ལ་ཇི་
D1.003.0218a05.01ལྟར་བྱས་ན་རུང་བ་བཅོམ་ལྡན་འདས་ལ་ཞུས་ལ། གང་ཡང་མཉན་ཡོད་ནས་རྒྱལ་བུ་རྒྱལ་བྱེད་ཀྱི་ཚལ་གྱི་བར་གྱི་བར་དུ་བསྟི་གནས་བརྩིག་པར་བྱའོ་སྙམ་ནས། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་
D1.003.0218a06.01གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས་ཁྱིམ་བདག་མགོན་མེད་ཟས་སྦྱིན་གྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །དགེ་སློང་གློ་བུར་བ་སྤྱོད་ཡུལ་མ་འཚལ་བ་ཞིག་བསོད་སྙོམས་སྤྱོད་པ་ན་དྲོ་ཡོལ་དུ་ཉེ་ནས་ར་བ་ཞིག་གི་དྲུང་དུ་གཡར་ཟས་ཀྱི་བགྱི་བ་
D1.003.0218a07.01