完整藏文原文 · 德格版页 当前仅加载第 3 函德格 289b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་རྣམས་ཀྱིས་གཞོན་ནུ་ཤཱཀྱ་ཐུབ་པ་ཤིང་རྟར་ཞུགས་པ་ནས། ནང་དུ་ཞུགས་པ་ལ་ལུང་བསྟན་པ། གལ་ཏེ་འདི་ལོ་བཅུ་གཉིས་སུ་རབ་ཏུ་མ་བྱུང་བར་གྱུར་ན། །གདོན་མི་ཟ་བར་འཁོར་ལོས་སྒྱུར་བའི་རྒྱལ་པོར་འགྱུར་རོ། །རྒྱལ་པོ་ཟས་གཙང་གིས་གཞོན་ནུ་
D1.003.0289b01.01མཚན་མཁན་རྣམས་ཀྱིས་ལུང་བསྟན་ཏོ་ཞེས་བྱ་བ་ཐོས་སོ། །ཐོས་ནས་ཀྱང་དགའ་བ་དང་མགུ་བ་སྐྱེས་ཏེ་ཤཱཀྱ་རྣམས་བ་སོགས་ནས་སྨྲས་པ། ཤེས་ལྡན་དག་མཚན་མཁན་རྣམས་ཀྱིས་གལ་ཏེ་གཞོན་ནུ་ལོ་བཅུ་གཉིས་སུ་རབ་ཏུ་མ་བྱུང་བར་གྱུར་ན་འཁོར་ལོས་སྒྱུར་བའི་
D1.003.0289b02.01རྒྱལ་པོར་འགྱུར་རོ་ཞེས་ལུང་བསྟན་པ་ཁོ་བོས་ཐོས་སོ། །གཞོན་ནུ་འདི་གལ་ཏེ་ལོ་བཅུ་གཉིས་སུ་རབ་ཏུ་མ་བྱུང་སྟེ་འཁོར་ལོས་སྒྱུར་བའི་རྒྱལ་པོར་གྱུར་ན། བདག་ཅག་ནམ་མཁའི་ངོས་ལ་རྒྱུ་ཞིང་གླིང་བཞིར་ཕྱི་བཞིན་འདོང་གིས་འདི་ཁྱིམ་ཕུབ་ཅིག །བློན་པོ་རྣམས་
D1.003.0289b03.01ཀྱིས་སྨྲས་པ། ལྷ་གཞོན་ནུ་འདོད་པ་རྣམས་དོན་དུ་མི་གཉེར་རོ། །རྒྱལ་པོ་ཟས་གཙང་གིས་སྨྲས་པ། གཞོན་ནུ་ལ་བུད་མེད་ཐམས་ཅད་བསྟན་ལ་འདི་གང་ལ་དགའ་བར་གྱུར་པ་དེ་ཆུང་མར་བླང་བར་བྱའོ། །དེ་ནས་ཁ་ཅིག་གིས་སྨྲས་པ། ལྷ་གཞོན་ནུ་ནི་སྦྱིན་པ་
D1.003.0289b04.01ལ་དགའ་བས་རྒྱན་རྣམས་བུད་མེད་ལ་སྩོལ་དུ་སྩལ་ལ། དེ་གང་ལ་མགུ་བར་སྐྱེད་པར་གྱུར་པ་དེ་བཙུན་མོར་བླང་བར་བགྱིའོ། །རྒྱལ་པོ་ཟས་གཙང་གིས་སྨྲས་པ། དེ་བཞིན་དུ་གྱིས་ཤིག །བློན་པོ་རྣམས་ཀྱིས་རྒྱན་རྣམ་པ་སྣ་ཚོགས་རིན་པོ་ཆེས་སྤྲས་པའི་ཕུང་པོ་སྤུངས་
D1.003.0289b05.01སོ། །དེ་ནས་རྒྱལ་པོ་ཟས་གཙང་གིས་ཁྱིམ་དང་གྲོང་ཁྱེར་ཕྱག་དར་དང་བྱི་དོར་བྱེད་དུ་བཅུག་ནས་རྒྱུ་སྐར་དང་། ཚེས་གྲངས་དང་། ཡུད་ཙམ་དག་བསྟུན་ཏེ་གདན་སེང་གེའི་ཁྲི་བཤམས་པ་ལ་གཞོན་ནུ་ཤཱཀྱ་ཐུབ་པ་བཞག་ནས་སེང་གེའི་ཁྲི་དང་ཉེ་བར་རྒྱན་སྣ་ཚོགས་ཀྱི་ཕུང་པོ་སྤུངས་ཏེ་
D1.003.0289b06.01བློན་པོ་རྣམས་དང་། གཞན་ཡང་སེར་སྐྱའི་གཞིའི་སྐྱེ་བོའི་ཚོགས་གཙོ་བོར་བཀུར་བ་རྣམས་ནང་དུ་ཞུགས་སོ། །དེ་ནས་བུད་མེད་ཐམས་ཅད་རང་གི་ཁྱིམ་གྱི་འབྱོར་པ་དང་མཐུན་པའི་ཆ་བྱད་དང་། རྒྱན་དང་གོས་གྱོན་ནས་ཞུགས་པ་དང་། བྱང་ཆུབ་སེམས་དཔའ་
D1.003.0289b07.01