完整藏文原文 · 德格版页 当前仅加载第 3 函德格 121a 版页；藏文 NFD、目录标记与异常页序保留在来源切片中，重复版页行以稳定序号区分。
མཐའ་ཅན་གྱི་སྲ་བརྐྱང་ཕྱུང་བ་ཡིན་ནོ། །ཉམས་པའི་མཐའ་ཅན་གྱི་སྲ་བརྐྱང་ཕྱུང་བ་གང་ཞེ་ན། འདི་ལྟ་སྟེ་དགེ་སློང་སྲ་བརྐྱང་བཏིང་བའི་གནས་ནས་ཆོས་གོས་མ་བྱས་ཆོས་གོས་མ་ཟིན་པར་མཚམས་ཀྱི་ཕྱི་རོལ་དུ་སོང་ནས་སླར་འོང་ཞིང་ཆོས་གོས་བྱའོ་སྙམ་པ་ལས་དེ་འདི་སྙམ་དུ་
D1.003.0121a01.01སེམས་ཏེ་སླར་ཡང་མི་འོང་ལ་ཆོས་གོས་ཀྱང་མི་བྱའོ་སྙམ་ནས། དེས་དེ་རྩོམ་ཞིང་བརྩམས་པ་དང་། ཉམས་པ་དེའི་ནི་ཉམས་པའི་མཐའ་ཅན་གྱི་སྲ་བརྐྱང་ཕྱུང་བ་ཡིན་ནོ། །ཐོས་པའི་མཐའ་ཅན་གྱི་སྲ་བརྐྱང་ཕྱུང་བ་གང་ཞེ་ན། འདི་ལྟ་སྟེ་དགེ་སློང་སྲ་བརྐྱང་བཏིང་བའི་གནས་ནས་ཆོས་གོས་མ་
D1.003.0121a02.01བྱས་ཆོས་གོས་མ་ཟིན་པར་མཚམས་ཀྱི་ཕྱི་རོལ་དུ་སོང་ནས་སླར་འོངས་ཏེ་ཆོས་གོས་བྱའོ་སྙམ་པ་ལས། དགེ་འདུན་མཐུན་པས་སྲ་བརྐྱང་ཕྱུང་ལ་དེས་དགེ་འདུན་མཐུན་པས་སྲ་བརྐྱང་ཕྱུང་ངོ་ཞེས་ཐོས་སོ། །ཐོས་ནས་ཀྱང་ལེགས་པར་ཕྱུང་ངོ་། །ཤིན་ཏུ་ཕྱུང་ངོ་ཞེས་རྗེས་སུ་ཡི་རང་བ་བྱས་
D1.003.0121a03.01པ་དེའི་ནི་ཐོས་པའི་མཐའ་ཅན་གྱི་སྲ་བརྐྱང་ཕྱུང་བ་ཡིན་ནོ། །མཚམས་འདས་པ་པའི་སྲ་བརྐྱང་ཕྱུང་བ་གང་ཞེ་ན། འདི་ལྟ་སྟེ་དགེ་སློང་སྲ་བརྐྱང་བཏིང་བའི་གནས་ནས་ཆོས་གོས་མ་བྱས་ཆོས་གོས་མ་ཟིན་པར་ཕྱིར་འོང་ངམ་མི་འོང་སྙམ་པ་ལས། མཚམས་ཀྱི་ཕྱི་རོལ་ཏུ་སོང་བ་
D1.003.0121a04.01དེའི་ནི་མཚམས་འདས་པ་པའི་སྲ་བརྐྱང་ཕྱུང་བ་ཡིན་ནོ། །རེ་ཐག་ཆད་པ་པའི་སྲ་བརྐྱང་ཕྱུང་བ་གང་ཞེ་ན། འདི་ལྟ་སྟེ་དགེ་སློང་སྲ་བརྐྱང་བཏིང་བའི་གནས་ནས་ཆོས་གོས་མ་བྱས་ཆོས་གོས་མ་ཟིན་པར་མཚམས་ཀྱི་ཕྱི་རོལ་དུ་སོང་ནས་སླར་འོང་ཞིང་ཆོས་གོས་བྱའོ་སྙམ་པ་ལས། དེའི་ཆོས་
D1.003.0121a05.01གོས་རེ་བ་གང་ཡིན་པ་དེ་ཐམས་ཅད་དུ་ཆད་པ་དེའི་ནི་རེ་ཐག་ཆད་པ་པའི་སྲ་བརྐྱང་ཕྱུང་བ་ཡིན་ནོ། །བརྒྱད་པ་སྲ་བརྐྱང་ཕྱུང་བ་ཉིད་གང་ཞེ་ན། འདི་ལྟ་སྟེ་དགེ་སློང་སྲ་བརྐྱང་བཏིང་བའི་གནས་ནས་ཆོས་གོས་མ་བྱས་ཆོས་གོས་མ་ཟིན་པར་མཚམས་ཀྱི་ཕྱི་རོལ་དུ་སོང་བ་ལས་དེ་ཡང་སླར་འོངས་ཤིང་སྲ་
D1.003.0121a06.01བརྐྱང་ཕྱུང་བ་ཉམས་སུ་མྱོང་བ་དེའི་ནི་བརྒྱད་པ་སྲ་བརྐྱང་ཕྱུང་བ་ཉིད་ཡིན་ནོ།། །།སྡོམ་ལ། མ་བྱས་པ་ནི་ཉི་ཤུ་དང་། །བརྩམས་པ་དག་ནི་ཉི་ཤུ་དང་། །རེ་བ་ཡོད་པ་ཉི་ཤུ་དང་། །རེ་བ་མེད་པ་ཉི་ཤུ་ཡིན། །འདི་ལྟ་སྟེ། དགེ་སློང་སྲ་བརྐྱང་བཏིང་བའི་གནས་ནས་ཆོས་གོས་མ་བྱས་ཆོས་གོས་མ་ཟིན་
D1.003.0121a07.01