完整藏文原文 · 德格版页 当前仅加载第 3 函德格 55b 版页；藏文 NFD、目录标记与异常页序保留在来源切片中，重复版页行以稳定序号区分。
ན་ལན་འགའ་ཡང་སྐབས་རྙེད་པར་མི་འགྱུར་གྱིས། རྣམ་པ་ཐམས་ཅད་དུ་བདག་འདིའི་བཙུན་མོ་དམ་པའི་མངལ་དུ་སྐྱེ་བར་གྱུར་ཅིག་ཅེས་བྱས་སོ། །དེ་སྨོན་ལམ་ལོག་པར་བཏབ་པས་གོས་ཅན་གྱི་མངལ་དུ་སྐྱེས་སོ། །གང་གི་ཚེ་ཉི་མ་ཁོ་ན་ལ་ཉིང་མཚམས་སྦྱོར་བ་བླངས་པ་དེ་ཉིད་ཀྱི་ཉི་མ་ལ་
D1.003.0055b01.01ཁྲག་གི་ཆར་བབ་བོ། །གོས་ཅན་འདོད་པ་སྐྱེས་པ། ཨེ་མའོ་བདག་གིས་ལྷའི་རྒྱབ་ཀྱི་ཤ་བཅད་ཅིང་བཅད་ཅིང་ཟོས་ཀྱང་ཅི་མ་རུང་སྙམ་མོ། །དེ་ལྟར་གྱུར་པ་རྒྱལ་པོ་ལ་སྨྲས་པ་དང་། རྒྱལ་པོས་ལྟས་མཁན་རྣམས་བཀུག་ནས་སྨྲས་པ་ལས། དེ་རྣམས་ཀྱིས་སྨྲས་པ། ལྷ་འདི་ནི་བཙུན་མོའི་
D1.003.0055b02.01རུམ་དུ་སེམས་ཅན་ཞིག་ཞུགས་པ་གང་ལགས་པ་དེའི་མཐུ་ལགས་སོ། །རྒྱལ་པོ་སེམས་ཁོང་དུ་ཆུད་ཅིང་འདུག་ནས། འདིའི་འདོད་པ་ཅི་ཞིག་གིས་སེལ་བར་འགྱུར་སྙམ་མོ། །མཁས་པའི་རང་བཞིན་ཅན་གཞན་དག་གིས་སྨྲས་པ། ལྷ་རས་ཀྱི་བར་སྩང་ཤས་བལྟམས་པར་བགྱིས་ཏེ་
D1.003.0055b03.01གསོལ་ལ་ཉིད་བཙུན་མོ་ལ་སྟོབས་མཛོད་ཅིག །དེ་ནས་རྒྱལ་པོས་རས་ཀྱི་བར་ཤས་གང་བར་བྱས་པ་བགོས་ནས་བདག་ཉིད་གོས་ཅན་ལ་བསྟབས་པ་དང་། དེས་རྒྱབ་ཀྱི་ཤ་ཡིན་ནོ་སྙམ་ནས་ཟོས་སོ། །དེ་ནས་དེའི་འདོད་པ་གང་ཡིན་པ་དེ་དང་བྲལ་བར་གྱུར་ཏོ། །ཡང་དེའི་འདོད་པ་སྐྱེས་པ།
D1.003.0055b04.01ཀྱེ་མའོ་བདག་གིས་ལྷའི་ཁྲག་ཁོ་ན་འཐུངས་ཀྱང་ཅི་མ་རུང་སྙམ་པ་དེ་ཡང་རྒྱལ་པོ་ལ་སྨྲས་པ་དང་། དེ་ནས་རྒྱལ་པོས་ཡན་ལག་ལྔའི་རྩྭ་གཏར་ནས་ཁྲག་བླུད་པས་དེ་འདོད་པ་དེ་དང་བྲལ་བར་གྱུར་ཏོ། །ཇི་ཙམ་ན་ཟླ་བ་དགུ་ཚང་བ་དང་། ཁྱེའུ་གཟུགས་བཟང་བ། མཛེས་པ་བལྟ་ན་སྡུག་པ་ཞིག་
D1.003.0055b05.01བཙས་སོ། །བཙས་ཏེ་གང་གི་ཉི་མ་ལ་བཙས་པ་དེ་ཉིད་ཀྱི་ཉི་མ་ལ་ཡང་ཁྲག་གི་ཆར་བབ་བོ། །རྒྱལ་པོས་ཡང་ལྟས་མཁན་རྣམས་བཀུག་ནས་རྨས་པ་དང་། དེ་རྣམས་ཀྱིས་སྨྲས་པ། ལྷ་བསྟན་བཅོས་ལས་ཇི་ལྟར་གདའ་བ་ལྟར་ན་གདོན་མི་འཚལ་བར་ཁྱེའུ་འདིས་ལྷ་སྐུ་ཚེ་དང་ཕྲལ་ནས་རང་ཉིད་ཅོད་
D1.003.0055b06.01པན་བཅིངས་ཏེ་རྒྱལ་སྲིད་བགྱིད་པར་འགྱུར་རོ། །རྒྱལ་པོས་བསམས་པ། རྣམ་པ་ཐམས་ཅད་དུ་རྒྱལ་སྲིད་ཀྱི་ཆེད་དུ་འདིས་སྲོག་དང་བྲལ་བར་བྱེད་ཀྱིས་འདི་ལ་བདག་ཉིད་ཀྱིས་རྒྱལ་སྲིད་བྱིན་ན་ཅིའི་ཕྱིར་བདག་སྲོག་དང་བྲལ་བར་བྱེད་སྙམ་མོ་དེའི་ཚེ་ཡངས་པ་ཅན་ན་ལིཙྪ་བཱི་མིང་ཆེན་ཞེས་བྱ་བ་
D1.003.0055b07.01