完整藏文原文 · 德格版页 当前仅加载第 3 函德格 75b 版页；藏文 NFD、目录标记与异常页序保留在来源切片中，重复版页行以稳定序号区分。
ཟས་ཅི་འདྲ་བ་དེ་འདྲ་བའི་ལས་བགྱིད་དོ། །དེ་ཇི་ལྟ་བུ་ཡིན། དེ་རྣམས་ཀྱིས་ཇི་ལྟར་གྱུར་པ་རྒྱ་ཆེར་སྨྲས་པ་དང་། {རི་དགས་,རི་དྭགས་}འཛིན་གྱི་བུ་རྣམས་ཀྱིས་རང་རང་གི་ཆུང་མ་ལ་སྨྲས་པ་ལས་དེ་རྣམས་ཀྱིས་སྨྲས་པ། ས་ག་མས་ཇི་ལྟར་བགྱིས་པ་བཞིན་དུ་གལ་ཏེ་བདག་ཅག་
D1.003.0075b01.01གིས་ཀྱང་ཁྱིམ་ནས་བརྐུས་ལ་གླ་མི་རྣམས་དགའ་བར་བགྱིས་པ་དང་། བདག་ལ་ཡང་ཇོ་བོ་དང་ཁྱེད་གླ་མི་རྣམས་དགའ་བར་འགྱུར་རོ། །དེ་ནས་{རི་དགས་,རི་དྭགས་}འཛིན་གྱིས་ས་ག་མ་ལ་དྲིས་པ། བུ་མོ་ཁྱོད་ཀྱིས་ཁ་ཟས་རྣམས་ཇི་ལྟར་བཤམས། དེས་རྒྱས་པར་སྨྲས་པ་དང་རི་
D1.003.0075b02.01དགས་འཛིན་མགུ་ནས་དེས་དེ་ཁོ་ན་ཁྱིམ་གྱི་བྱ་བ་རྣམས་བྱེད་དུ་བཅུག་སྟེ། ནང་མི་ཐམས་ཅད་ལ་སྨྲས་པ། ཁྱེད་ཅག་ལས་གང་ཞིག་ས་ག་མས་བྱིན་པས་མགུ་བ་ནི་དེས་གནས་པར་བགྱིས་ལ་དེ་དང་རྗེས་སུ་མཐུན་པར་ཡང་གྱིས་ཤིག །ཇི་ཙམ་ན་དེ་ཁྱིམ་གྱི་དཔོན་མོར་གྱུར་ནས་
D1.003.0075b03.01སྤྱོད་ཚུལ་དང་། གནས་པ་དང་། དེས་པས་ནང་མི་ཐམས་ཅད་དགའ་བར་གྱུར་ཏོ། །ཇི་ཙམ་དུས་གཞན་ཞིག་ན་ས་ག་མའི་ཁྱིམ་སྟེང་ནས་ངང་པ་རྣམས་ཀྱིས་བྱང་གི་སྒྲ་མི་སྙན་གྱི་གླིང་ནས་མ་རྨོས་མ་བཏབ་པའི་འབྲས་སཱ་ལུ་དག་ཁྱེར་ནས་དོང་བ་ལས་རྒྱལ་པོའི་ཁབ་ན་འདུག་པའི་
D1.003.0075b04.01ངང་པ་དེས་དེ་དག་མཐོང་ནས་སྐད་ཕྱུང་བ་དང་དེ་རྣམས་ཀྱིས་ཀྱང་སྐྱེ་གནས་མཐུན་པའི་གཅུགས་པས་མནགས་མ་ཐུབ་སྟེ་སྐད་ཕྱུང་བ་དང་རྒྱལ་པོའི་ཁབ་ཀྱི་ཁང་ཐོག་ཏུ་འབྲས་ཀྱི་སྙེ་མ་རྣམས་ལྷུང་བར་གྱུར་ཏོ། །དེ་ནས་རྒྱལ་པོས་བློན་པོ་རྣམས་ལ་རེ་རེ་བྱིན་པ་དང་{རི་དགས་,རི་དྭགས་}འཛིན་
D1.003.0075b05.01གྱིས་རང་གི་སྐལ་བ་ས་ག་མ་ལ་བྱིན་ནོ། །དེས་ཟ་མ་ཏོག་གི་ནང་དུ་བཅུག་སྟེ་ཞིང་པ་རྣམས་ལ་བསྒོ་བ་དང་། དེ་རྣམས་ཀྱང་ཤིན་ཏུ་མགུ་སྟེ། དེ་རྣམས་ཀྱིས་ཞིང་ཆུང་ངུ་ཞིག་ལེགས་པར་བསྟན་ནས་དུས་ཤེས་པར་བྱས་ཏེ་བཏབ་པ་ལས་ལྷས་དུས་བཞིན་དུ་ཆར་ཕབ་པས་ས་བོན་
D1.003.0075b06.01དང་མཐུན་པར་ཕུན་སུམ་ཚོགས་པར་སྐྱེས་སོ། །ཕྱི་དེ་ལོ་ལ་ནི་རབ་ཏུ་མང་པོར་སྐྱེས་པར་གྱུར་ཏོ། །ཡང་ཕྱི་དེ་ལོ་ལ་ནི་དེ་བས་ཀྱང་མང་པོར་གྱུར་ཏེ། དེ་བཞིན་དུ་ཇི་ཙམ་ན་བང་བ་ཐམས་ཅད་ངང་པས་ཁྱེར་ཏེ་འོངས་པའི་འབྲས་སཱ་ལུས་གང་བར་གྱུར་ཏོ། །ཇི་ཙམ་ན་ཀོ་
D1.003.0075b07.01