完整藏文原文 · 德格版页 当前仅加载第 3 函德格 150b 版页；藏文 NFD、目录标记与异常页序保留在来源切片中，重复版页行以稳定序号区分。
པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཁྱེད་ཀྱིས་དགེ་སློང་ཆུ་སྟོད་ཕྱིར་འགྱེད་པའི་ལས་བྱས་པ་དང་། གཞན་ཡང་དེ་ལྟ་བུ་དང་མཐུན་པ་སུ་ཡང་རུང་བ་ལ་བསླང་བར་བྱོས་ཤིག །རྒྱུ་ལྔས་ཕྱིར་འགྱེད་པའི་ལས་བྱས་པ་བསླང་བར་བྱ་སྟེ། ལྔ་གང་ཞེ་ན།
D1.003.0150b01.01སྐྲ་གྱེན་དུ་འགྲེང་བ་ལྟ་བུ་དང་། སྐྲ་ཞིག་པ་ལྟ་བུར་ཞེས་བྱ་བ་ནས་ཁྱིམ་བདག་ལ་བརྙས་ཐབས་བྱེད་པ་ཉིད་ཀྱང་སྤོང་ངོ་ཞེས་སྨྲ་ན་ཞེས་བྱ་བའི་བར་གོང་མ་བཞིན་དུའོ། །བསླང་བ་ནི་འདི་ལྟར་བྱ་སྟེ། གནས་མལ་བཤམས་ལ་གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་
D1.003.0150b02.01པར་བསྒོ་ལ། དགེ་འདུན་ཐམས་ཅད་ཚོགས་ཤིང་མཐུན་པར་གྱུར་པ་དང་། དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། དགེ་སློང་ཆུ་སྟོད་འདིས་མྲག་ཤའི་ཚལ་གྱི་ཁྱིམ་བདག་ནག་པ་ལ་བརྙས་ཐབས་བགྱིས་ནས་དགེ་
D1.003.0150b03.01འདུན་གྱིས་དེ་ཁྱིམ་བདག་ལ་བརྙས་ཐབས་བགྱིད་དོ་ཞེས་ཕྱིར་འགྱེད་པའི་ཕྲིན་ལས་མཛད་ལགས་ཏེ། དགེ་སློང་ཆུ་སྟོད་ཕྱིར་འགྱེད་པའི་ཕྲིན་ལས་མཛད་ལགས་པ་འདི་སྐྲ་གྱེན་དུ་འགྲེང་བ་ལྟ་བུ་དང་། སྐྲ་ཞིག་པ་ལྟ་བུར་ཞེས་བྱ་བ་ནས་ཁྱིམ་བདག་ལ་བརྙས་ཐབས་བགྱིད་པ་ཉིད་ཀྱང་
D1.003.0150b04.01འདོར་རོ་ཞེས་མཆི་ན་ཞེས་བྱ་བའི་བར་གོང་མ་བཞིན་དུ་སྟེ། གལ་ཏེ་དགེ་འདུན་གྱི་དུས་ལ་བབ་ཅིང་བཟོད་ན་དགེ་འདུན་གྱིས་གནང་བར་མཛོད་ཅིག་དང་། དགེ་འདུན་གྱིས་དགེ་སློང་ཆུ་སྟོད་ཕྱིར་འགྱེད་པའི་ཕྲིན་ལས་མཛད་ལགས་པ་བསླང་བར་མཛད་དོ། །འདི་ནི་གསོལ་བའོ། །
D1.003.0150b05.01དེ་ནས་ཁྱིམ་བདག་དེའི་དྲུང་དུ་སོང་ལ་བཟོད་པ་གསོལ་ཅིག་དང་བསླང་བར་འགྱུར་རོ་ཞེས་བརྗོད་པར་བྱའོ། །དགེ་སློང་རྣམས་ཀྱིས་དེ་ལ་དེ་སྐད་སྨྲས་པ་དང་དེ་མྲག་ཤའི་ཚལ་གང་ན་བ་དེར་རྒྱུ་ཞིང་སོང་སྟེ། རིམ་གྱིས་རྒྱུ་ཞིང་སོང་བ་དང་མྲག་ཤའི་ཚལ་དུ་ཕྱིན་ཏོ། །དེ་ནས་ལམ་གྱིས་
D1.003.0150b06.01དུབ་པ་ངལ་སོས་ནས་ཁྱིམ་བདག་ནག་པ་གང་ན་བ་དེར་སོང་སྟེ་ཕྱིན་པ་དང་། ལག་པ་གཡས་པ་བརྐྱང་ནས་སྨྲས་པ། ཁྱིམ་བདག་བཟོད་པར་མཛོད་ཅིག །བཙུན་པ་ཆུ་སྟོད་བཟོད་བར་བགྱིས། གལ་ཏེ་དེ་ལྟ་ན་འདི་ཉིད་དུ་བཞུགས་ཤིག །རེ་ཞིག་གང་གིས་བདག་ལ་ཉེས་པ་
D1.003.0150b07.01