完整藏文原文 · 德格版页 当前仅加载第 3 函德格 111b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། ཚལ་གྱི་ལྷ་དག་དང་། བཞི་མདོའི་ལྷ་དག་དང་། སུམ་མདོའི་ལྷ་དག་དང་། གཏོར་མ་ལེན་པའི་ལྷ་དག་དང་། ལྷན་ཅིག་སྐྱེས་པ་དང་། ཆོས་མཐུན་པའི་ལྷ་དག་དང་། རྟག་ཏུ་རྗེས་སུ་འབྲང་བའི་ལྷ་དག་ལ་ཡང་གསོལ་བ་འདེབས་སོ། །འཇིག་རྟེན་ན་གང་དག་གསོལ་བ་འདེབས་
D1.003.0111b01.01པའི་རྒྱུ་ལས་བུ་ཕོ་དང་བུ་མོ་དག་སྐྱེའོ་ཞེས་བྱ་བའི་གཏམ་དེ་ལྟ་བུ་ཡོད་དེ། དེ་ནི་དེ་ལྟ་མ་ཡིན་ཏེ། གལ་ཏེ་དེ་ལྟར་གྱུར་དུ་ཟིན་ན་རེ་རེ་ལ་ཡང་འདི་ལྟ་སྟེ། དཔེར་ན་འཁོར་ལོས་སྒྱུར་བའི་རྒྱལ་པོ་བཞིན་དུ་བུ་སྟོང་ཡོད་པར་འགྱུར་རོ། །འོན་ཀྱང་གནས་གསུམ་པོ་དག་མངོན་སུམ་དུ་གྱུར་པ་
D1.003.0111b02.01ལས་བུ་ཕོ་དང་བུ་མོ་དག་སྐྱེ་བར་འགྱུར་ཏེ། གསུམ་པོ་དེ་དག་གང་ཞེ་ན། ཕ་དང་མ་གཉིས་ཆགས་པར་གྱུར་ཅིང་འདུས་པ་དང་། མ་དུས་ལ་བབ་ཅིང་ཟླ་མཚན་དང་ལྡན་པ་དང་། དྲི་ཟ་ཉེ་བར་གནས་པར་གྱུར་པ་སྟེ། གནས་གསུམ་པོ་དེ་དག་མངོན་སུམ་དུ་གྱུར་པ་ལས་བུ་ཕོ་དང་བུ་མོ་
D1.003.0111b03.01དག་སྐྱེ་བར་འགྱུར་རོ། །དེས་གང་གི་ཚེ་ལྷ་རྣམས་ལ་གསོལ་བ་བྱས་ཀྱང་བུ་ཕོ་དང་བུ་མོ་མེད་པ་དེའི་ཚེ་ལྷ་ཐམས་ཅད་སྤངས་ཏེ་བཅོམ་ལྡན་འདས་ལ་མངོན་པར་དད་པར་གྱུར་ཏོ། །ཇི་ཙམ་ན་དགེ་སློང་ཞིག་གི་དྲུང་དུ་སོང་སྟེ། འཕགས་པ་ལེགས་པར་གསུངས་པའི་ཆོས་འདུལ་བ་ལ་
D1.003.0111b04.01བདག་རབ་ཏུ་འབྱུང་བར་འཚལ་ལོ། །བཞིན་{བཟངས་,བཟང་}དེ་བཞིན་དུ་གྱིས་ཤིག་ཅེས་དེས་དེ་རིམ་གྱིས་སྐྲ་བྲེགས་ནས་བསླབ་པའི་གཞི་རྣམས་སྦྱིན་པར་བརྩམས་པ་ལས་རིམས་ཆེན་པོས་ཐེབས་ནས་རབ་ཏུ་འབྱུང་བའི་བར་ཆད་དུ་གྱུར་པའི་སྐབས་དེ་བཅོམ་ལྡན་འདས་ལ་དགེ་སློང་རྣམས་ཀྱིས་
D1.003.0111b05.01གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། རེ་ཞིག་སོས་ཀྱི་བར་དུ་བསླབ་པའི་གཞི་རྣམས་མི་སྦྱིན་ཞིང་དེའི་རིམ་གྲོ་བྱའོ། །བཅོམ་ལྡན་འདས་ཀྱིས་དེའི་རིམ་གྲོ་བྱའོ་ཞེས་བཀའ་སྩལ་ན། དགེ་སློང་རྣམས་ཀྱིས་སུས་བྱ་བ་མ་ཤེས་ནས། བཅོམ་ལྡན་འདས་ཀྱིས་
D1.003.0111b06.01བཀའ་སྩལ་པ། དགེ་སློང་རྣམས་དང་སྨན་པས་སོ། །སྨན་པ་རྣམས་ཀྱིས་ཉིན་པར་སྨན་བྱས་ན་མཚན་མོ་ནད་ལ་ཕན་པར་གྱུར་ཏོ། །དེ་རྣམས་ཀྱིས་སྨྲས་པ། འཕགས་པ་འདིའི་དཔྱད་བདག་གིས་གདུགས་ལ་བགྱིས་ན་མཚན་མོ་བྲོ་ལ་ཕན་པར་གྱུར་གྱིས། གལ་ཏེ་
D1.003.0111b07.01