完整藏文原文 · 德格版页 当前仅加载第 3 函德格 207b 版页；藏文 NFD、目录标记与异常页序保留在来源切片中，重复版页行以稳定序号区分。
ཁྱོན་བྱེ་བ་གཤིབ་པས་གཤིབས་ནས་གཞོན་ནུ་རྒྱལ་བྱེད་ལས་ཉོས་ཏེ་ང་ཉན་ཐོས་ཀྱི་དགེ་འདུན་དང་བཅས་པ་ལ་ཕུལ་ལོ། །དགེ་སློང་དག་མ་འོངས་པའི་དུས་ན་སྐྱེ་དགུ་རྣམས་ཀྱི་ཚེ་ལོ་བརྒྱད་ཁྲི་ཐུབ་པ་ན་སྟོན་པ་བྱམས་པ་ཞེས་བྱ་བ་འཁོར་དགྲ་བཅོམ་པ་ཁྲག་ཁྲིག་ཕྲག་དགུ་དང་ཐེར་འབུམ་ཆེན་པོ་ཕྲག་དྲུག་
D1.003.0207b01.01ཕྱོགས་འདིར་གཤེགས་པར་འགྱུར་རོ། །དེའི་ཚེ་ཁྱིམ་བདག་ནོར་{བཟངས་,བཟང་}ཞེས་བྱ་བ་འབྱུང་བར་འགྱུར་ཏེ། དེས་ཕྱོགས་འདི་དཔག་ཚད་གསུམ་གསེར་དང་དབྱིག་གཤིབས་པས་གཞོན་ནུ་ལས་ཉོས་ནས་བྱམས་པ་ཉན་ཐོས་ཀྱི་དགེ་འདུན་དང་བཅས་པ་ལ་དབུལ་བར་འགྱུར་ཞིང་དེ་ཉིད་ཀྱི་བསྟན་པ་ལ་རབ་
D1.003.0207b02.01ཏུ་བྱུང་སྟེ་ཉོན་མོངས་པ་ཐམས་ཅད་སྤངས་ནས་དགྲ་བཅོམ་པ་མངོན་སུམ་དུ་བྱེད་པར་འགྱུར་རོ། །དགེ་སློང་དག་དེའི་ཚེ་དེའི་དུས་ཀྱི་ཁྱིམ་བདག་ནོར་{བཟངས་,བཟང་}ཞེས་བྱ་བ་འབྱུང་བར་འགྱུར་བ་དེ་གཞན་ཞིག་ཡིན་སྙམ་ན་ཁྱེད་ཀྱིས་དེ་ལྟར་མི་བལྟ་སྟེ། འོན་ཀྱང་ཁྱིམ་བདག་མགོན་མེད་ཟས་སྦྱིན་འདི་ཉིད་ཁྱིམ་
D1.003.0207b03.01བདག་ནོར་{བཟངས་,བཟང་}ཞེས་བྱ་བ་ཡིན་པར་འགྱུར་རོ། །ཁྱིམ་བདག་མགོན་མེད་ཟས་སྦྱིན་གྱིས་གཏེར་བདག་པོ་དང་བཅས་པ་དང་། བདག་པོ་མེད་པ་དང་། ཐང་ལ་ཡོད་པ་དང་། ཆུ་ན་ཡོད་པ་དང་། གང་དག་རྒྱང་རིང་པོ་ན་ཡོད་པ་དང་། གང་དག་ཐག་ཉེ་བ་ན་ཡོད་པ་ཡང་མཐོང་བས་ཀུན་ཏུ་ཁྱིམ་བདག་མགོན་མེད་
D1.003.0207b04.01ཟས་སྦྱིན་གྱིས་གཏེར་བདག་པོ་དང་བཅས་པ་དང་། བདག་པོ་མེད་པ་དང་། ཐང་ལ་ཡོད་པ་དང་། ཆུ་ན་ཡོད་པ་དང་། གང་དག་རྒྱང་རིང་པོ་ན་ཡོད་པ་དང་། གང་དག་ཐག་ཉེ་བ་ན་ཡོད་པ་ཡང་མཐོང་ངོ་། །ཞེས་གྲགས་སོ། །དེའི་ཚེ་མུ་སྟེགས་ཅན་གྱི་དགེ་སྦྱོང་དང་། བྲམ་ཟེ་དང་། སྤྱོད་པ་པ་དང་། ཀུན་དུ་རྒྱུ་
D1.003.0207b05.01སྣ་ཚོགས་རྟོག་ཁང་དུ་འདུས་ཏེ་འཁོད་པ་རྣམས་འདི་ལྟ་བུའི་སྐབས་ཀྱི་གཏམ་དག་གླེང་བར་བྱེད་དེ། ཤེས་ལྡན་དག་ཁྱིམ་བདག་མགོན་མེད་ཟས་སྦྱིན་མཚན་གང་དག་དང་ལྡན་ན་གཏེར་བདག་པོ་དང་བཅས་པ་དང་། བདག་པོ་མེད་པ་དང་། ཐང་ལ་ཡོད་པ་དང་། ཆུ་ན་ཡོད་པ་དང་། གང་དག་རྒྱང་རིང་
D1.003.0207b06.01པོ་ན་ཡོད་པ་དང་། གང་དག་ཐག་ཉེ་བ་ན་ཡོད་པ་མཐོང་བར་གྱུར། དེའི་ཚེ་བྲམ་ཟེའི་ཁྱེའུ་ཕྱུགས་སྟེན་ཞེས་བྱ་བ་འཁོར་དེ་ཉིད་དུ་ཚོགས་ཤིང་འདུག་པར་གྱུར་ནས་དེས་སྨྲས་པ། ཤེས་ལྡན་དག་ཁྱེད་ཅག་སེམས་ལས་ཆུང་ངུས་འཁོད་ཅིག་དང་། ཁོ་བོས་ཁྱིམ་བདག་མགོན་མེད་ཟས་སྦྱིན་མཚན་
D1.003.0207b07.01