完整藏文原文 · 德格版页 当前仅加载第 3 函德格 278a 版页；藏文 NFD、目录标记与异常页序保留在来源切片中，重复版页行以稳定序号区分。
ཆུབ་སེམས་དཔས་ཀྱང་དུང་བུས་ཏེ་སྨྲས་པ། གྲོགས་པོ་དག་འདི་ལ་སྒྲ་ལྷག་པར་གང་ཆེ། བཅོམ་ལྡན་འདས་དུང་གི་སྒྲ་ལགས་སོ། །གྲོགས་པོ་དག་ཇི་ལྟར་དུང་གི་སྒྲས་རོལ་མོའི་ཆ་བྱད་ཐམས་ཅད་ཟིལ་གྱིས་མནན་ཏེ། གནས་པ་དེ་བཞིན་དུ་ངས་ཀྱང་
D1.003.0278a01.01འཛམ་བུའི་གླིང་དུ་སོང་ལ་རྟོག་གེ་པ་དྲུག་དང་། རྗེས་སུ་སྒྲོགས་པ་དྲུག་དང་། སྙོམས་པར་འཇུག་པ་དྲུག་ཟིལ་གྱིས་མནན་ནས་བདུད་རྩི་རྟོགས་པར་བྱས་ཏེ་བདུད་རྩིས་འགྲོ་བ་ཚིམ་པར་བྱའོ། །མི་རྟག་པའི་དུང་འབུད་པར་བྱའོ། །སྟོང་པ་ཉིད་ཀྱི་རྔ་བརྡུང་བར་བྱའོ། །བདག་
D1.003.0278a02.01མེད་པའི་སེང་གེའི་སྒྲ་བསྒྲགས་པར་བྱའོ་ཞེས་སྨྲས་ནས་ཚིགས་སུ་བཅད་དེ་སྨྲས་པ། སེང་གེ་གཅིག་གིས་གཅན་གཟན་ཚོགས་ནི་དུ་མ་འཇོམས། །རྡོ་རྗེ་གཅིག་གིས་བྲག་གི་རྩེ་མོ་དུ་མ་འཇིག །བརྒྱ་བྱིན་གཅིག་གིས་ལྷ་མ་ཡིན་དབང་དུ་མ་འཇོམས། །ཉི་མ་གཅིག་གིས་
D1.003.0278a03.01མུན་པ་དུ་མ་རྣམ་པར་སེལ། །གྲོགས་པོ་དག་ཁྱེད་ཅག་ལས་གང་བདུད་རྩི་དོན་དུ་གཉེར་བ་དེ་ཡུལ་དབུས་ཀྱི་གྲོང་ཁྱེར་ཆེན་པོ་དྲུག་ཏུ་ཉིང་མཚམས་སྦྱོར་བ་ལོང་ཤིག །དེ་ནས་ལྷ་རྣམས་ཀྱི་དབང་པོ་བརྒྱ་བྱིན་འདི་སྙམ་དུ་སེམས་ཏེ། བྱང་ཆུབ་སེམས་དཔའ་བཅོམ་ལྡན་འདས་
D1.003.0278a04.01འདི་ནི་བཙུན་མོ་སྒྱུ་འཕྲུལ་ཆེན་མོའི་ལྷུམས་སུ་ཉིང་མཚམས་སྦྱོར་བ་ལེན་པར་བཞེད་ཀྱིས། མ་ལ་བདག་གིས་དེ་ལ་གཟི་བརྗིད་བསྒྲུབ་པར་བྱ། ལྷུམས་ཀྱང་སྦྱང་བར་བྱའོ་སྙམ་ནས། ལྷ་རྣམས་ཀྱི་དབང་པོ་བརྒྱ་བྱིན་གྱིས་བཙུན་མོ་སྒྱུ་འཕྲུལ་ཆེན་མོ་ལ་གཟི་བརྗིད་བསྒྲུབས་ཤིང་
D1.003.0278a05.01ལྷུམས་ཀྱང་གཙང་མར་བྱས་སོ། །དེ་ནས་བྱང་ཆུབ་སེམས་དཔའ་དགའ་ལྡན་གྱི་གནས་ན་བཞུགས་པ་གཟིགས་པ་ལྔས་གཟིགས་ཏེ། འདོད་པ་ན་སྤྱོད་པའི་ལྷ་དྲུག་ལ་ལན་གསུམ་དུ་བསྒྲགས་ནས་ནམ་གྱི་གུང་ཐུན་ལ་གླང་པོ་ཆེར་བསྟན་ཏེ། བཙུན་མོ་སྒྱུ་འཕྲུལ་ཆེན་མོའི་ལྷུམས་
D1.003.0278a06.01སུ་ཞུགས་སོ། །སྨྲས་པ། འགྲོ་བ་ཡོངས་སུ་བསྐྱབ་ཕྱིར་དམ་བཞེས་ནས། །ལྷ་རྣམས་ལ་བསྒོ་དེ་ནས་ཤི་འཕོས་ཏེ། །ནང་པར་སྤྲིན་རུམ་ཉི་མ་གསར་འཆར་ལྟར། །དེ་ནི་བུ་རམ་ཤིང་པའི་ལྷུམས་སུ་ཞུགས། །འདི་ལྟར་སྒྱུ་འཕྲུལ་ཆེན་མོའི་རྨི་ལམ་བཞི་རྨིས་པ། གླང་པོ་ཆེ་དམ་པ་དཀར་པོ་
D1.003.0278a07.01