完整藏文原文 · 德格版页 当前仅加载第 3 函德格 228a 版页；藏文 NFD、目录标记与异常页序保留在来源切片中，重复版页行以稳定序号区分。
བསྒྱུར་བའི་ཟོང་རྣམས་ཁྱེར་ནས་མུ་ཏིག་ཅན་གྱི་དྲུང་དུ་སོང་སྟེ། ལྷ་མོ་བདག་ཅག་མཆི་ན་བདག་ཅག་གིས་ཅི་ཞིག་བགྱི་བར་བཀའ་སྩལ་པར་གསོལ། །དེས་སྨྲས་པ། ཁོ་མོའི་ཚིག་གིས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚོལ་ལ་གནོད་པ་
D1.003.0228a01.01ཆུང་ངམ། ཉམ་ང་བ་ཉུང་ངམ། འཚོའམ། བསྐྱོད་པ་ཡང་ངམ། སྟོབས་དང་བདེ་བ་དང་། སྐུ་ཉམས་དང་ལྡན་ནམ་རེག་པར་གནས་སམ་ཞེས་ཞུས་ལ་འདི་སྐད་ཅེས། བཙུན་པ་དགེ་བའི་བཤེས་གཉེན་གྱིས་བགྱི་བ་གང་ལགས་པ་དེ་བཅོམ་ལྡན་འདས་ཀྱིས་མཛད་དེ། བདག་
D1.003.0228a02.01གིས་དགེ་བའི་བཤེས་གཉེན་བཅོམ་ལྡན་འདས་ལ་བརྟེན་ནས་སེམས་ཅན་དམྱལ་བ་དང་། དུད་འགྲོ་དང་། {ཡི་དགས་,ཡི་དྭགས་}རྣམས་ལས་ནི་རྐང་པ་ཕྱུང་། ལྷ་དང་མི་རྣམས་སུ་ནི་བཞག །འཁོར་བ་ལས་ནི་རྒྱང་བསྲིངས། ཁྲག་དང་མཆི་མའི་རྒྱ་མཚོ་ནི་བསྐམས། རུས་པའི་རི་བོ་
D1.003.0228a03.01ལས་ནི་བསྒྲལ། ངན་སོང་གི་སྒོ་ནི་བསྐུམ། མཐོ་རིས་ཐར་པའི་སྒོ་ནི་ཕྱེ། ཐོག་མ་མ་མཆིས་པའི་དུས་ནས་བསགས་པའི་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་ནས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བགྱིས་ཏེ། བཙུན་པ་བདག་ནི་
D1.003.0228a04.01འཕགས་སོ། །མངོན་པར་འཕགས་སོ། །བདག་བཅོམ་ལྡན་འདས་དང་ཆོས་དང་དགེ་སློང་གི་དགེ་འདུན་ལ་སྐྱབས་སུ་མཆི་ཡིས། དགེ་བསྙེན་དུ་གཟུང་དུ་གསོལ། དེང་སླན་ཆད་ཇི་སྲིད་འཚོ་བའི་བར་དུ་སྲོག་དང་ཡང་བསྡོས་དེ་སྐྱབས་སུ་མཆི་བར་མངོན་པར་དད་ལགས་སོ། །
D1.003.0228a05.01ཞེས་གསོལ་ལ། མུ་ཏིག་བྲེ་གསུམ་པོ་འདི་ཁྱེར་ལ་ཆ་གཅིག་ནི་སངས་རྒྱས་ལ། ཆ་གཅིག་ནི་ཆོས་ལ། ཆ་གཅིག་ནི་དགེ་འདུན་ལ་ཕུལ་ཅིག །དེ་ནས་ཚོང་པ་དེ་རྣམས་ཀྱིས་ཟོང་དང་སྐྱེས་བསྐུར་བ་ཡང་ཁྱེར་ཏེ་དོང་ནས་རིམ་གྱིས་མཉན་ཡོད་དུ་ཕྱིན་པ་དང་། ལམ་
D1.003.0228a06.01གྱིས་དུབ་པ་ངལ་སོས་ནས་བཅོམ་ལྡན་འདས་གང་ན་བ་དེར་སོང་སྟེ་ཞབས་གཉིས་ལ་གཏུགས་ནས་ཇི་སྐད་སྤྲིང་བ་བཞིན་བཅོམ་ལྡན་འདས་ལ་གསོལ་ནས་འདི་སྐད་ཅེས་ཀྱང་གསོལ་ཏོ། །བཙུན་པ་སྐྱེས་སུ་ཕུལ་བའི་མུ་ཏིག་བྲེ་གསུམ་པོ་འདི་ལགས་ཏེ། མུ་ཏིག་ཆ་གཅིག་
D1.003.0228a07.01