完整藏文原文 · 德格版页 当前仅加载第 3 函德格 87b 版页；藏文 NFD、目录标记与异常页序保留在来源切片中，重复版页行以稳定序号区分。
མཆི་ཞིང་སླར་མཆི་ལ། དེས་བདག་གི་གློ་བུར་བའི་ཟས་ཞེས་བྱ་བ་ནས་དབྱར་གྱི་གོས་རས་ཆེན་དང་། དགེ་སློང་མས་ཁྲུས་རས་ཞེས་བྱ་བའི་བར་གོང་མ་བཞིན་ཏེ། ཐོས་ནས་ཀྱང་དགའ་བ་དང་རབ་ཏུ་དགའ་བ་རྒྱ་ཆེན་པོ་དགེ་བ་ངེས་པར་འབྱུང་བ་དང་ལྡན་པ་ཐོབ་པར་འགྱུར་ལགས་
D1.003.0087b01.01སོ། །བཅོམ་ལྡན་འདས་ཀྱིས་དགེ་སློང་ཆེ་གེ་མོ་དེ་དགེ་སློང་འདི་ནི་ཐ་མའི་ཆ་དང་མཐུན་པའི་ཀུན་ཏུ་སྦྱོར་བ་ལྔ་སྤངས་པས་ཕྱིར་མི་འོང་བར་འགྱུར་ཏེ། འཇིག་རྟེན་འདིར་ཕྱིར་མི་འོང་བར་འགྱུར་རོ་ཞེས་ལུང་བསྟན་པ་དེ་ཡང་རེས་འགའ་མཉན་ཡོད་དུ་མཆི་ཞིང་སླར་མཆི་ལ། དེས་
D1.003.0087b02.01བདག་གི་གློ་བུར་བའི་ཟས་ཞེས་བྱ་བ་ནས་དབྱར་གྱི་གོས་རས་ཆེན་དང་། དགེ་སློང་མས་ཁྲུས་རས་ཞེས་བྱ་བའི་བར་གོང་མ་བཞིན་དུ་སྟེ། ཐོས་ནས་ཀྱང་དགའ་བ་དང་རབ་ཏུ་དགའ་བ་རྒྱ་ཆེན་པོ་དགེ་བ་ངེས་པར་འབྱུང་བ་དང་ལྡན་པ་ཐོབ་པར་འགྱུར་ལགས་སོ། །བཅོམ་ལྡན་
D1.003.0087b03.01འདས་ཀྱིས་དགེ་སློང་ཆེ་གེ་མོ་དེ་དགེ་སློང་འདི་ནི་ཉོན་མོངས་པ་ཐམས་ཅད་སྤངས་ཏེ་དགྲ་བཅོམ་པ་མངོན་སུམ་དུ་བྱས་ནས་ཕུང་པོ་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་འཇུག་པར་འགྱུར་རོ་ཞེས་ལུང་བསྟན་པ་དེ་ཡང་རེས་འགའ་མཉན་ཡོད་དུ་མཆི་ཞིང་སླར་ཡང་
D1.003.0087b04.01མཆི་ལ། དེས་བདག་གི་གློ་བུར་བའི་ཟས་ཞེས་བྱ་བ་ནས་དབྱར་གྱི་གོས་རས་ཆེན་དང་། དགེ་སློང་མས་ཁྲུས་རས་ཞེས་བྱ་བའི་བར་གོང་མ་བཞིན་དུ་སྟེ། ཐོས་ནས་ཀྱང་དགའ་བ་དང་རབ་ཏུ་དགའ་བ་རྒྱ་ཆེན་པོ་དགེ་བ་ངེས་པར་འབྱུང་བ་དང་ལྡན་པ་ཐོབ་པར་འགྱུར་ལགས་
D1.003.0087b05.01སོ། །དེ་ནས་བཅོམ་ལྡན་འདས་ཀྱིས་{རི་དགས་,རི་དྭགས་}འཛིན་གྱི་མ་ས་ག་མ་ལ་ཆོས་དང་ལྡན་པའི་གཏམ་གྱིས་ཡང་དག་པར་བསྟན་ཡང་དག་པར་འཛིན་དུ་བཅུག །ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་གདན་ལས་བཞེངས་ཏེ་གཤེགས་སོ། །
D1.003.0087b06.01དེ་ནས་བཅོམ་ལྡན་འདས་མཉན་ཡོད་དུ་ཇི་ཙམ་བཞེད་ཀྱི་བར་དུ་བཞུགས་ནས་ཡངས་པ་ཅན་གང་ན་བ་དེར་རྒྱུ་ཞིང་གཤེགས་ཏེ། རིམ་གྱིས་རྒྱུ་ཞིང་གཤེགས་པ་ན་ཡངས་པ་ཅན་དུ་བྱོན་ནས་ཡངས་པ་ཅན་གྱི་སྤྲེའུ་རྫིང་གི་འགྲམ་གྱི་ཁང་པ་བརྩེགས་པ་ན་བཞུགས་སོ། །དེ་ནས་
D1.003.0087b07.01