完整藏文原文 · 德格版页 当前仅加载第 3 函德格 243a 版页；藏文 NFD、目录标记与异常页序保留在来源切片中，重复版页行以稳定序号区分。
ལྟ་སྟེ་ཚུལ་ཤིང་འབྲིམ་པའི་དགེ་སློང་འདི་སྙམ་དུ་སེམས་ཏེ། གནས་འདི་ན་དགེ་སློང་ནད་པ་རབ་ཏུ་མང་བས། གལ་ཏེ་བདག་གིས་དགེ་འདུན་མ་ཚོགས་ཤིང་མ་འདུས་པར་ཚུལ་ཤིང་བྲིམས་ན་དགེ་སློང་རབ་ཏུ་མང་པོས་ཆོས་མ་ཡིན་པའི་ཚུལ་ཤིང་ལེན་པར་འགྱུར་བ་གང་
D1.003.0243a01.01ཡིན་པའི་གནས་དེ་ཡོད་ཀྱིས། མ་ལ་བདག་གིས་དགེ་འདུན་ཐམས་ཅད་ཚོགས་ཤིང་འདུས་པ་དང་ཚུལ་ཤིང་བྲིམ་པར་བྱའོ་སྙམ་ནས། དགེ་འདུན་ཐམས་ཅད་ཚོགས་ཤིང་འདུས་པ་དང་ཚུལ་ཤིང་འབྲིམ་པ་དེ། འདི་ནི་དགེ་འདུན་ཐམས་ཅད་པའི་ཚུལ་ཤིང་འབྲིམ་པ་ཞེས་བྱའོ། །ཆོས་
D1.003.0243a02.01མ་ཡིན་པའི་ཚུལ་ཤིང་ལེན་པ་བཅུ་དང་། ཆོས་ཀྱི་བཅུའོ། །ཆོས་མ་ཡིན་པའི་ཚུལ་ཤིང་ལེན་པ་བཅུ་གང་ཞེ་ན། ཆོས་མ་ཡིན་པས་ཚུལ་ཤིང་ལེན་པ་དང་། མི་མཐུན་པས་ཚུལ་ཤིང་ལེན་པ་དང་། ཆུང་བ་བས་ཀྱང་ཆུང་བས་ཚུལ་ཤིང་ལེན་པ་དང་། དབྱེ་བའི་བསམ་པས་ཚུལ་ཤིང་
D1.003.0243a03.01ལེན་པ་དང་། སྦྱོར་བ་གཞན་དུ་མ་གྱུར་པས་ཚུལ་ཤིང་ལེན་པ་དང་། རྟེན་ཁ་ལོ་སྒྱུར་བ་དང་མི་སྟུན་པས་ཚུལ་ཤིང་ལེན་པ་དང་། ཚུལ་ཤིང་བླངས་པས་དགེ་འདུན་བྱེ་ཡང་ཅི་མ་རུང་སྙམ་དུ་བསམས་པས་ཚུལ་ཤིང་ལེན་པ་དང་། ཚུལ་ཤིང་བླངས་པས་དགེ་སློང་རབ་ཏུ་མང་པོ་ཆོས་
D1.003.0243a04.01མ་ཡིན་པ་སྨྲ་བར་གྱུར་ཀྱང་ཅི་མ་རུང་སྙམ་ནས་ཚུལ་ཤིང་ལེན་པ་དང་། ཚུལ་ཤིང་བླངས་པས་དགེ་འདུན་འབྱེ་བར་འགྱུར་བར་ཤེས་བཞིན་དུ་ཚུལ་ཤིང་ལེན་པ་དང་། ཚུལ་ཤིང་བླངས་པས་དགེ་སློང་རབ་ཏུ་མང་པོ་དག་ཆོས་མ་ཡིན་པ་སྨྲ་བར་འགྱུར་བར་ཤེས་བཞིན་དུ་ཚུལ་
D1.003.0243a05.01ཤིང་ལེན་པའོ།། །།འདུལ་བ་གཞི། བམ་པོ་བདུན་བཅུ་དགུ་པ། ཆོས་མ་ཡིན་པས་ཚུལ་ཤིང་ལེན་པ་ཇི་ལྟ་བུ་ཞེ་ན། འདུལ་བ་དང་མཐུན་པ་མ་ཡིན་པས་ཚུལ་ཤིང་ལེན་པ་སྟེ། དེ་ལྟ་བུ་ནི་ཆོས་མ་ཡིན་པས་ཚུལ་ཤིང་ལེན་པ་ཡིན་ནོ། །མི་མཐུན་པས་ཚུལ་ཤིང་
D1.003.0243a06.01ལེན་པ་ཇི་ལྟ་བུ་ཞེ་ན། དགེ་འདུན་མི་མཐུན་པས་ཚུལ་ཤིང་ལེན་པ་སྟེ། དེ་ལྟ་བུ་ནི་མི་མཐུན་པས་ཚུལ་ཤིང་ལེན་པ་ཡིན་ནོ། །ཆུང་བ་བས་ཀྱང་ཆུང་བས་ཚུལ་ཤིང་ལེན་པ་ཇི་ལྟ་བུ་ཞེ་ན། བསྡམ་པར་བྱ་བ་དང་བཤགས་པར་བྱ་བ་ཡིན་ནོ་སྙམ་ནས་ཚུལ་ཤིང་ལེན་པ་སྟེ། དེ་ལྟ་བུ་
D1.003.0243a07.01