完整藏文原文 · 德格版页 当前仅加载第 3 函德格 202b 版页；藏文 NFD、目录标记与异常页序保留在来源切片中，重复版页行以稳定序号区分。
བའི་རྩ་བ་ཅུང་ཟད་ཡོད་དམ་འོན་ཏེ་མེད་ཅེས་བསམས་པ་ལ་ཞུགས་ན་ཡོད་པར་མཐོང་ངོ་། །སུ་ཞིག་ལ་རག་ལས་སྙམ་ན། བདག་ཁོ་ན་ལའོ་སྙམ་ནས་དེས་བསམས་ཏེ་སྨྲས་པ། ཁྱིམ་བདག་དེ་ལ་འགལ་བ་ཅི་ཡོད་ཀྱིས་དེ་བཞིན་དུ་གྱིས་ཤིག །དེ་རྣམས་གཙུག་ལག་ཁང་དེར་གླ་
D1.003.0202b01.01མིའི་ལས་བྱ་བར་བརྩམས་པ་ན་ཚེ་དང་ལྡན་པ་ཤཱ་རིའི་བུས་ལྕག་ཐོགས་ཀྱི་མི་གཏུམ་པོ་ཞིག་སྤྲུལ་ནས་དེས་དེ་རྣམས་ལས་བྱེད་དུ་གཞུག་པར་བརྩམས་སོ། །ཚེ་དང་ལྡན་པ་ཤཱ་རིའི་བུས་དེ་རྣམས་ཀྱི་གདུལ་བའི་དུས་ཤེས་ནས་དེ་དང་ཉེ་བའི་ཤིང་དྲུང་ཞིག་ན་འཆག་ཅིང་འདུག་པ་ལས་
D1.003.0202b02.01དེ་རྣམས་ཀྱིས་དེ་མཐོང་ནས་དེ་རྣམས་ཀྱིས་བསམས་པ། དབེན་པ་ན་འདུག་པས་འདི་གསད་པའི་དུས་ནི་འདི་ཡིན་ནོ་སྙམ་ནས། དེ་རྣམས་ཀྱིས་དེའི་དྲུང་དུ་དོང་ནས་བསྐོར་ཏེ་འདུག་གོ། །ཚེ་དང་ལྡན་པ་ཤཱ་རིའི་བུས་བསམས་པ། འདི་རྣམས་སེམས་ཅི་འདྲ་བ་ཞིག་གིས་བདག་གི་
D1.003.0202b03.01དྲུང་དུ་ལྷགས་སྙམ་ན། ཇི་ཙམ་ན་གསད་པའི་སེམས་ཀྱིས་ཡིན་པར་མཐོང་ནས་དེ་ལྕག་ཐོགས་ཏེ་སྦད་ནས་དེས་དེ་རྣམས་ལས་བྱོས་དེང་ཞེས་ཐག་བཅུག་པ་དང་། དེ་རྣམས་ཀྱིས་སྨྲས་པ། འཕགས་པ་ཤཱ་རིའི་བུ་བསྐྱབ་ཏུ་གསོལ། དེས་སྨྲས་པ། ཚེ་དང་ལྡན་པ་རེ་ཞིག་
D1.003.0202b04.01སོང་ལ་ངལ་སོར་ཆུག་ཅིག །དེ་རྣམས་ཀྱིས་བསམས་པ། འདི་ནི་འདི་ལྟ་བུར་བདག་ཉིད་ཆེ་བ་ཡིན་ཏེ། བདག་ཅག་གིས་ནི་འདི་བསད་པར་བསམས་ན། འདི་ནི་བདག་ཅག་ལ་བྱམས་པར་སེམས་སོ་སྙམ་དུ་རིག་ནས་དད་པར་གྱུར་ཏོ། །དེ་ནས་ཚེ་དང་ལྡན་པ་ཤཱ་རིའི་བུས་དེ་རྣམས་
D1.003.0202b05.01ཀྱི་བསམ་པ་དང་། བག་ལ་ཉལ་བ་དང་། ཁམས་དང་། རང་བཞིན་ཤེས་ནས་འཕགས་པའི་བདེན་པ་བཞི་སོ་སོར་རྟོགས་པར་འགྱུར་བ་དེ་ལྟ་བུའི་ཆོས་བཤད་པ་བྱས་ཏེ། དེ་ཐོས་ནས་དེ་རྣམས་ཀྱིས་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་ནས་རྒྱུན་དུ་
D1.003.0202b06.01ཞུགས་པའི་འབྲས་བུ་མངོན་སུམ་དུ་བྱས་ཏེ། དེ་རྣམས་ཀྱིས་བདེན་པ་མཐོང་སྟེ་སྨྲས་པ། བཙུན་པ་ཤཱ་རིའི་བུའི་སྤྱན་སྔར་བདག་ཅག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བ་དང་བསྙེན་པར་རྫོགས་པ་དགེ་སློང་གི་དངོས་པོ་འཐོབ་པ་ལྟ་ན། བདག་ཅག་བཙུན་པ་ཤཱ་རིའི་
D1.003.0202b07.01