完整藏文原文 · 德格版页 当前仅加载第 3 函德格 69b 版页；藏文 NFD、目录标记与异常页序保留在来源切片中，重复版页行以稳定序号区分。
གྱིས་ཐེབས་པ་དང་སྨན་པའི་རྒྱལ་པོ་འཚོ་བྱེད་ཀྱིས་བསམས་པ། དཔེར་ན་འཁོར་ལོས་སྒྱུར་བའི་རྒྱལ་པོ་ལ་བྱ་བ་བཞིན་བདག་ཉིད་ཁོ་ནས་བཅོམ་ལྡན་འདས་ལ་རིམ་གྲོ་བྱའོ་སྙམ་མོ། །དེ་ནས་འཚོ་བྱེད་ཀྱིས་མེ་ཏོག་ཨུཏྤ་ལ་སུམ་བཅུ་རྩ་གཉིས་དང་བཀྲུ་སྨན་གྱི་རྫས་དང་སྦྱར་
D1.003.0069b01.01ནས། བཅོམ་ལྡན་འདས་ལ་ཕུལ་ཏེ། བཅོམ་ལྡན་འདས་འདི་རྣམས་ཤངས་ཀྱིས་བསྣམ་དུ་གསོལ། བཅོམ་ལྡན་འདས་ཀྱིས་བསྣམས་པ་ལས་ཐང་སུམ་བཅུ་རྩ་གཉིས་ཁོ་ན་འཁྲུས་པར་གྱུར་ཏོ། །དེ་ནས་བཅོམ་ལྡན་འདས་ལ་ཞུས་པ། བཅོམ་ལྡན་འདས་ཅི་ག་ལེགས་
D1.003.0069b02.01པར་འཁྲུས་ལགས་སམ། བཅོམ་ལྡན་འདས་ཀྱིས་བཀའ་སྩལ་པ། འཚོ་བྱེད་སྐྱོན་གང་དག་གཡོས་ལ་མ་འཁྲུས་པ་དེ་དག་ཀྱང་ཡོད། འཁྲུས་ལ་མ་གཡོས་པ་ཡང་ཡོད། འཁྲུས་ལ་གཡོས་པ་ཡང་ཡོད། མ་འཁྲུས་ལ་མ་གཡོས་པ་ཡང་ཡོད་དོ། །འཚོ་བྱེད་ཀྱིས་
D1.003.0069b03.01གསོལ་པ། བཅོམ་ལྡན་འདས་གལ་ཏེ་དེ་ལྟ་ན་བུ་རམ་དང་ཨ་རུ་ར་གསོལ་ལ་ཁུ་བའི་རིམ་པ་ཡང་མཛོད་ཅིག །བཅོམ་ལྡན་འདས་ཀྱིས་དེ་བཞིན་དུ་མཛད་ནས་སྙུན་གདངས་པར་གྱུར་ཏོ། །འཚོ་བྱེད་ཀྱི་ཀུན་ཏུ་སྤྱོད་པ་ནི་རྒྱལ་པོའམ། བློན་པོ་གང་སུའི་དཔྱད་བྱས་ཀྱང་རུང་སྟེ། དེས་
D1.003.0069b04.01དེ་ལ་གྲོང་ངམ། གྲོང་མཆོག་སྦྱིན་པར་བྱེད་པ་ཡིན་ནོ། །ཇི་ཙམ་དུས་གཞན་ཞིག་ན་འཚོ་བྱེད་ཀྱིས་ལུས་འཕགས་ཀྱི་རྒྱལ་པོ་ལ་དཔྱད་བྱས་པ་ལས་དེས་དེ་ལ་བརྒྱ་སྟོང་རི་བའི་གོས་བེའུ་རས་ཡུག་པོ་ཆེ་ཞིག་བྱིན་པ་དང་། དེས་དེ་བླངས་ནས་བཅོམ་ལྡན་འདས་གང་ན་དེར་སོང་སྟེ་ཕྱིན་
D1.003.0069b05.01པ་དང་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས་འཚོ་བྱེད་གཞོན་ནུས་བསྐྱེད་ཀྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བདག་གི་ཀུན་ཏུ་སྤྱོད་པ་ནི་རྒྱལ་པོའམ། བློན་པོ་གང་སུའི་
D1.003.0069b06.01དཔྱད་བགྱིས་ཀྱང་རུང་སྟེ། དེས་བདག་ལ་གྲོང་ངམ། གྲོང་མཆོག་སྩོལ་བ་ལགས་པས་བདག་གིས་ལུས་འཕགས་ཀྱི་རྒྱལ་པོ་ལ་དཔྱད་བགྱིས་པ་དང་དེས་བདག་ལ་བརྒྱ་སྟོང་རི་བའི་རས་ཞིག་སྩལ་བ་འདི་བཅོམ་ལྡན་འདས་ལ་བདག་འབུལ་ཞིང་མཆིས་ན། བཅོམ་ལྡན་འདས་ཀྱིས་
D1.003.0069b07.01