完整藏文原文 · 德格版页 当前仅加载第 3 函德格 62a 版页；藏文 NFD、目录标记与异常页序保留在来源切片中，重复版页行以稳定序号区分。
སུ་གླང་པོ་ཆེའི་རྗེས་ཤིག་མཐོང་བ་ན་འདིའི་མཆིད་ནས་འདི་ནི་བལ་གླང་མོའི་རྗེས་ཡིན་ཏེ། དེ་ཡང་མིག་གཡས་པ་ཞར་བ་སྦྲུམ་པ་དེ་རིང་ཁོ་ནར་གླང་པོ་ཆེ་ཕྲུག་གུ་འབྱུང་བར་འགྱུར་བ་ཞིག་ཡིན་ལ། དེ་ལ་ཞོན་པ་ནི་བུད་མེད་ཡིན་ལ་དེ་ཡང་མིག་གཡས་པ་ཞར་བ་སྦྲུམ་པ་དེ་རིང་ཉིད་
D1.003.0062a01.01དུ་བུ་ཕོ་བཙའ་བར་འགྱུར་རོ་ཞེས་མཆིའོ། །རྒྱུན་ཤེས་ཀྱི་བུས་དྲིས་པ། འཚོ་བྱེད་བདེན་ནམ། མཁན་པོ་མད་དོ། །དེ་གླང་པོ་ཆེའི་རྗེས་སམ། བལ་གླང་མོའི་རྗེས་ཡིན་པ་ཇི་ལྟར་ཤེས། དེས་སྨྲས་པ། མཁན་པོ་བདག་ནི་རྒྱལ་པོའི་རིགས་ལས་ཆེན་པོར་གྱུར་པ་ལགས་ན་ཅི་སྟེ་མ་འཚལ།
D1.003.0062a02.01གླང་པོ་ཆེའི་རྗེས་ནི་ཟླུམ་མོ། །བལ་གླང་མོའི་རྗེས་ནི་ཆུར་རིང་ངོ་། །མིག་གཡས་པ་ཞར་བར་ཇི་ལྟར་ཤེས། གཡོན་ཕྱོགས་སུ་རན་འཚལ་ཞིང་མཆིས་པ་ལས་སོ། །སྦྲུམ་པར་ཇི་ལྟར་ཤེས། རྐང་པ་གཉིས་གནོན་ཅིང་མཆི་བ་ལས་སོ། །དེང་ཁོ་ནར་འབྲང་བར་འགྱུར་བར་ཇི་ལྟར་ཤེས། གཅིན་
D1.003.0062a03.01བེའུ་སྣབས་དང་བཅས་པར་འབྱུང་བས་སོ། །གླང་པོ་ཆེའི་ཕྲུག་གུ་ཕོར་འབྲང་བར་འགྱུར་བར་ཇི་ལྟར་ཤེས། རྐང་པ་གཡས་པ་ལྷག་པར་གནོན་ཅིང་མཆི་བས་སོ། །དེ་ལ་བུད་མེད་ཞོན་པར་ཇི་ལྟར་ཤེས། བབས་ནས་རྐང་པའི་བར་དུ་གཅིས་པ་ལས་སོ། །དེ་ཡང་མིག་གཡས་པ་ཞར་བར་ཇི་
D1.003.0062a04.01ལྟར་ཤེས། གཡོན་ཕྱོགས་སུ་མེ་ཏོག་ཐུ་ཞིང་མཆི་བས་སོ། །དེ་ཡང་སྦྲུམ་པར་ཇི་ལྟར་ཤེས། དེའི་རྐང་པའི་རྟིང་པ་ཕལ་ཆེར་གནོན་ཅིང་མཆིས་པས་སོ། །དེང་ཁོ་ནར་བཙའ་བར་འགྱུར་བར་ཇི་ལྟར་ཤེས། གཅིན་ལྗན་ལྗིན་དང་བཅས་ཏེ་འབྱུང་བ་ལས་སོ། །དེ་ལྟ་ལགས་ཀྱིས་ཀྱང་
D1.003.0062a05.01གལ་ཏེ་མཁན་པོ་ཐུགས་མི་ཆེས་ན་འགྲོན་པ་གནས་པའི་ཕྱོགས་དེར་བྲམ་ཟེའི་ཁྱེའུ་འགའ་ཞིག་མངག་ཏུ་གསོལ། དེས་བྲམ་ཟེའི་ཁྱེའུ་ཞིག་བཏང་བ་དང་། འཚོ་བྱེད་ཀྱིས་ཇི་སྐད་སྨྲས་པ་དེ་ཐམས་ཅད་དེ་བཞིན་དུ་གྱུར་ཏོ། །རྒྱུན་ཤེས་ཀྱི་བུས་བྲམ་ཟེའི་ཁྱེའུ་རྣམས་ལ་སྨྲས་པ། བྲམ་ཟེའི་
D1.003.0062a06.01ཁྱེའུ་དག་ཁྱེད་ཀྱིས་ཐོས་སམ། འཚོ་བྱེད་ནི་དེ་འདྲ་བར་ཤེས་རབ་ཅན་ནོ། །འཚོ་བྱེད་ཀྱིས་ཀླད་པའི་ཐོད་པ་འབྱེད་པའི་དཔྱད་མ་གཏོགས་པ་ཐམས་ཅད་བསླབས་སོ། །ཇི་ཙམ་ན་མི་ཞིག་ཀླད་ནད་ཀྱིས་ཐེབས་ནས་རྒྱུན་ཤེས་ཀྱི་བུའི་དྲུང་དུ་སོང་སྟེ་སྨྲས་པ། རྒྱུན་ཤེས་ཀྱི་བུ་བདག་ལ་དཔྱད་
D1.003.0062a07.01