完整藏文原文 · 德格版页 当前仅加载第 3 函德格 245a 版页；藏文 NFD、目录标记与异常页序保留在来源切片中，重复版页行以稳定序号区分。
ཡིན་པ་སྨྲ་བར་འགྱུར་བར་མི་ཤེས་པས་ཚུལ་ཤིང་ལེན་པ་སྟེ། འདི་ནི་ཆོས་ཀྱི་ཚུལ་ཤིང་ལེན་པ་བཅུ་ཡིན་ནོ། །ངས་དགེ་སློང་ཚུལ་ཤིང་འབྲིམ་པའི་ཀུན་དུ་སྤྱོད་པའི་ཆོས་བཅའ་བར་བྱ་སྟེ། དགེ་སློང་ཚུལ་ཤིང་འབྲིམ་པས་ཚུལ་ཤིང་རྣམ་པ་གཉིས་བཤམ་པར་བྱ་སྟེ།
D1.003.0245a01.01ཆོས་ཀྱི་ཚུལ་ཤིང་དང་། ཆོས་མ་ཡིན་པའི་ཚུལ་ཤིང་ངོ་། །ཆོས་ཀྱི་ཚུལ་ཤིང་རྣམས་ནི་ཡ་ཡོ་མེད་པ། ཀྱག་ཀྱོག་མེད་པ། ཀྱར་ཀྱོར་མེད་པ། ཁ་དོག་བཟང་བ། རེག་ན་བདེ་བར་བྱའོ། །ཆོས་མ་ཡིན་པའི་ཚུལ་ཤིང་རྣམས་ནི་ཡ་ཡོ་དང་། ཀྱག་ཀྱོག་དང་། ཀྱར་ཀྱོར་དང་།
D1.003.0245a02.01ཁ་དོག་ངན་པ་དང་། རེག་ན་མི་བདེ་བར་བྱའོ། །དེ་ནས་དགེ་སློང་ཚུལ་ཤིང་འབྲིམ་པས་ལག་པ་གཡས་པས་ཆོས་ཀྱི་ཚུལ་ཤིང་རྣམས་བླངས་ལ་གཡོན་པས་ཆོས་མ་ཡིན་པའི་ཚུལ་ཤིང་རྣམས་བླངས་ནས་དགེ་འདུན་གྱིས་གནས་བརྟན་གྱི་མདུན་དུ་འདུག་སྟེ། ཆོས་ཀྱི་ཚུལ་ཤིང་རྣམས་
D1.003.0245a03.01ཀྱི་བསྔགས་པ་དང་། ཆོས་མ་ཡིན་པའི་ཚུལ་ཤིང་རྣམས་ཀྱི་བསྔགས་པ་མ་ཡིན་པ་བརྗོད་པར་བྱ་སྟེ། གནས་བརྟན་འདི་དག་ནི་ཆོས་ཀྱི་ཚུལ་ཤིང་ལགས་ཏེ། ཡ་ཡོ་མ་མཆིས་པ། ཀྱག་ཀྱོག་མ་མཆིས་པ། ཀྱར་ཀྱོར་མ་མཆིས་པ། ཁ་དོག་བཟང་བ། རེག་ན་བདེ་བ་ལགས་ཀྱིས་
D1.003.0245a04.01བཞེས་ཤིག །འདི་དག་ནི་ཆོས་མ་ཡིན་པའི་ཚུལ་ཤིང་ལགས་ཏེ། ཡ་ཡོ་དང་ཀྱག་ཀྱོག་དང་། ཀྱར་ཀྱོར་དང་། ཁ་དོག་ངན་ལ་རེག་ན་མི་བདེ་བ་ལགས་ན་བཞེས་ཤིག །གལ་ཏེ་ཆོས་མ་ཡིན་པའི་ཚུལ་ཤིང་གང་ན་བ་དེ་ལོགས་སུ་ལག་པ་ཟེད་ན་ཚིག་དང་པོ་ལ་ཡང་སྦྱིན་པར་མི་བྱ། གཉིས་
D1.003.0245a05.01པ་ལ་ཡང་སྦྱིན་པར་མི་བྱ། གསུམ་པ་ལ་སྦྱིན་པར་བྱ་སྟེ། དགེ་འདུན་གྱི་གནས་བརྟན་གྱིས་འདུལ་བ་དང་འགལ་བའི་ཉེས་བྱས་ཀྱི་ལྟུང་བ་བཤགས་པར་བྱའོ། །དེ་བཞིན་དུ་དགེ་འདུན་གསར་བུའི་བར་གྱི་མདུན་དུ་འདུག་ནས་ཆོས་ཀྱི་ཚུལ་ཤིང་རྣམས་ཀྱི་བསྔགས་པ་དང་། ཆོས་མ་ཡིན་
D1.003.0245a06.01པའི་ཚུལ་ཤིང་རྣམས་ཀྱི་བསྔགས་པ་མ་ཡིན་པ་བརྗོད་པར་བྱ་སྟེ། འདི་དག་ནི་ཆོས་ཀྱི་ཚུལ་ཤིང་ལགས་ཏེ། ཡ་ཡོ་མ་མཆིས་པ། ཀྱག་ཀྱོག་མ་མཆིས་པ། ཀྱར་ཀྱོར་མ་མཆིས་པ། ཁ་དོག་བཟང་བ། རེག་ན་བདེ་བ་ལགས་ཀྱིས་བཞེས་ཤིག །འདི་དག་ནི་ཆོས་མ་ཡིན་པའི་
D1.003.0245a07.01