完整藏文原文 · 德格版页 当前仅加载第 3 函德格 126b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། འགྱེད་པ་བྱུང་བས་གནས་པར་འགྱུར་གྱིས། མ་ལ་བདག་གིས་འདི་ལ་མི་འདོད་པ་གླེང་བར་མི་བྱ་དྲན་པར་མི་བྱའོ། །གནས་ནས་འབྱིན་པའི་དགེ་སློང་གིས་ཀུན་དུ་སྤྱོད་པའི་ཆོས་ཇི་ལྟར་བཅས་པ་བཞིན་ཡང་དག་པར་བླངས་ཏེ་འཇུག་པར་མི་བྱེད་ན་འགལ་ཚབས་ཅན་དུ་འགྱུར་རོ། །
D1.003.0126b01.01བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ན། འོན་ཀྱང་དགེ་སློང་དེ་རྣམས་འཐབ་ཀྲོལ་དང་། མཚང་འདྲུ་བ་དང་། རྩོད་པ་དང་། འགྱེད་པ་བྱུང་བས་གནས་ཤིང་། ད་དུང་གསོ་སྦྱོང་ལ་ཡང་གསོ་སྦྱོང་མ་ཡིན་པར་བྱེད་པའི་སྐབས་དེ། དགེ་སློང་རྣམས་ཀྱིས་
D1.003.0126b02.01བཅོམ་ལྡན་འདས་ལ་གསོལ་བ་དང་། དེ་ནས་བཅོམ་ལྡན་འདས་ཀྱིས་གནས་ནས་ཕྱུང་བའི་དགེ་སློང་དང་། གནས་ནས་ཕྱུང་བའི་རྗེས་སུ་ཕྱོགས་པའི་དགེ་སློང་རྣམས་དང་། གནས་ནས་ཕྱུང་བའི་རྗེས་སུ་ཕྱོགས་པའི་ཡང་རྗེས་སུ་ཕྱོགས་པ་རྣམས་ཕོ་ཉས་བཀུག་སྟེ་འདི་སྐད་ཅེས་
D1.003.0126b03.01བཀའ་སྩལ་ཏོ། །དགེ་སློང་དག་ཁྱེད་ལ་ངས་དེ་སྐད་ཅེས་བཀའ་སྩལ་ཀྱང་འཐབ་ཀྲོལ་དང་། མཚང་འདྲུ་བ་དང་། རྩོད་པ་དང་། འགྱེད་པ་བྱུང་བས་གནས་ཤིང་། ད་དུང་གསོ་སྦྱོང་ལ་ཡང་གསོ་སྦྱོང་མ་ཡིན་པར་བྱེད་པ་བདེན་ནམ། བཙུན་པ་མད་ལགས་སོ། །དགེ་སློང་
D1.003.0126b04.01དག་འཐབ་ཀྲོལ་མ་བྱེད་ཅིག །མཚང་མ་འདྲུ་ཞིག །མ་རྩོད་ཅིག །མ་འགྱེད་ཅིག །དགེ་སློང་དག་ཁྱེད་ཅག་འཐབ་ཀྲོལ་དང་། མཚང་འདྲུ་བ་དང་། རྩོད་པ་དང་། འགྱེད་པ་འབྱུང་ཞིང་གནས་ནས་ལས་སུ་བྱ་བ་གང་དག་ཡིན་པ་གསོ་སྦྱོང་དང་། དགག་དབྱེ་དང་།
D1.003.0126b05.01གསོལ་བ་དང་། གསོལ་བ་དང་གཉིས་དང་། གསོལ་བ་དང་བཞིའི་ལས་བྱས་པ་རྣམས་མ་བྱས་པ་དང་འཁྲུགས་པར་འགྱུར་ཞིང་། དགེ་སློང་དག་ཁྱེད་དང་དགེ་སློང་དེ་རྣམས་སུ་དེ་རྣམས་དང་ཁྱེད་དུ་ཐ་དད་དུ་གནས་པར་འགྱུར་རོ། །དེ་ཅིའི་ཕྱིར་ཞེ་ན། དགེ་སློང་དག་གཉིས་
D1.003.0126b06.01པོ་འདི་དག་ནི་ཐ་དད་པར་གནས་པ་ཡིན་ཏེ། གང་ཞིག་བདག་ཉིད་ཀྱིས་བདག་ཉིད་ཐ་དད་པའི་གནས་སུ་བཞག་པ་དང་། གང་ཞིག་དགེ་འདུན་གྱིས་ཆོས་ཀྱིས་བཞག་པའོ། །བདག་ཉིད་ཀྱིས་བདག་ཉིད་ཐ་དད་པའི་གནས་སུ་བཞག་པ་གང་ཞེ་ན། འདི་ལྟ་སྟེ་དགེ་སློང་དགེ་
D1.003.0126b07.01