完整藏文原文 · 德格版页 当前仅加载第 36 函德格 3a 版页；藏文 NFD、目录标记与异常页序保留在来源切片中，重复版页行以稳定序号区分。
བསྟན་པ་ལ་སྤྱོད་པའི་སེམས་ཅན་རྣམས་ལ་ཡོངས་སུ་བསྔོ་བ་དེ་བཞིན་དུ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དགེ་བའི་རྩ་བ་དེ་དག་སེམས་ཅན་ཐམས་ཅད་ལ་འང་ཡོངས་སུ་བསྔོ་སྟེ། འདི་ལྟར་སེམས་ཅན་དམྱལ་བའི་ལམ་རྣམ་པར་བཟློག་པའི་
D44.036.0003a01.01ཕྱིར་ཡོངས་སུ་བསྔོའོ། །བྱོལ་སོང་གི་སྐྱེ་གནས་རྒྱུན་གཅད་པའི་ཕྱིར་ཡོངས་སུ་བསྔོའོ། །གཤིན་རྗེའི་འཇིག་རྟེན་རྩ་བ་ནས་འཆད་པའི་ཕྱིར་ཡོངས་སུ་བསྔོའོ། །ངན་སོང་གི་རྒྱུད་ཐམས་ཅད་མ་ལུས་པར་རྒྱུན་གཅད་པའི་ཕྱིར་ཡོངས་སུ་བསྔོའོ། །སེམས་ཅན་དེ་དག་ཐམས་
D44.036.0003a02.01ཅད་ཀྱང་བླ་ན་{མྱེད་,མེད་}པའི་བྱང་ཆུབ་ཏུ་མོས་ཤིང་ཕྱིར་མི་ལྡོག་པའི་ཕྱིར་ཡོངས་སུ་བསྔོའོ། །ལྷག་པའི་བསམ་པས་ཐམས་ཅད་མཁྱེན་པ་ཉིད་དུ་སེམས་བསྐྱེད་པ་རབ་ཏུ་ཐོབ་པར་བྱ་བའི་ཕྱིར་ཡོངས་སུ་བསྔོའོ། །སངས་རྒྱས་ཀྱི་ཆོས་ཐམས་ཅད་མི་སྤང་བའི་ཕྱིར་ཡོངས་སུ་བསྔོའོ། །
D44.036.0003a03.01ཐམས་ཅད་མཁྱེན་པའི་ས་ཤིན་ཏུ་བདེ་བ་ཐོབ་པར་བྱ་བའི་ཕྱིར་ཡོངས་སུ་བསྔོའོ། །སེམས་ཅན་ཐམས་ཅད་ཤིན་ཏུ་རྣམ་པར་དག་པར་བྱ་བའི་ཕྱིར་ཡོངས་སུ་བསྔོའོ། །སེམས་ཅན་ཐམས་ཅད་ཡེ་ཤེས་མཐའ་ཡས་པ་ཁོང་དུ་ཆུད་པར་བྱ་བའི་ཕྱིར་ཡོངས་སུ་བསྔོའོ། །བྱང་ཆུབ་སེམས་
D44.036.0003a04.01དཔའ་ནི་དགེ་བའི་རྩ་བ་གང་ཡང་རུང་སྟེ། བྱང་ཆུབ་ཏུ་{དམྱིགས་,དམིགས་}པ་དང་མ་བྲལ་བའི་སེམས་དང་། ཐམས་ཅད་མཁྱེན་པར་{དམྱིགས་,དམིགས་}པ་ལ་བརྩོན་པའི་ཡིད་ལ་བྱེད་པ་དང་། བདག་གདུལ་བ་དང་ཕ་རོལ་གདུལ་བ་ལ་གཞོལ་བའི་ལྷག་པའི་བསམ་པ་དང་། བདག་དང་གཞན་ཡོངས་
D44.036.0003a05.01སུ་སྨྱིན་པར་སྦྱོར་བའི་ཐབས་མཁས་པ་དང་། བྱང་ཆུབ་སེམས་དཔའི་ཚུལ་དང་ཡེ་ཤེས་ཀྱི་རྗེས་སུ་འབྲང་བས་ཡོངས་སུ་སྨིན་པར་བྱེད་པའི་རྣམ་པར་ཐར་བ་དང་། སེམས་བསྐྱེད་པ་གནས་པ་མེད་པ་དང་། འགྲོགས་པའི་མཉམ་པར་གཞག་པ་དང་། སྔོན་སྙིང་རྗེ་ཆེན་པོ་བསྐྱེད་པས་ཁྱིམ་
D44.036.0003a06.01ན་གནས་པ་དང་། བྱམས་པའི་སེམས་དང་ལྡན་པས་རང་གི་ཆུང་མའི་རྗེས་སུ་འབྲང་བ་དང་། སྦྱོར་བ་ཉམས་པ་{མྱེད་,མེད་}པ་དང་། བྱང་ཆུབ་སེམས་དཔའི་ལམ་ཤིན་ཏུ་རྣམ་པར་དག་པས་བརྩོན་པ་དང་། ཡང་དག་པར་བརྩོན་པ་དང་། སྒྲུབ་པ་དང་། ཡང་དག་པར་སྒྲུབ་པ་དང་།
D44.036.0003a07.01