完整藏文原文 · 德格版页 当前仅加载第 36 函德格 355b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་དཔའི་མངོན་པར་བསྒྲུབ་པའི་ཁྱུ་མཆོག་གི་མཐུ་མཐའ་དང་དབུས་མེད་པ་སྣ་ཚོགས་དང་། བྱང་ཆུབ་སེམས་དཔའི་རྣམ་པར་ཐར་པ་ལ་རྣམ་པར་རྩེ་བ་སྣ་ཚོགས་དང་། བྱང་ཆུབ་སེམས་དཔའི་ཆོས་སྣང་བ་རྣམ་པར་དག་པའི་ཚུལ་
D44.036.0355b01.01སྣ་ཚོགས་ཀྱི་བྱང་ཆུབ་སེམས་དཔའི་སྤྱོད་པ་དང་། སྨོན་ལམ་གྱིས་ཐམས་ཅད་དུ་སྤྱོད་པར་སྣང་ངོ་། །བྱང་ཆུབ་སེམས་དཔའ་ཀུན་ཏུ་བཟང་པོའི་རྫུ་འཕྲུལ་དང་། ཁྱུ་མཆོག་གི་མཐུ་ཕྱུང་བའི་ཚུལ་གྱིས་སྔོན་གྱི་མཐའ་ཡང་འཇིག་པར་མི་བྱེད་དེ། །
D44.036.0355b02.01འཁོར་བའི་འཁོར་ལོ་རྒྱུན་གཅད་པ་དང་། འཇིག་རྟེན་གྱི་ཁམས་ཀྱི་རྒྱུད་འབྱམ་ཀླས་པ་རྣམ་པར་དག་པར་བྱ་བ་དང་དེ་བཞིན་གཤེགས་པའི་རྒྱུད་དང་། སངས་རྒྱས་ཐམས་ཅད་མཐོང་བར་བྱ་བ་དང་། སངས་རྒྱས་ཀྱི་ཆོས་ཐམས་ཅད་ལ་
D44.036.0355b03.01འཇུག་ཅིང་ཁོང་དུ་ཆུད་པར་བྱ་བ་དང་། དུས་གསུམ་གྱི་རྒྱུད་ཀྱི་སངས་རྒྱས་ཀྱི་ཚུལ་རྗེས་སུ་དྲན་པར་བྱ་བ་དང་། ཐམས་ཅད་མཁྱེན་པའི་ཡེ་ཤེས་ཀྱི་རྒྱུད་རྣམ་པ་ཐ་དད་པའི་སྒྲ་དང་། ཆོས་ཐམས་ཅད་ཀྱི་རྒྱུ་ཕྱོགས་ཀྱི་རྒྱུད་དང་ཆོས་ཀྱི་ལུས་ཐམས་ཅད་ཀྱི་རྗེས་སུ་
D44.036.0355b04.01འགྲང་བར་བྱ་བ་དང་། བྱང་ཆུབ་སེམས་དཔའི་སྤྱོད་པ་ཐམས་ཅད་ཡང་དག་པར་གཟུང་བའི་རྒྱུད་ཁོང་དུ་ཆུད་ཅིང་ཡོངས་སུ་རྫོགས་པར་བྱ་བ་དང་། ཀུན་ཏུ་བཟང་པོའི་རྒྱུད་ཀྱིས་ཐམས་ཅད་མཁྱེན་པའི་ཡེ་ཤེས་དང་ཁྱུ་མཆོག་གི་མཐུ་མངོན་པར་འཚང་
D44.036.0355b05.01རྒྱ་བར་བྱ་བའི་ཕྱིར། སེམས་ཅན་བརྗོད་དུ་མེད་པའི་ཡང་བརྗོད་དུ་མེད་པ་རྣམ་པར་དག་པར་བྱེད་དོ། །ཀྱེ་རྒྱལ་བའི་སྲས་དག་ལྟོས་དང་དེ་ལྟར་ཀུན་ཏུ་བཟང་པོའི་སྤྱོད་པ་རྒྱུན་མི་འཆད་པ་དང་། བྱང་ཆུབ་སེམས་དཔའི་སྤྱོད་པ་ཡོངས་སུ་འཆད་པ་མེད་པ་
D44.036.0355b06.01དང་། ཐམས་ཅད་མཁྱེན་པ་ཉིད་ཀྱི་སྣང་བ་ཉམས་པ་མེད་པ་དང་། སངས་རྒྱས་ཐམས་ཅད་ཡོངས་སུ་བལྟ་བའི་ཕྱིར་ཀུན་ཏུ་བཟང་པོའི་སྤྱོད་པ་རྒྱ་ཆེན་པོ་འབྱུང་ཞིང་ཐམས་ཅད་མཁྱེན་པའི་ཁྱུ་མཆོག་གི་མཐུ་ཕྱུང་བ་མྱོང་བར་བྱེད་པ་ངོ་མཚར་མི་ཆེ་
D44.036.0355b07.01