完整藏文原文 · 德格版页 当前仅加载第 36 函德格 108a 版页；藏文 NFD、目录标记与异常页序保留在来源切片中，重复版页行以稳定序号区分。
འགྲོ་བ་རྣམས་ཀྱི་ལས་ཀྱང་ཆུད་མི་ཟ། །ཆོས་རྣམས་ཞི་ཞིང་འཇིག་རྟེན་མ་ཞི་བར། །རྟོག་མེད་སེམས་ཀྱིས་དེ་ལྟར་འཇལ་བྱེད་ཅིང་། །འཇིག་རྟེན་དེ་དག་རྣམ་པར་རྟོག་ཤེས་ཀྱང་། །རྣམ་པར་རྟོག་ཅིང་ཡོངས་སུ་བསྔོ་
D44.036.0108a01.01མི་བྱེད། །བདེ་གཤེགས་སྐུར་བགྲང་ལུས་དང་ལྡན་པ་རྣམས། །རྒྱལ་བ་རྣམས་ཀྱི་ཆོས་ལས་སྐྱེས་པའི་སྲས། །དེ་དག་འཇིག་རྟེན་འདི་ལ་ཐེ་ཙོམ་མེད། །རྒྱལ་སྲས་དེ་དག་དེ་ལྟར་ཡོངས་སུ་བསྔོ། །འགྲོ་བ་ཐམས་ཅད་མཉམ་པ་ཉིད་དུ་རྗེས་སུ་སོང་
D44.036.0108a02.01བ་ཞེས་བྱ་སྟེ། ཡོངས་སུ་བསྔོ་བ་བདུན་པའོ། །ཀྱེ་རྒྱལ་བའི་སྲས་དག །བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཡོངས་སུ་བསྔོ་བ་དེ་བཞིན་ཉིད་ཀྱི་མཚན་ཉིད་ཀྱི་རང་བཞིན་ཞེས་བྱ་བ་བརྒྱད་པ་གང་ཞེ་ན། ཀྱེ་རྒྱལ་བའི་སྲས་དག །དེ་
D44.036.0108a03.01ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་དཀར་པོ་སྤྱོད་པ་ལ་རབ་ཏུ་བརྩོན་པའི་སེམས་དང་ལྡན་པ་སྙིང་རྗེ་ཆེན་པོ་ཤིན་ཏུ་གསལ་བར་བྱ་བ་ལ་རབ་ཏུ་ཞུགས་པ། ལྷག་པའི་བསམ་པ་ཆེན་པོ་རིན་པོ་ཆེ་རབ་ཏུ་ཐོབ་པ། སངས་རྒྱས་ཐམས་ཅད་ཡིད་ལ་བྱ་བ་
D44.036.0108a04.01ལ་བརྩོན་པ། ཆོས་དཀར་པོ་ཐམས་ཅད་ཡོངས་སུ་བསྔོ་བ་རྒྱུན་མི་འཆད་པའི་སེམས་དང་ལྡན་པ། བྱང་ཆུབ་སེམས་དཔའི་ལམ་གྱི་བསམ་པས་དགེ་བའི་རྩ་བ་དམ་པ་བཟང་པོ་མངོན་པར་སྒྲུབ་པ་ལ་མཁས་པ། །ཡོན་ཏན་དང་ཡེ་ཤེས་ལ་རབ་ཏུ་
D44.036.0108a05.01བརྩོན་པའི་ཡིད་ལ་བྱེད་པ་ཅན། ཁ་ལོ་སྒྱུར་བ་དགེ་བའི་རྩ་བ་ཐམས་ཅད་ཡེ་ཤེས་ཀྱིས་ཡོངས་སུ་བསྔོ་བའི་ཚུལ་ལ་མཁས་པ། དགེ་བའི་རྩ་བ་ཐམས་ཅད་ལ་ཡང་དག་པར་སེམས་པའི་མིག་དང་ལྡན་པ། ཡེ་ཤེས་དང་མངོན་པར་ཤེས་པ་ཤིན་ཏུ་རྒྱ་ཆེ་བ་
D44.036.0108a06.01དང་ལྡན་པ། དྲན་པ་ཤེས་བཞིན་ཅན་བརྟན་ཞིང་མི་གཡོ་བའི་སེམས་དང་ལྡན་པ། རྨོངས་པ་མེད་པ་དྲན་པ་ཉེ་བར་གཞག་པ་ཁོང་ནས་སྙིང་བརྩེ་བ་དང་ལྡན་པ། ལས་ལ་ཐུབ་པ་མེད་པ་ཡེ་ཤེས་ལ་དམིགས་པ་ཐམས་ཅད་ལས་ཕྱིར་མི་ལྡོག་པ།
D44.036.0108a07.01