完整藏文原文 · 德格版页 当前仅加载第 36 函德格 340b 版页；藏文 NFD、目录标记与异常页序保留在来源切片中，重复版页行以稳定序号区分。
བྱེད་ཀྱང་། བྱང་ཆུབ་སེམས་དཔའ་དེ་ནི། འདི་སྙམ་དུ་མི་སེམས་ཏེ་བྱང་ཆུབ་སེམས་དཔའ་ནི་འདི་སྙེད་ཅིག་གོ །བྱང་ཆུབ་སེམས་དཔའི་ཆོས་ནི་འདི་སྙེད་ཅིག་གོ། །བྱང་ཆུབ་སེམས་དཔའི་མཐར་ཐུག་པ་ནི་འདི་ཙམ་ཞིག་གོ །སྤྲུལ་པའི་
D44.036.0340b01.01བྱིན་གྱི་རླབས་ནི་འདི་ཙམ་ཞིག་གོ །མངོན་པར་ཤེས་པ་བསྒྲུབ་པ་ནི་འདི་སྙེད་ཅིག་གོ །ཡེ་ཤེས་ནི་འདི་ཙམ་ཞིག་གོ །ངེས་པར་རྟོགས་པར་བྱ་བ་ནི་འདི་ཙམ་ཞིག་གོ །རྗེས་སུ་སྙེགས་པ་ནི་འདི་ཙམ་ཞིག་གོ །འཇུག་པར་བྱ་
D44.036.0340b02.01བ་ནི་འདི་ཙམ་ཞིག་གོ །བྱང་ཆུབ་སེམས་དཔའི་ཡུལ་ནི་འདི་ཙམ་ཞིག་གོ་སྙམ་དུ་སེམས་པ་མེད་དོ།། །།སངས་རྒྱས་རྨད་ག་ཅད་ཅེས་བྱ་བ་ཤིན་ཏུ་རྒྱས་པ་ཆེན་པོའི་མདོ། །བམ་པོ་ཉི་ཤུ་
D44.036.0340b03.01དྲུག་པ། དེ་ཅིའི་ཕྱིར་ཞེ་ན། དེ་ནི་འདི་ལྟར་བྱང་ཆུབ་སེམས་དཔའི་ཏིང་ངེ་འཛིན་རྣམས་ནི་རྣམ་པ་དེ་ལྟ་བུ་སྟེ། དེ་ལྟར་ཚད་མེད་པའི་ཕྱིར་རོ། བྱང་ཆུབ་སེམས་དཔའི་ཏིང་ངེ་འཛིན་རྣམས་ནི་དེ་ལྟ་བུའི་ཁྱད་པར་དང་ལྡན་པའི་ཕྱིར་རོ། །དེ་
D44.036.0340b04.01དག་ནི་གཞན་དང་གཞན་གྱིས་བསྐྱེད་པ། གཞན་དང་གཞན་དུ་བྱིན་གྱིས་བརླབས་པ། གཞན་དང་གཞན་དུ་རྒྱུ་བ། ཆོས་རྣམ་པ་སྣ་ཚོགས་ཀྱི་སྒོ་ཅན་ཡེ་ཤེས་ཀྱི་སྒོ་བརྗོད་དུ་མེད་པ། བློས་རྣམ་པར་བརྟག་ཅིང་རྣམ་པར་དབྱེ་བས་ཁྱད་པར་གྱི་
D44.036.0340b05.01མཐའ་མེད་པ་ངེས་པར་རྟོགས་པ་གྲངས་མེད་པས་ཁོང་དུ་ཆུད་པ། ཡེ་ཤེས་བྱེ་བ་ཁྲག་ཁྲིག་བརྒྱ་སྟོང་བརྗོད་དུ་མེད་པས་རྒྱ་ཆེ་བ། སངས་རྒྱས་མཐོང་བ་སྣ་ཚོགས་ཀྱི་མཛོད་དུ་གྱུར་པས་མཐའ་དང་དབུས་མེད་པ་མོས་པས་རྣམ་པར་
D44.036.0340b06.01དག་པ། དབང་པོ་ཤིན་ཏུ་ཡངས་པ། མངོན་པར་ཤེས་པ་རབ་ཏུ་རྣོ་བ། བསྩགས་པ་མེད་པའི་སྤྱོད་ཡུལ་ཅན། ཀུན་ཏུ་ལྟ་བས་རབ་ཏུ་ཐོབ་པ། སངས་རྒྱས་ཐམས་ཅད་བལྟ་བས་གྲུབ་པ། ཀུན་ཏུ་བཟང་པོའི་ལྷག་པའི་བསམ་
D44.036.0340b07.01