完整藏文原文 · 德格版页 当前仅加载第 36 函德格 340a 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་སྟོན་ལ་གནས་ཤིན་ཏུ་གཞོམ་པ་ལ་རབ་ཏུ་མཁས་པའོ། །ཆོས་ཐམས་ཅད་ལུས་མེད་ཀྱང་། འདས་པ་དང་མ་བྱོན་པ་དང་ད་ལྟར་བྱུང་བའི་སངས་རྒྱས་ཐམས་ཅད་ཀྱི་སྐུ་ཡང་རབ་ཏུ་ཐོབ་པར་བྱེད་པའོ། །འདས་
D44.036.0340a01.01པ་དང་མ་བྱོན་པ་དང་། ད་ལྟར་བྱུང་བའི་སངས་རྒྱས་ཐམས་ཅད་ཀྱང་ཤིན་ཏུ་སྟོན་ལ་སངས་རྒྱས་གཅིག་པར་བསྟན་པ་ཡང་རབ་ཏུ་སྟོན་ཏོ། །ཆོས་ཐམས་ཅད་ལ་བརྗོད་པ་མེད་པར་ཡང་ཁོང་དུ་ཆུད་ལ་ཆོས་ཐམས་ཅད་ཡོངས་སུ་
D44.036.0340a02.01བརྗོད་པ་འང་རབ་ཏུ་སྟོན་ཏོ། །ཆོས་ཐམས་ཅད་བལྟར་མེད་པར་ཡང་སྟོན་ལ་ལྟ་བ་འང་རབ་ཏུ་བརྗོད་པའོ། །ཆོས་ཐམས་ཅད་ལ་མཐའ་མེད་པར་ཡང་སྟོན་ལ་ཆོས་བསྟན་པའི་རྣམ་པས་ཀྱང་རབ་ཏུ་བརྗོད་པའོ། །ཆོས་ཐམས་
D44.036.0340a03.01ཅད་ལ་ཡུལ་མེད་ཀྱང་ཡེ་ཤེས་ཀྱི་ཡུལ་དུ་རབ་ཏུ་བརྗོད་པའོ། །ཆོས་ཀྱི་རྣམ་གྲངས་ཐམས་ཅད་ཁྱད་པར་མེད་ཀྱང་འབྲས་བུའི་ཁྱད་པར་རྣམ་པར་སྦྱང་བ་རབ་ཏུ་སྟོན་པའོ། །ཆོས་ཐམས་ཅད་ལ་འབྱུང་བ་མེད་ཀྱང་སྤྱོད་པས་འབྱུང་བའི་
D44.036.0340a04.01ཁྱད་པར་རབ་ཏུ་སྟོན་པའོ། །ཆོས་ཐམས་ཅད་ཀུན་ཏུ་ཁྱབ་པ་ཡིན་ཡང་མདོས་ཡོངས་སུ་བརྗོད་པ་ཤིན་ཏུ་སྟོན་པའོ། །ཆོས་ཐམས་ཅད་ལ་སྣང་བ་མེད་ཀྱང་སྣང་བ་ཡོངས་སུ་བརྗོད་པའི་ཕྱིར་རྣམ་པར་སྣང་བར་བྱེད་པ་སྟེ། དེ་ལྟར་རྒྱ་ཆེ་
D44.036.0340a05.01བའི་ཏིང་ངེ་འཛིན་གྱི་ཡེ་ཤེས་ཀྱི་དཀྱིལ་འཁོར་ཆེན་པོ་ལ། བྱང་ཆུབ་སེམས་དཔའ་རྣམས་འཇུག་གོ །ཁོང་དུ་ཆུད་པར་བྱེད་དོ། །ཐོབ་པར་བྱེད་དོ། །རྗེས་སུ་སྙེགས་པར་བྱེད་དོ། །ཤིན་ཏུ་སྒྲུབ་པར་བྱེད་དོ། །ཡོངས་སུ་
D44.036.0340a06.01རྫོགས་པར་བྱེད་དོ། །ཤིན་ཏུ་{སྩོགས་,སོགས་}སོ། །ཡོངས་སུ་སྦྱོང་ངོ་། །སྙོམས་པར་འཇུག་གོ །ཆོས་ཐམས་ཅད་དེའི་ཆོས་ཉིད་དང་རང་བཞིན་དང་ཡེ་ཤེས་ཀྱི་སྙིང་པོའི་ཚུལ་གྱིས་སངས་རྒྱས་ཐམས་ཅད་ཀྱི་ཆོས་སུ་ཁོང་དུ་ཆུད་པར་
D44.036.0340a07.01