完整藏文原文 · 德格版页 当前仅加载第 36 函德格 107b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་བས་དེ་དག་ཡིད་ལ་ཆགས་པ་མེད། །ཆོས་ལ་གཉིས་སུ་བྱེད་པ་མེད་པ་སྟེ། །གཉིས་སུ་མེད་པར་ཆོས་ལ་མི་བྱེད་དོ། །གཉིས་མེད་གཉིས་ལས་ཡོངས་སུ་གྲོལ་བས་ན། །འགྲོ་བ་ཀུན་གྱི་ཚིག་ལམ་ཐམས་ཅད་ཤེས། །དེ་དག་འཇིག་རྟེན་
D44.036.0107b01.01མཉམ་ཉིད་ཁོང་དུ་ཆུད། །སེམས་དང་སྒྲ་དང་ལས་རྣམས་ཐམས་ཅད་ཀྱང་། །སྤྲུལ་པ་ལྟ་བུར་འགྲོ་བ་ཀུན་ཤེས་ཏེ། །ཀུན་ཀྱང་ལས་ཀྱི་རྣམ་སྨིན་ཚུལ་དུ་འཇུག །འཇིག་རྟེན་ཇི་སྙེད་ཡོད་པ་ལས་རྣམས་ཀྱི། །བྱིན་གྱིས་བརླབས་ཡིན་ཕྱོགས་
D44.036.0107b02.01རྣམས་སྒྲ་ཀུན་ཀྱང་། །ལས་ཀྱི་རྣམ་པར་སྨིན་པ་འཇིག་རྟེན་འདི་ཤེས་ན། །ལས་རྣམས་ཐམས་ཅད་མ་ལུས་འགག་པར་འགྱུར། །དེ་དག་འགྲོ་བ་ཀུན་དང་མཉམ་ཉིད་དུ། །ལུས་དང་ངག་དང་སེམས་རྣམས་མཉམ་ཉིད་ཀྱིས། །འགྲོ་བ་ཀུན་དང་མཉམ་པ་
D44.036.0107b03.01ཉིད་ཕྱིར་བསྔོ། །མཉམ་པ་ཉིད་ཀྱི་གཞུང་ཚུལ་འདི་འདྲའོ། །ཡོངས་སུ་སྤྱོད་པས་འགྲོ་བ་ཐམས་ཅད་ཀྱི། །གཟུགས་རྣམས་སྦྱངས་ཤིང་དེ་ཡི་ལས་བསྔོ་བ། །སྐྱེས་བུ་འདུལ་བའི་བསོད་ནམས་ཅི་འདྲ་བ། །དེ་འདྲར་འགྲོ་ཀུན་བསོད་
D44.036.0107b04.01ནམས་གཏེར་དུ་བསྔོ། །དེ་དག་འགྲོ་བ་ཐམས་ཅད་ཟིལ་གནོན་ཅིང་། །བརྩོན་འགྲུས་ལུས་དང་ལྡན་པར་གྱུར་པའི་རྣམས། །སྐྱེ་དགུ་ཀུན་ལ་ཕན་པར་བྱ་སེམས་ཀྱིས། །བསོད་ནམས་རྒྱ་མཚོ་ཡོངས་སུ་བསྔོ་བར་བྱེད། །བདག་གིས་བསོད་
D44.036.0107b05.01ནམས་བསྒྲུབས་པ་གང་ཡོད་པ། །དེ་ཡིས་འགྲོ་ཀུན་རྟག་ཏུ་རྣམ་དག་གྱུར། །རྒྱལ་བ་དེ་དག་ཇི་ལྟར་རྣམ་དག་པ། །དེ་ལྟར་འཇིག་རྟེན་རྣམ་དག་ལྡན་གྱུར་ཅིག །མཁས་ཤིང་དོན་གྱི་ཚུལ་ལ་ཤེས་གྱུར་ནས། །ཡེ་ཤེས་མཁྱེན་ལྡན་ཆོས་རབ་
D44.036.0107b06.01བསྔགས་གྱུར་ཅིག །འགྲོ་ཀུན་སངས་རྒྱས་ཇི་བཞིན་གྱུར་ཅིག་ཅེས། །དགེ་བ་དེ་དག་མཉམ་པ་ཉིད་དུ་བསྔོ། །དེ་དག་ཆོས་རྣམས་གསོག་ཏུ་འཇལ་བྱེད་དེ། །འགྲོ་བ་ཐམས་ཅད་སྟོང་པར་རྣམ་རིག་ནས། །བྱེད་པ་མེད་ཅིང་བྱེད་པོ་གང་ཡང་མེད། །
D44.036.0107b07.01