完整藏文原文 · 德格版页 当前仅加载第 36 函德格 159a 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་ཉིད་ཀྱི་སྟོབས་མཉམ་པ་ཉིད་ཡོངས་སུ་རྫོགས་པར་བྱ་བའི་ཕྱིར་ཡོངས་སུ་བསྔོ་སྟེ། དགེ་བའི་རྩ་བ་འདིས་ཆོས་རྒྱ་མཚོ་བརྗོད་དུ་མེད་པའི་ཡང་བརྗོད་དུ་མེད་པ་ཐོབ་པ་རྣམ་པར་དག་པའི་སྤྱོད་པའི་བྱིན་གྱི་
D44.036.0159a01.01རླབས་དང་ལྡན་པར་གྱུར་ཅིག །ཅེས་ཡོངས་སུ་བསྔོའོ། །ཆོས་རྒྱ་མཚོ་དེ་དག་ལས་ཆོས་རྒྱ་མཚོ་རེ་རེ་ཞིང་ཡང་ཆོས་ཀྱི་དབྱིངས་ཚད་མེད་པའི་ཡེ་ཤེས་ཀྱི་སྣང་བ་རྣམ་པར་དག་པར་བྱ་བའི་ཕྱིར་ཡོངས་སུ་བསྔོའོ། །ཚིག་ཐམས་ཅད་
D44.036.0159a02.01རབ་ཏུ་དབྱེ་བས་ཤིན་ཏུ་བསྟན་པ་མངོན་པར་བསྒྲུབ་པ་ཡང་དག་པར་བསྟན་པའི་ཕྱིར་ཡོངས་སུ་བསྔོའོ། །ཆོས་འབྱམ་ཀླས་པ་མཐའ་དང་དབུས་མེད་པ་ཐམས་ཅད་དང་། ཆོས་ཀྱི་སྣང་བ་ཐམས་ཅད་ཀྱི་ཏིང་ངེ་འཛིན་རབ་ཏུ་ཐོབ་པར་བྱ་བའི་ཕྱིར་
D44.036.0159a03.01ཡོངས་སུ་བསྔོའོ། །དུས་གསུམ་དང་མི་འགལ་བའི་སངས་རྒྱས་ཐམས་ཅད་ཀྱི་སྤོབས་པ་ཐོབ་པར་བྱ་བའི་ཕྱིར་ཡོངས་སུ་བསྔོའོ། །དགེ་བའི་རྩ་བ་དེ་འདས་པ་དང་། མ་བྱོན་པ་དང་། ད་ལྟར་བྱུང་བའི་སངས་རྒྱས་ཐམས་ཅད་ཀྱི་བྱིན་གྱིས་
D44.036.0159a04.01བརླབས་པའི་ལུས་ཐོབ་པར་བྱ་བའི་ཕྱིར་ཡོངས་སུ་བསྔོའོ། །དགེ་བའི་རྩ་བ་དེ་སངས་རྒྱས་ལ་དགའ་བ་དང་ཆོས་ལ་དགའ་བ་དང་། སེམས་ཅན་ཐམས་ཅད་ཡོངས་སུ་བསྐྱབ་པའི་ཕྱིར་སྙིང་རྗེ་ཆེན་པོ་ལ་དགའ་བ་ལས་ཕྱིར་མི་ལྡོག་པ་ཡོངས་སུ་རྫོགས་
D44.036.0159a05.01པར་བྱ་བའི་ཕྱིར་ཡོངས་སུ་བསྔོའོ། །དགེ་བའི་རྩ་བ་དེ་ལས་ཀྱི་རྣམ་པ་བསམ་གྱིས་མི་ཁྱབ་པ་ལས་བསྒྲིབས་པ་མེད་པའི་ཡེ་ཤེས་ཀྱིས་ཡང་དག་པར་གཞོལ་བར་བྱ་བ་དང་། འཁོར་གྱི་དཀྱིལ་འཁོར་རྣམ་པར་དག་པ་ཐམས་ཅད་ཀྱི་སེམས་དང་
D44.036.0159a06.01དབང་པོ་དང་བར་བྱ་བ་དང་། དགའ་བར་བྱ་བའི་ཕྱིར་ཡོངས་སུ་བསྔོའོ། །དགེ་བའི་རྩ་བ་དེ་ཞིང་གི་རྒྱུད་སྣྲེལ་ཞི་དང་སྤྱིའུ་ཚུགས་སུ་རྒྱུ་བ་ཐམས་ཅད་ཤིན་ཏུ་བསྟན་པ་དང་། ཕྲ་བ་དང་རྒྱ་ཆེ་བ་དང་ཡངས་པ་དང་། དོག་པ་དང་ཐ་གྲུ་ཆེ་བ་སྣ་ཚོགས་
D44.036.0159a07.01