完整藏文原文 · 德格版页 当前仅加载第 36 函德格 159b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། རྣམ་པར་དག་པ་དང་། ཀུན་ནས་ཉོན་མོངས་པ་ཐམས་ཅད་དུ་ཆོས་ཀྱི་འཁོར་ལོ་རྒྱུན་མི་འཆད་པར་མཉམ་པ་ཉིད་དུ་ཡང་དག་པར་བསྐོར་བའི་ཕྱིར་ཡོངས་སུ་བསྔོའོ། །དགེ་བའི་རྩ་བ་དེ་སེམས་བསྐྱེད་པར་སྐད་ཅིག་རེ་རེ་དང་མི་འཇིགས་པ་གཞན་དང་གཞན་
D44.036.0159b01.01ཐ་དད་པ་ཡང་དག་པར་ཤེས་པ་མི་ཟད་པས་ཆོས་སྣང་བ་སར་པ་གསར་པ་རབ་ཏུ་ཐོབ་ཅིང་བསྟན་པ་དང་། བཤད་པའི་ཕྱིར་ཡོངས་སུ་བསྔོའོ། །དགེ་བའི་རྩ་བ་དེ་དགེ་བའི་རྩ་བ་ཐམས་ཅད་ཚོལ་བ་ལ་ལྷག་པའི་བསམ་པ་དང་དབང་པོ་མ་འཁྲུགས་ཤིང་མི་
D44.036.0159b02.01དམའ་བས་ཆོས་འབྱམ་ཀླས་པ་ཐམས་ཅད་མ་ལུས་པར་མངོན་པར་ཤེས་པའི་ཡེ་ཤེས་དང་ཆོས་ཀྱི་རྫུ་འཕྲུལ་ཐོབ་པས་སེམས་ཅན་གྱི་འཁོར་གྱི་དཀྱིལ་འཁོར་འབྱམ་ཀླས་པ་ཐམས་ཅད་མངོན་པར་དགའ་བ་དང་། ཚིམ་པར་ཆོས་ཐམས་ཅད་རབ་ཏུ་
D44.036.0159b03.01བསྟན་པའི་ཕྱིར་ཡོངས་སུ་བསྔོའོ། །དགེ་བའི་རྩ་བ་དེ་ཆོས་ཀྱི་དབྱིངས་ཚད་མེད་པ་ཐམས་ཅད་དུ་སོང་བའི་ཡོངས་སུ་བསྔོ་བ་ལ་གནས་ཤིང་འདི་ལྟར་ཡོངས་སུ་བསྔོ་སྟེ། ཆོས་ཀྱི་དབྱིངས་ཚད་མེད་པར་སོང་བའི་ལུས་ཀྱི་ལས་ཀྱིས་ཡོངས་སུ་བསྔོའོ། །ཆོས་
D44.036.0159b04.01ཀྱི་དབྱིངས་ཚད་མེད་པར་སོང་བའི་ངག་གི་ལས་ཀྱིས་ཡོངས་སུ་བསྔོའོ། །ཆོས་ཀྱི་དབྱིངས་ཚད་མེད་པར་སོང་བའི་ཡིད་ཀྱི་ལས་ཀྱིས་ཡོངས་སུ་བསྔོའོ། །ཆོས་ཀྱི་དབྱིངས་ཚད་མེད་པར་སོང་བའི་གཟུགས་མཉམ་པ་ཉིད་ལ་གནས་ཤིང་ཡོངས་སུ་བསྔོའོ། །
D44.036.0159b05.01ཆོས་ཀྱི་དབྱིངས་ཚད་མེད་པར་སོང་བའི་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་མཉམ་པ་ཉིད་ལ་གནས་ཤིང་ཡོངས་སུ་བསྔོའོ། །ཆོས་ཀྱི་དབྱིངས་ཚད་མེད་པར་སོང་བའི་ཕུང་པོ་མཉམ་པ་ཉིད་ལ་གནས་ཤིང་ཡོངས་སུ་བསྔོའོ། །
D44.036.0159b06.01ཆོས་ཀྱི་དབྱིངས་ཚད་མེད་པར་སོང་བའི་ཁམས་མཉམ་པ་ཉིད་ལ་གནས་ཤིང་ཡོངས་སུ་བསྔོའོ། །ཆོས་ཀྱི་དབྱིངས་ཚད་མེད་པར་སོང་བའི་སྐྱེ་མཆེད་མཉམ་པ་ཉིད་ལ་གནས་ཤིང་ཡོངས་སུ་བསྔོའོ། །ཆོས་ཀྱི་དབྱིངས་ཚད་མེད་པར་སོང་བའི་ནང་མཉམ་པ་
D44.036.0159b07.01