完整藏文原文 · 德格版页 当前仅加载第 36 函德格 128a 版页；藏文 NFD、目录标记与异常页序保留在来源切片中，重复版页行以稳定序号区分。
ཞིང་འདུ་ཤེས་ཐམས་ཅད་རྣམ་པར་སྤངས་པའི་ཡིད་དང་། ཆགས་པ་ཐམས་ཅད་རྣམ་པར་ཟློག་པའི་སེམས་དང་། བསྒྲིབས་པ་ཐམས་ཅད་རབ་ཏུ་སྤངས་པའི་ཡིད་ཀྱིས་ཡང་དག་པར་རྟོགས་པ་དང་ལྡན་ཞིང་། དེ་བཞིན་གཤེགས་པ་ཐམས་ཅད་
D44.036.0128a01.01ཀྱིས་ཡོངས་སུ་གསལ་བར་བྱས་པའི་ཡེ་ཤེས་དང་། སངས་རྒྱས་ཀྱི་ཆོས་ཐམས་ཅད་ཀྱིས་མངོན་པར་བརླན་པའི་དགེ་བའི་རྩ་བ་དང་། དེ་བཞིན་གཤེགས་པ་ཐམས་ཅད་ཀྱི་སྐུ་ལ་ཡང་དག་པར་གནས་པའི་ལུས་དང་། ཆོས་དཀར་པོ་ཐམས་ཅད་ཡོངས་སུ་གཟུང་
D44.036.0128a02.01བ་དང་། ཡང་དག་པར་རྫོགས་པའི་སངས་རྒྱས་ཀྱི་སྤྱོད་པའི་ཕ་རོལ་ཏུ་ཕྱིན་པ་ཐོབ་པ་ཤིན་ཏུ་བསླབས་པ། སེམས་ཅན་ཐམས་ཅད་ཀྱི་གཙོ་བོ་ཀུན་ཏུ་བཟང་པོའི་སྤྱད་པ་སྤྱོད་པས་དབང་བསྐུར་བའི་སྨོན་ལམ་དང་ལྡན་པས། སེམས་ཀྱི་སྐད་ཅིག་གཅིག་ལ་འཇུག་
D44.036.0128a03.01པས་ཤེས་པར་གྱུར་ཅིག །མཐོང་བར་གྱུར་ཅིག །རབ་ཏུ་ཤེས་པར་གྱུར་ཅིག །ཞུགས་པར་གྱུར་ཅིག །ཤིན་ཏུ་སྒྲུབ་པར་གྱུར་ཅིག །ཡོངས་སུ་རྒྱས་པར་བྱེད་པར་གྱུར་ཅིག །ཡོངས་སུ་ཤེས་པར་གྱུར་ཅིག །རབ་ཏུ་རྟོགས་པར་གྱུར་ཅིག །རྗེས་སུ་ཐོབ་
D44.036.0128a04.01བར་གྱུར་ཅིག །རབ་ཏུ་འཕེལ་བར་བྱེད་པར་གྱུར་ཅིག །བྱིན་གྱིས་རློབ་པར་བྱེད་པར་གྱུར་ཅིག །དགེ་བའི་རྩ་བ་འདིས་འགྲོ་བ་ཐམས་ཅད་ལ་རྣམ་པ་བཟང་པོའི་སྤྱོད་པའི་ཡེ་ཤེས་རིན་པོ་ཆེ་དང་། ཀུན་ཏུ་བཟང་པོའི་འབྱུང་བ་རྩོམ་པ་རླབས་པོ་ཆེ་དང་། ཆགས་པ་མེད་པ་
D44.036.0128a05.01དང་གྲོལ་ཞིང་བཅིངས་པ་{མྱེད་,མེད་}པའི་སེམས་རེ་རེ་ལ་སེམས་ཚད་{མྱེད་,མེད་}པ་ཡོངས་སུ་འཛུད་པར་བྱེད་ཅིང་ཡང་དག་པར་རྟེན་པ་དང་། རྣམ་པར་རྟོག་པར་གྱུར་པ་དང་། རྣམ་པ་སྣ་ཚོགས་སུ་གྱུར་པ་དང་། མངོན་པར་འདུ་བྱ་བ་རྣམ་པ་སྣ་ཚོགས་ཀྱི་ལས་དང་། ཚད་མེད་
D44.036.0128a06.01པའི་ལས་དང་། མཚན་ཉིད་ཐ་དད་པའི་ལས་དང་། སེམས་རྣམ་པ་སྣ་ཚོགས་དང་། བསམ་པ་རྣམ་པ་ཐ་དད་པས་བྱུང་ཞིང་ཡང་དག་པར་གཞོལ་བར་གྱུར་པས་རབ་ཏུ་ཤེས་པར་གྱུར་ཅིག །དགེ་བའི་རྩ་བ་འདིས་ཀུན་ཏུ་བཟང་པོའི་སྨོན་ལམ་དང་། ཡེ་ཤེས་
D44.036.0128a07.01