完整藏文原文 · 德格版页 当前仅加载第 36 函德格 374a 版页；藏文 NFD、目录标记与异常页序保留在来源切片中，重复版页行以稳定序号区分。
ལས་འདས་པ་མ་ཡིན། ཕྱོགས་སུ་འགྲོ་བ་མ་ཡིན། ཕྱོགས་ལ་གཞོལ་བ་མ་ཡིན། ཚད་ཡོད་པ་མ་ཡིན། ཚད་མེད་པ་མ་ཡིན། སྐྱོ་བ་མ་ཡིན་སྐྱོ་བ་མེད་པ་མ་ཡིན། རྒྱུན་ཆད་པ་མ་ཡིན་རྒྱུན་མི་ཆད་པ་
D44.036.0374a01.01མ་ཡིན། འཕགས་པ་མ་ཡིན། སོ་སོའི་སྐྱེ་བོ་མ་ཡིན། ཀུན་ནས་ཉོན་མོངས་པ་མ་ཡིན། རྣམ་པར་བྱང་བ་མ་ཡིན། ཤི་འཕོས་པ་མ་ཡིན། སྐྱེས་པ་མ་ཡིན། ཤེས་པ་མ་ཡིན། མི་ཤེས་པ་མ་ཡིན། སྣང་བ་མ་ཡིན། འཇིག་པ་མ་ཡིན། འཇིག་རྟེན་
D44.036.0374a02.01ལ་གནས་པ་མ་ཡིན། ཆོས་ཀྱི་དབྱིངས་ལ་གཞོལ་བ་མ་ཡིན། མཁས་པ་མ་ཡིན། ཤེས་རབ་འཆལ་པ་ཅན་མ་ཡིན། ཉེ་བར་ལེན་པ་མ་ཡིན། ཉེ་བར་མི་ལེན་པ་མ་ཡིན། འཁོར་བ་མ་ཡིན། མྱ་ངན་ལས་འདས་པ་མ་ཡིན།
D44.036.0374a03.01ཡོད་པ་མ་ཡིན། མེད་པ་མ་ཡིན་ནོ། །དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཡང་འཕྲུལ་པའི་བྱིན་གྱི་རླབས་ལ་མཁས་པས། འཇིག་རྟེན་ན་བྱང་ཆུབ་སེམས་དཔའི་སྤྱད་པ་སྤྱོད་དེ། དེ་འཇིག་རྟེན་གྱི་ཆོས་ལ་ལྟ་ཞིང་
D44.036.0374a04.01བདག་མངོན་པར་སྤྲུལ་པ་བྱེད་ཀྱང་འཇིག་རྟེན་གྱི་སྤྲུལ་པ་ལ་མངོན་པར་ཆགས་པ་མེད་དོ། །བདག་གི་སྤྲུལ་པ་ལ་མངོན་པར་ཆགས་པ་མེད་དོ། །བདག་དང་འཇིག་རྟེན་གྱི་མངོན་པར་སྤྲུལ་པ་ལ་ཡོངས་སུ་རྟོག་པ་མེད་དོ། །འཇིག་རྟེན་
D44.036.0374a05.01ལ་གནས་པ་མེད་དོ། །འཇིག་རྟེན་རྒྱུན་གཅོད་པ་མེད་དོ། །ཆོས་ལ་གནས་པ་མེད་དོ། །ཆོས་ཀྱི་དབང་དུ་འགྲོ་བ་མ་ཡིན་ནོ། །སེམས་ཅན་གྱི་ཁམས་ཀྱང་རྡུལ་ཙམ་ཡང་འདུལ་བ་མེད་དོ། །སེམས་ཅན་གྱི་ཁམས་སྨོན་ལམ་ལས་ཡོངས་སུ་
D44.036.0374a06.01སྤོང་བ་མེད་དོ། །ཆོས་དེ་དག་ལ་རྟོག་པ་མེད་དོ། །རྣམ་པར་རྟོག་པ་མེད་དོ། །ཆོས་དེ་དག་ལ་ལེན་པ་མེད་དོ། །ཆོས་དེ་དག་ལ་འདོར་བ་མེད་དོ། །སངས་རྒྱས་ཀྱི་ཆོས་ཡོད་པ་མ་ཡིན་པ་དེ་དག་ཀྱང་ཡོངས་སུ་རྫོགས་པར་བྱེད་དེ། ཆོས་དེ་
D44.036.0374a07.01