完整藏文原文 · 德格版页 当前仅加载第 36 函德格 372b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་དག་ཤིན་ཏུ་དད་པའི་ཕྱིར་དེ་དག་ཏུ་གཟུགས་བརྙན་རྣམ་པར་དམིགས་པར་བྱེད་ཀྱང་གཟུགས་བརྙན་ནི་ཤིན་ཏུ་དང་བའི་དབྱིངས་དེ་དང་འདྲེས་པའང་མེད་དེ། གཟུགས་བརྙན་དེ་དེ་ལས་གུད་ན་འདུག་པའང་མ་ཡིན་ནོ། །གཟུགས་བརྙན་དེ་དེ་
D44.036.0372b01.01ལྟར་རྣམ་པར་དམིགས་པ་དང་ཡང་འགྲོགས་པ་མེད་དོ། །དང་པའི་དངོས་པོ་དེ་ཡང་གཟུགས་བརྙན་གྱིས་དང་འགྲོགས་པ་མེད་དོ། །གཟུགས་བརྙན་དེ་ཆུ་ཀླུང་གི་རྒྱུན་གྱིས་ཀྱང་ཁྱེར་བར་མི་ནུས་སོ། །གཟུགས་བརྙན་དེ་ཆུ་བོའི་རྒྱ་མཚོར་
D44.036.0372b02.01འཆི་བར་ཡང་མི་འགྱུར་རོ། །དང་བ་སྣ་ཚོགས་དེ་དག་གིས་ཀྱང་གཟུགས་བརྙན་དེ་ལ་གོས་པར་མི་འགྱུར་ཏེ། དེ་དག་ཏུ་གཟུགས་བརྙན་རྣམ་པར་དམིགས་པ་འང་ཡོད་ཅིང་དེ་དག་གིས་བཟུང་བ་འདྲ་ཡང་གཟུགས་བརྙན་གང་དུ་དམིགས་
D44.036.0372b03.01པར་གྱུར་པ་དེས་དེའི་ཆ་བཟུང་བ་མེད་དོ། །གཟུགས་བརྙན་དེ་ནི་རིང་བར་ཡང་སྣང་ཉེ་བར་སྣང་སྟེ། དེ་ལྟར་རིང་བ་དང་ཉེ་བ་འང་མེད་དོ། །དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཡང་རང་གི་ཡེ་ཤེས་ཀྱི་དཀྱིལ་འཁོར་གཞན་གྱི་རྒྱུད་
D44.036.0372b04.01ཀྱི་ཡུལ་དུ་སྣང་བར་བྱེད་ཀྱང་འདི་ནི་གཞན་གྱི་རྒྱུད་དོ། །འདི་ནི་བདག་གི་ཡེ་ཤེས་ཀྱི་རྒྱུད་དོ། །འདི་ནི་བདག་གི་ཡེ་ཤེས་ཀྱི་དཀྱིལ་འཁོར་ཏོ་ཞེས་གཉིས་སུ་མི་བྱེད་དོ། །བདག་གི་ཡུལ་དང་གཞན་གྱི་ཡུལ་རྣམ་པར་དབྱེ་བ་འང་རབ་ཏུ་ཤེས་སོ། །འདི་ལྟ་སྟེ།
D44.036.0372b05.01དཔེར་ན་ས་བོན་དུ་གྱུར་པ་ནི་ཤིན་ཏུ་འཕེལ་ཞིང་སྐྱེ་བ་ཡིན་ཏེ། ཆུ་བ་དང་ལོ་མ་དང་སྦུ་གུའི་གནས་སུ་གྱུར་པ་ནས་རྣམ་པར་དབྱེ་བ་འང་ཡོད་དོ། །དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཡང་ཆོས་ཉིད་མི་གཉིས་པ་ལ་
D44.036.0372b06.01གཉིས་ཀྱི་མཚན་ཉིད་མི་མཐུན་པའི་ཡེ་ཤེས་ལ་ཆགས་པ་མེད་པའི་མཐའི་ཚུལ་གྱིས་རབ་ཏུ་འཇུག་གོ །ཀྱེ་རྒྱལ་བའི་སྲས་དག་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་གཟུགས་བརྙན་ལྟ་བུའི་བཟོད་པ་ཐོབ་པ་སྟེ། བརྒྱད་
D44.036.0372b07.01