完整藏文原文 · 德格版页 当前仅加载第 36 函德格 171a 版页；藏文 NFD、目录标记与异常页序保留在来源切片中，重复版页行以稳定序号区分。
ཕན་ཚུན་གཅིག་ལ་གཅིག་ལྟ་ཞིང་། །ཀུན་ཀྱང་རིམ་གྲོ་བཅས་པར་གནས། །སྦྲང་རྩི་ཇི་ལྟར་སྤང་{མྱིན་,མིན་}པ། །དེ་ལྟར་བདུད་རྩི་མཆོག་ཀྱང་འདོད། །རྡོ་རྗེའི་སྙིང་པོ་འཇིགས་མེད་པ། །ཤེས་རབ་ཆེན་པོས་དེ་ཐོས་ནས། །
D44.036.0171a01.01འཁོར་རྣམས་དགའ་བར་བྱ་བའི་ཕྱིར། །བདེ་བར་གཤེགས་པའི་སྲས་ལ་སྨྲས། །སངས་རྒྱས་སྐུར་བ་ཡང་དག་འབྱུང་བས་ན། །བྱང་ཆུབ་སེམས་དཔའི་སྤྱོད་པ་རབ་བསྟན་ཅིང་། །ས་རྒྱུ་དམ་པ་རྣམ་པར་དབྱེ་བྱ་བ། །དེ་ནི་རྨད་འབྱུང་མཆོག་ཏུ་
D44.036.0171a02.01དགའ་བ་ཡིན། །ཕྲ་ཞིང་བལྟ་དཀའ་རྣམ་པར་རྟོག་པ་སྤངས། །སེམས་ཀྱིས་དང་བྲལ་བས་བསྒྲུབ་པར་དཀའ། །མཁས་པ་རྣམས་ཀྱི་ཟག་མེད་སྤྱོད་ཡུལ་ཏེ། །འགྲོ་བ་རྣམས་ཀྱིས་དེ་ཐོས་མོས་པར་འགྱུར། །རྡོ་རྗེ་ལྟ་བུར་བསམ་པ་རབ་གཞག་སྟེ། །
D44.036.0171a03.01སངས་རྒྱས་ཡེ་ཤེས་མཆོག་ལ་མོས་བྱས་ཤིང་། །བདག་མེད་པ་ཡི་སེམས་ཀྱིས་ཤེས་ན། །ཡེ་ཤེས་དམ་པ་འདི་བཟོད་མཉན་པར་ནུས། །ཇི་ལྟར་བར་སྣང་ཚོན་རིས་བྲིས་པ་དང་། །ནམ་མཁའི་དབྱིངས་ལ་རླུང་གནས་ཇི་བཞིན་དུ། །དེ་ལྟར་ཡེ་ཤེས་ཟག་
D44.036.0171a04.01པ་མེད་པ་ཡང་། །ཤིན་ཏུ་བལྟ་དཀའ་ཐུབ་པས་རྣམ་པར་ཕྱེ། །དེ་ལ་བདག་གིས་སེམས་ནི་འདི་སྙམ་བྱེད། །སངས་རྒྱས་ཡེ་ཤེས་དམ་པ་བསམ་ཡས་ལ། །འགྲོ་བ་གང་རྣམས་དད་པར་བྱེད་དཀོན་ཞེས། །དེ་ཡི་ཕྱིར་ན་མ་སྨྲས་མ་བཤད་དོ། །དེ་སྐད་སྨྲས་པ་དང་།
D44.036.0171a05.01བྱང་ཆུབ་སེམས་དཔའ་རྣམ་པར་གྲོལ་བའི་ཟླ་བས། བྱང་ཆུབ་སེམས་དཔའ་རྡོ་རྗེའི་སྙིང་པོ་ལ་འདི་སྐད་སྨྲས་སོ། །ཀྱེ་རྒྱལ་བའི་སྲས་འཁོར་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་འདི་དག་ལ་བསམ་པ་ཤིན་ཏུ་སྦྱངས་པ། ཀུན་ཏུ་རྟོག་པ་
D44.036.0171a06.01ཡོངས་སུ་སྦྱངས་པ་སྤྱད་པར་བྱ་བ་ཤིན་ཏུ་སྤྱོད་པ། ཚོགས་ཤིན་ཏུ་བསྩགས་པ། སངས་རྒྱས་བྱེ་བ་ཁྲག་ཁྲིག་བརྒྱ་སྟོང་ཤིན་ཏུ་བསྙེན་བཀུར་བ། ཡོན་ཏན་དང་ཡེ་ཤེས་ཚད་མེད་པ་དང་ལྡན་པ། ཐེ་ཙོམ་དང་ནེམ་ནུར་མེད་པ། ཉོན་མོངས་པ་དང་བྲལ་བ། མོས་པ་དང་
D44.036.0171a07.01