完整藏文原文 · 德格版页 当前仅加载第 36 函德格 302b 版页；藏文 NFD、目录标记与异常页序保留在来源切片中，重复版页行以稳定序号区分。
ནན་ཏན་ཏུ་བྱེད་བྱེད་པ་རྣམས་ལམ་པོ་ཆེའི་བཞི་མདོ་དག་ཏུ་འཁོད་ཅིང་འགྲོ་བའི་ཚོགས་ཆེན་པོ་འདུས་པ་དག་གི་མདུན་དུ་སྐད་ཅིག་ཡུད་ཙམ་དུ་ཉི་མ་གཅིག་དང་། ཉིན་ཞག་བདུན་དང་ཟླ་བ་ཕྱེད་དང་། ཟླ་བ་གཅིག་དང་ཟླ་བ་གཅིག་ཀྱང་སྟོན་ཏོ། །ལོ་གཅིག་ཀྱང་
D44.036.0302b01.01སྟོན་ཏོ། །ལོ་བརྒྱ་ཡང་སྟོན་ཏོ། །གྲོང་ཡང་སྟོན་ཏོ། །ཡུལ་ཡང་སྟོན་ཏོ། ཆུ་ཀླུང་གི་རྒྱུན་ཀྱང་སྟོན་ཏོ། །རྒྱ་མཚོ་ཡང་སྟོན་ཏོ། །སྤྲིན་ཡོངས་སུ་སྡུད་པ་ཡང་སྟོན་ཏོ། །སྤྲིན་ཆེན་པོ་ལས་ཆར་འབབ་པ་ཡང་སྟོན་ཏོ། །གནམ་སྟོང་པ་ལས་ཆར་འབབ་པ་ཡང་
D44.036.0302b02.01སྟོན་ཏོ། །འཇིག་རྟེན་གྱི་གནས་རྣམ་པ་སྣ་ཚོགས་ཡང་སྟོན་ཏེ། དེ་ལྟར་བསྟན་པས་ཉི་མ་གཅིག་པོ་འཇིག་པར་མི་འགྱུར་རོ། །ཉི་མ་གཅིག་པོས་ཀྱང་ཉིན་ཞག་དང་ཟླ་བ་དང་ལོ་དེ་དག་འཇིག་པར་མི་འགྱུར་རོ། །ཡུན་རིང་པོས་ཀྱང་སྒྱུ་མ་སྟོན་ཅིང་བསྒྲུབ་པ་ཟད་
D44.036.0302b03.01པར་མི་འགྱུར་ཏེ། སྒྱུ་མ་བསྟན་པའི་དུས་ཀྱིས་ཀྱང་ཡུན་རིང་པོ་རྣམ་པར་དམིགས་པ་ཟད་པར་མི་འགྱུར་རོ། །ཀྱེ་རྒྱལ་བའི་སྲས་དག་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཏིང་ངེ་འཛིན་འདི་ལ་མཉམ་པར་གཞག་པ་ཡང་འཇིག་རྟེན་གྱི་ཁམས་
D44.036.0302b04.01གཅིག་ཏུ་འཇིག་རྟེན་གྱི་ཁམས་གྲངས་མེད་པ་ལ་འཇུག་པ་རབ་ཏུ་སྟོན་ཏོ། །རླུང་གི་ཕུང་པོ་དང་། མེའི་ཕུང་པོ་དང་། ཆུའི་ཕུང་པོ་དང་། སའི་ཕུང་པོར་བཅས་པ་དང་། རྒྱ་མཚོ་དང་གླིང་དུ་བཅས་པ་དང་། རིན་པོ་ཆེའི་རི་དང་རི་རབ་དང་ཁོར་
D44.036.0302b05.01ཡུག་དང་། བཏང་བཟུང་དང་ཁོར་ཡུག་ཆེན་པོས་ཡོངས་སུ་བསྐོར་བར་བཅས་པ་དང་། མིའི་འཇིག་རྟེན་དང་གྲོང་རྡལ་དང་ཡུལ་གྲུ་དང་། གྲོང་གི་གང་པར་བཅས་པ་དང་། བཟའ་ཤིང་གི་ར་བ་དང་། ཆུ་ཀླུང་དང་། མཚོ་དང་ལྟེང་ཀར་བཅས་པ་དང་།
D44.036.0302b06.01ལྷའི་གནས་དང་། རྒྱན་དུ་བཅས་པ་དང་། ཀླུའི་གནས་སུ་བཅས་པ་དང་། གནོད་སྦྱིན་གྱི་གནས་སུ་བཅས་པ་དང་། དྲི་ཟའི་གནས་སུ་བཅས་པ་དང་། ལྷ་མ་ཡིན་གྱི་གནས་སུ་བཅས་པ་དང་ནམ་མཁའ་ལྡིང་གི་གནས་སུ་བཅས་པ་དང་། མི་འམ་ཅིའི་
D44.036.0302b07.01