完整藏文原文 · 德格版页 当前仅加载第 36 函德格 330a 版页；藏文 NFD、目录标记与异常页序保留在来源切片中，重复版页行以稳定序号区分。
ཅིང་ཁྱད་པར་དུ་འཕགས་པའི་སྨོན་ལམ་གྱི་ཡེ་ཤེས་དང་ལྡན་ལ་དགེ་བའི་རྩ་བ་དྲི་ཞིམ་པོ་ཐམས་ཅད་དང་ལྡན་པའོ། །ཇི་ལྟར་མཚོ་ཆེན་པོ་མ་དྲོས་པའི་ནང་རིན་པོ་ཆེ་ཐམས་ཅད་ཀྱི་གྲམ་བུས་ཡོངས་སུ་བརྒྱན་ཅིང་
D44.036.0330a01.01ནོར་བུ་རིན་པོ་ཆེ་རྣམ་པ་སྣ་ཚོགས་ཀྱིས་མཛེས་པར་གྱུར་པ་དེ་བཞིན་དུ། བྱང་ཆུབ་སེམས་དཔའི་ཡེ་ཤེས་བྲ་བ་ཁོང་དུ་ཆུད་པའི་དྲན་པ་ཡང་བྱང་ཆུབ་སེམས་དཔའི་རྣམ་པར་ཐར་པ་བསམ་གྱིས་མི་ཁྱབ་པའི་རིན་པོ་ཆེས་རྣམ་པར་བརྒྱན་ཅིང་
D44.036.0330a02.01ད་ལྟར་བྱུང་བའི་ཆོས་ཐམས་ཅད་ལ་ཐོགས་པ་མེད་པའི་སངས་རྒྱས་ཐམས་ཅད་ཀྱི་གནས་ལ་རྣམ་པར་སྤྱོད་པས་ཚུལ་དང་། དུས་ཤེས་པར་བྱ་བ་ཐམས་ཅད་ལ་ཞུགས་པ་ཡིན། ཇི་ལྟར་ཀླུའི་རྒྱལ་པོ་ཆེན་པོ་མ་དྲོས་པ་གཙེ་བ་དང་། མི་བདེ་བ་
D44.036.0330a03.01ཐམས་ཅད་ལས་རྣམ་པར་འདས་པ་དེ་བཞིན་དུ། བྱང་ཆུབ་སེམས་དཔའ་ཡང་འཇིག་རྟེན་གྱི་གཙེ་བ་དང་། འཇིགས་པ་ཐམས་ཅད་དང་བྲལ་བ་ཡིན་ཏེ། འཇིག་རྟེན་ཐམས་ཅད་དུ་སྣང་བར་གནས་ཀྱང་འཇིག་རྟེན་ཐམས་
D44.036.0330a04.01ཅད་ཀྱིས་མི་གོས་པ་ཡིན། ཇི་ལྟར་ཆུ་ཀླུང་ཆེན་པོ་བཞི་པོ་དེ་དག་གིས་འཛམ་བུ་གླིང་མངོན་པར་བརླན་ཅིང་ཡོངས་སུ་བརླན་ནས་རྒྱ་མཚོ་ཆེན་པོ་ལ་ཞེན་པར་འདོད་པ་དེ་བཞིན་དུ། བྱང་ཆུབ་སེམས་དཔའ་ཡང་ཡེ་ཤེས་ཀྱི་ཆུ་ཀླུང་ཆེན་པོ་
D44.036.0330a05.01བཞིས་ལྷ་དང་འཇིག་རྟེན་དུ་བཅས་པ། ཚངས་པར་བཅས་པ། དགེ་སྦྱོང་དང་བྲམ་ཟེའི་སྐྱེ་དགུར་བཅས་པ་མངོན་པར་བརླན་ཏེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་ཡེ་ཤེས་རྒྱ་མཚོ་སྟོབས་བཅུས་རྣམ་པར་བརྒྱན་པ་ལ་ཞེན་
D44.036.0330a06.01པར་འགྲོའོ། །བཞི་གང་ཞེ་ན་འདི་ལྟ་སྟེ། སྨོན་པའི་ཡེ་ཤེས་ཀྱི་ཆུ་ཀླུང་འགྲོ་བ་ཐམས་ཅད་བསྐྱབ་པ་དང་། འགྲོ་བ་ཐམས་ཅད་གདུལ་བའི་ཕྱིར་རྒྱུན་མི་འཆད་པར་འགྲོ་བ་དང་། འདི་ལྟ་སྟེ་ཕ་རོལ་ཏུ་ཕྱིན་པ་ཡོངས་སུ་རྫོགས་པའི་ཆུ་ཀླུང་བྱང་ཆུབ་
D44.036.0330a07.01