完整藏文原文 · 德格版页 当前仅加载第 36 函德格 347a 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་ཀྱིས་སྣང་བར་གྱུར་པ། དེ་ལྟ་བུའི་ཆོས་ལ་གནས་པ། ཆོས་དེ་ལྟ་བུ་མཐོང་བར་གྱུར་པ། མངོན་པར་ཤེས་པ་དེ་ལྟ་བུའི་ཡིད་དང་ལྡན་པ། ཆོ་འཕྲུལ་དམ་པ་དེ་ལྟ་བུ་དང་ལྡན་པ། ཆོ་འཕྲུལ་མཆོག་
D44.036.0347a01.01ཏུ་བྱ་བ་ཕུལ་དུ་བྱུང་བ་དེ་ལྟ་བུས་ཡང་དག་པར་བསྒྲུབས་པ། རྟག་ཏུ་བརྩོན་པའི་སྙིང་རྗེ་ཆེན་པོས་མངོན་པར་འཕགས་པ། ཆོས་ཀྱི་དོན་བཟང་པོ་ལ་རྟག་ཏུ་རྒྱུན་མི་འཆད་པར་བརྩོན་པ། བདེ་བའི་ལམ་ཡང་དག་པར་སྟོན་པ།
D44.036.0347a02.01བསོད་ནམས་ཆེན་པོ་དང་ཡེ་ཤེས་ཡངས་པའི་འོད་གཟེར་གྱི་རྒྱལ་མཚན་དུ་གྱུར་པ། རྣམ་པར་ཐར་པ་བསམ་གྱིས་མི་ཁྱབ་པ་ཤིན་ཏུ་ཐོབ་པ། ཐམས་ཅད་མཁྱེན་པའི་ཡུལ་ལ་དོན་ཡོད་པར་རྗེས་སུ་སོང་བ། སངས་རྒྱས་ཀྱི་
D44.036.0347a03.01རྣམ་པར་ཐར་པའི་ཕ་རོལ་ཏུ་ཕྱིན་པ་ཐོབ་པ། རྣམ་པར་ཐར་པའི་ཚུལ་ཤིན་ཏུ་ཕྲ་བ། བསམ་གྱིས་མི་ཁྱབ་པ་རབ་ཏུ་བསྒོམས་པ། ཆོས་ཀྱི་དབྱིངས་ཀྱི་རྒྱུད་དང་། ཚུལ་རྨོངས་པ་མེད་པར་ཁོང་དུ་ཆུད་པ། ཀུན་ཏུ་བཟང་པོའི་ཏིང་ངེ་འཛིན་བརྗོད་དུ་མེད་པའི་ཡང་བརྗོད་དུ་མེད་
D44.036.0347a04.01པ་ལ་རྣམ་པར་རྩེ་ཞིང་བརྗོད་པ། སེང་གེ་བསྒྱིངས་བའི་ཡེ་ཤེས་ཀྱིས་གྲུབ་པ་ལ་ཤིན་ཏུ་གནས་པ། སེམས་དང་ཡིད་རྣམ་པར་ཤེས་པ་ལ་ཆགས་པ་མེད་པ་རྣམས་ཀྱི་ཆོས་ཀྱི་བསམ་པ་དང་། ལྷག་པའི་བསམ་པ་རབ་ཏུ་ཡངས་
D44.036.0347a05.01པ་ཆེན་པོ་བཅུ་འབྱུང་ངོ་། །བཅུ་གང་ཞེ་ན། འདི་ལ་བྱང་ཆུབ་སེམས་དཔའ་སངས་རྒྱས་ཐམས་ཅད་རྗེས་སུ་དྲན་པས་གནས་པ་ཡིན། ཆོས་ཐམས་ཅད་ཀྱི་དེ་བཞིན་ཉིད་ཚད་མེད་པས་གནས་པ་ཡིན། སེམས་ཅན་
D44.036.0347a06.01ཐམས་ཅད་གདུལ་བའི་སྙིང་རྗེ་ཆེན་པོས་གནས་པ་ཡིན། ཞིང་རྣམ་པར་དག་པའི་གནས་བསམ་གྱིས་མི་ཁྱབ་པའི་ཕྱིར་གནས་པ་རྣམ་པར་དག་པས་གནས་པ་ཡིན། སངས་རྒྱས་བཅོམ་ལྡན་འདས་རྣམས་ནི་ཡུལ་ལ་མོས་པ་རྣམ་
D44.036.0347a07.01