完整藏文原文 · 德格版页 当前仅加载第 36 函德格 293b 版页；藏文 NFD、目录标记与异常页序保留在来源切片中，重复版页行以稳定序号区分。
དང་ངག་གི་ལས་ཀྱང་མ་མཐོང་ངོ་། །དེའི་ཡིད་དང་ཡིད་ཀྱི་ལས་ཀྱང་མ་མཐོང་ངོ་། །དེའི་སྟན་ཡང་མ་མཐོང་ངོ་། །བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོ་དེ་གང་ན་མཆིས་པ་དང་སྤྱོད་པའི་ཕྱོགས་དེ་ཡང་མ་མཐོང་ངོ་
D44.036.0293b01.01བཅོམ་ལྡན་འདས་ཀྱིས་བཀའ་སྩལ་པ། ཀུན་ཏུ་མིག་དོན་དེ་བཞིན་ཏེ། ཁྱོད་ཀྱིས་བྱང་ཆུབ་སེམས་དཔའ་ཀུན་ཏུ་བཟང་པོ་དེ་མི་མཐོང་ངོ་། །དེ་ཅིའི་ཕྱིར་ཞེ་ན། བྱང་ཆུབ་སེམས་དཔའི་རྣམ་པར་ཐར་པ་བསམ་གྱིས་མི་ཁྱབ་པ་ལ་ཤིན་ཏུ་
D44.036.0293b02.01བསླབས་པ་ནི་བྱང་ཆུབ་སེམས་དཔའ་ཀུན་ཏུ་བཟང་པོའོ། །ཀུན་ཏུ་མིག་དེ་ལ་ཇི་སྙམ་དུ་སེམས། སྒྱུ་མའི་གཟུགས་ཀྱི་རྣམ་པ་སྣ་ཚོགས་མང་པོ་སྒྱུ་མའི་སྔགས་ཀྱི་ཡི་གེ་གང་ལ་གནས་པ་{དམྱིགས་,དམིགས་}པར་ནུས་སམ། བཙུན་པ་བཅོམ་
D44.036.0293b03.01ལྡན་འདས་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཀུན་ཏུ་མིག་རྒྱུ་མའི་སྔགས་ཀྱི་གཟུགས་ཀྱི། རྣམ་པ་དེ་དག་ཀྱང་དམིགས་ཤིང་བསྟན་པར་མི་ནུས་ན། བྱང་ཆུབ་སེམས་དཔའ་ཀུན་ཏུ་བཟང་པོའི་ལུས་ཀྱི་སྤྱོད་ཡུལ་
D44.036.0293b04.01གསང་བ་དང་། ངག་གི་སྤྱོད་ཡུལ་གསང་བ་དང་། ཡིད་ཀྱི་སྤྱོད་ཡུལ་གསང་བ་ལ་འཇུག་པར་མི་ནུས་པ་དང་། མཐོང་བར་མི་ནུས་པ་ལྟ་སྨོས་ཀྱང་ཅི་དགོས། དེ་ཅིའི་ཕྱིར་ཞེ་ན། བྱང་ཆུབ་སེམས་དཔའ་ཀུན་ཏུ་བཟང་པོ་ནི་ཟབ་ཅིང་།
D44.036.0293b05.01བསམ་གྱིས་མི་ཁྱབ་པར་རྣམ་པར་སྤྱོད་པའོ། །བྱང་ཆུབ་སེམས་དཔའ་ཀུན་ཏུ་བཟང་པོ་ནི་ཚད་མེད་ཅིང་ཚད་ལས་འདས་པ་སྟེ། ཡེ་ཤེས་རྡོ་རྗེའི་བློ་དང་ལྡན་པའོ། །ཆོས་ཀྱི་དབྱིངས་མཐའ་དང་དབུས་མེད་པ་ལ་ཡང་དག་པར་གནས་པའོ། །
D44.036.0293b06.01འཇིག་རྟེན་གྱི་ཁམས་ཐམས་ཅད་དུ་གནས་མེད་པར་སྤྱོད་ཅིང་། སེམས་ཅན་ཐམས་ཅད་ཀྱི་ལུས་དང་གཟུགས་ཀྱི་རྗེས་སུ་ཞུགས་པའོ། །བླང་བ་མེད་པའི་ཆོས་ཀྱི་ཚུལ་དང་ལྡན་པའོ། །མི་ཟད་ཅིང་ཐ་མི་དད་པའི་རྫུ་འཕྲུལ་དང་ཁྱུ་མཆོག་གི་
D44.036.0293b07.01