完整藏文原文 · 德格版页 当前仅加载第 36 函德格 212b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཡིན། དོན་དམ་པའི་བདེན་པ་ལ་མཁས་པ་ཡིན། མཚན་ཉིད་ཀྱི་བདེན་པ་ལ་མཁས་པ་ཡིན། རྣམ་པར་དབྱེ་བའི་བདེན་པ་ལ་མཁས་པ་ཡིན། བརྟག་པའི་བདེན་པ་ལ་མཁས་པ་ཡིན། དངོས་པོའི་བདེན་པ་ལ་མཁས་པ་ཡིན། འབྱུང་བའི་བདེན་པ་
D44.036.0212b01.01ལ་མཁས་པ་ཡིན། བྱང་ཞིང་མི་སྐྱེ་བའི་བདེན་པ་ལ་མཁས་པ་ཡིན། ལམ་གྱི་ཡེ་ཤེས་ལ་འཇུག་པའི་བདེན་པ་ལ་མཁས་པ་ཡིན། བྱང་ཆུབ་སེམས་དཔའི་སའི་རིམ་པ་མཚམས་སྦྱར་བ་བསྒྲུབ་པར་བྱ་བས་དེ་བཞིན་གཤེགས་པའི་ཡེ་ཤེས་
D44.036.0212b02.01ཡང་དག་པར་བསྐྱེད་པའི་བར་དུ་མཁས་པ་ཡིན་ཏེ། དེ་སེམས་ཅན་གཞན་དང་གང་ཟག་གཞན་ལ་བསམ་པ་ཇི་ལྟ་བ་བཞིན་དུ་ཤིན་ཏུ་དགའ་བར་བྱེད་པས་ཀུན་རྫོབ་ཀྱི་བདེན་པ་ཡང་རབ་ཏུ་ཤེས་སོ། །ཐེག་པ་གཅིག་ཏུ་ཡང་དག་པར་གཞོལ་བས་དོན་དམ་
D44.036.0212b03.01པའི་བདེན་པ་ཡང་རབ་ཏུ་ཤེས་སོ། །ཆོས་ཀྱི་རང་གི་མཚན་ཉིད་ཁོང་དུ་ཆུད་པས་མཚན་ཉིད་ཀྱི་བདེན་པ་ཡང་རབ་ཏུ་ཤེས་སོ། །ཆོས་ཀྱི་བྱེ་བྲག་རྣམ་པར་དགོད་པ་ཁོང་དུ་ཆུད་པས་རྣམ་པར་དབྱེ་བའི་བདེན་པ་ཡང་རབ་ཏུ་ཤེས་སོ། །ཕུང་པོ་དང་ཁམས་དང་
D44.036.0212b04.01སྐྱེ་མཆེད་རྣམ་པར་དགོད་པས་རྟོག་པའི་བདེན་པ་ཡང་རབ་ཏུ་ཤེས་སོ། །ལུས་དང་སེམས་ལ་གནོད་པ་ཉམས་སུ་འབབ་པས་དངོས་པོའི་བདེན་པ་ཡང་རབ་ཏུ་ཤེས་སོ། །འགྲོ་བའི་རྒྱུད་ཀྱི་མཚམས་སྦྱོར་བས་འབྱུང་བའི་བདེན་པ་ཡང་རབ་ཏུ་ཤེས་སོ། །
D44.036.0212b05.01རིམས་དང་ཡོངས་སུ་གདུང་བ་ཐམས་ཅད་ཤིན་ཏུ་ཞི་བས་བྱང་ཞིང་མི་སྐྱ་བའི་བདེན་པ་ཡང་རབ་ཏུ་ཤེས་སོ། །མི་གཉིས་པས་མངོན་པར་བསྒྲུབ་པས་ལམ་གྱི་ཡེ་ཤེས་ལ་འཇུག་པའི་བདེན་པ་ཡང་རབ་ཏུ་ཤེས་སོ། །རྣམ་པ་ཐམས་ཅད་དུ་མངོན་པར་འཚང་རྒྱ་བ་དང་།
D44.036.0212b06.01བྱང་ཆུབ་སེམས་དཔའི་སའི་རིམ་པ་ཐམས་ཅད་མཚམས་སྦྱོར་བ་རབ་ཏུ་བསྒྲུབ་པས་དེ་བཞིན་གཤེགས་པའི་ཡེ་ཤེས་ཡང་དག་པར་འབྱུང་བའི་བདེན་པ་ཡང་རབ་ཏུ་ཤེས་སོ། །དེ་འང་མོས་པས་ཤེས་པའི་སྟོབས་དང་ཤུགས་ཀྱིས་ཏེ་ལྷག་མ་མ་ལུས་པར་ཡེ་
D44.036.0212b07.01